“Кындыкаан” айар холбоһук “100 хартыына” диэн өрөспүүбүлүкэтээҕи киэҥ хабааннаах социальнай аахсыйаны ыытта. Аахсыйа сыалынан хоту дойду тиэмэтигэр ураты тыыннаах хартыыналары оҥорон, өрөспүүбүлүкэ мэдиссиинэ тэрилтэлэригэр (балыыһаларга, стационардарга) биэрии буолар.
Айна Куртц, “100 хартыына” аахсыйа уус-уран салайааччыта: “Аахсыйа ааспыт сыл кулун тутар ыйга саҕаламмыта. САССР 100 сылыгар, ону тэҥэ Доруобуйа уонна Ийэ сылларыгар анаммыта. Биһиги хартыыналарбыт балыыһалар истиэнэлэрин киэргэтиэхтэрин баҕарабыт.”
Антонина Щадрина, “100 хартыына аахсыйа худуоһунньуга: “Искусство дьону Хоту дойду аҕыйах ахсааннаах норуоттарын култуураларын сыаналыырга ыҥырар. Кындыкаан маныаха ураты сыһыаны эрэйэр”.
Яна Локоцкова, “Туймаада” АУО Агрохолдинг биисинэс-бырайыак дириэктэрэ: “Хартыыналары анал кыраасканан туһанан уруһуйдуохтара, онтон быраастарга махталбытын биллэрэн, балыыһаларга бэриллиэҕэ”.
Дьулустаан Софронов, “Острог” хампаанньа салайар управляющайа: “Маннык бырайыактар элбииллэригэр баҕарабын”.
Сергей уонна Татьяна Афанасьевтар: “Биисинэс бэрэстэбиитэллэрэ социальнай өттүнэн көхтөөх буолуохтаахпыт. Былырыын саас социальнай-экологическай аахсыйаҕа кыттыбыппыт”.
Түгэнинэн туһанан “Кындыкаан” атын да хайысхаларыгар көмөлөспүттэргэ махтанна:
“Водоканал” АУо-ҕа, СӨ Тас сибээскэ уонна норуоттар дьыалаларыгар министиэристибэтигэр, “Туймаада” агрохолдиҥҥа, “Дьокуускайдааҕы дьаарбаҥкаа” АУо-ҕа, “Алмаз” ювелирнай солуоҥҥа, “Өлүөнэ очуостара” айылҕа пааркатыгар, “Акварель” эргиэн дьиэтигэр, “Лавка художника” маҕаһыыҥҥа, “Бон Ами” французскай бэкээринэ ситимигэр, Аар Кудай коуч-тириэньэригэр Зарьяна Юмшановаҕа, Острог” таҥас маҕаһыынын хампаанньатыгар, “Витрина” реклама агентствотыгар, Томпо оройуонун дьаһалтатыгар, Анаабыр долган-эбэҥки национальнай улууһугар, “Дьокуускайдааҕы инновационнай технология кэллиэһигэр”, AINAKURTS таҥас брендигэр.
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Аҕам саастаах уонна доруобуйаларыгар хааччахтаах дьон бородуукта атыылаһаллара, бырааска көрдөрө бараллара кыаллымыан сөп. Дьиэҕэ-уокка уонна…
Балаҕан ыйын 13 күнүгэр "Боотур" иһинэн тэриллибит "БАРС-2" этэрээт байыастара бойобуой сорудаҕы толоро сылдьан, дрону…
Бүгүн, балаҕан ыйын 17 күнүгэр, Саха сирин сорох улуустарыгар инчэҕэй хаары кытта ардах түһэрэ күүтүллэр…
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…