Салгыы
Күндэйэҕэ окко киириэх иннинэ тыраахтардары бэрэбиэркэлииллэр

Күндэйэҕэ окко киириэх иннинэ тыраахтардары бэрэбиэркэлииллэр

Ааптар:
11.07.2024, 20:38
Хаартыска Тускулаана Горохова-Кобельянова тиксэриитэ
Бөлөххө киир:

Сунтаар улууһугар 1555 самоходнай тимир көлө учуокка турар. Онтон элбэх ахсаана Күндэйэ нэһилиэгэр. Бу күннэргэ тырахтарыыстар окко киирээри тимир көлөлөрүн гостехнадзорга көрдөрөллөр.

Сайын үтүөтүгэр Күндэйэ биир сарсыардата тыраахтар бирилиир тыаһынан туолла. Бу Сунтаартан гостехнадзор анаан тахсан бэрэбиэркэ үлэтин ыытар. Кэлбит тырахтарыыс барыта тимир көлөтүн көрдөрөр, тыраахтардарын бэрэбиэркэлэтэллэр. Николай Терентьев DongFeng тыраахтардаммыта уонча сыл буолла. «Бэртээхэй тимир көлөлөөхпүн», — диэн киэн тутта кэпсиир. Онтон Николай Ощепков дьиэ кэргэнинэн тыа хаһаайыстыбатынан «Агростартап» барылынан ылыммыт Синтайдарын уонна прицептаах Беларустарын учуокка туруораары сүбэ-соргу ылаллар. «Бэрэбиэркэ күнүгэр көрдөрөн туран, тыраахтарым нэһиилэ эстэн кэллэ», —  диир дьоннор эмиэ бааллар.

Гостехнадзор иниспиэктэрэ Евгений Николаев солотугар үлэлээбитэ бэһис сыла. Былырыын салалтата саҥа «Нива» массыына көрөн, үлэтигэр тирэхтэннэ. Кини улууһугар эрэ буолбакка Анаабырга, Өлөөҥҥө тиийэ идэтинэн көмөлөһөр.

Санатан эттэххэ, тыраахтар ыытарга быраабы Сунтаар технологическай кэллиэһигэр, Сунтаар 2 №дээх уонна Күүкэй оскуолаларыгар үөрэнэн ылыахтарын сөп. Эһиил Куокунуга эмиэ үөрэнэр буолуохтара.

Тырахтарыыстар үксүлэрэ бэрэбиэркэни окко киириэх иннинэ ааһан өрө тыыннылар, күргүөмнээх үлэҕэ туруннулар. Гостехнадзор салгыы Түбэй диэки айанныыр.

Тускулаана ГОРОХОВА-КОБЕЛЬЯНОВА,

Сунтаар.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
15 июля
  • 21°C
  • Ощущается: 21°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: