«Кындыкаан» Саҥа дьыллааҕы оонньууга кыттарга ыҥырар

Ахсынньы 14 күнүттэн кэлэр сыл тохсунньу 19 күнүгэр диэри “Кындыкаан” айар түмсүү сүрүн партнера “Водоканал” АУо уонна СӨ Тас сибээстэргэ министиэристибэтин өйөбүллэринэн “100 хартыына” аахсыйа иккис түһүмэҕин ыытыаҕа.

Бу хоту сир кыһалҕаларыгар дьон болҕомтотун туһаайар сыалтан ыытыллар тэрээһин буолар. Салгыны ыраастыыр кырааскаларынан уруһуйдаммыт хартыыналары өрөспүүбүлүкэ балыыһаларыгар бэлэхтиэхтэрэ.

«100 хартыына» аахсыйа Саҥа дьыллааҕы сүүйүүлээх оонньууну биллэрэр.

Ахсынньы 21 күнүттэн тохсунньу 18 күнүгэр диэри Kyndykan телеграм-ханаалыгар хас нэдиэлэ аайы кыайыылаахтары быһаарыахтара. Оонньуу туһунан сиһилии KYNDYKAN.COM саайтка киирэн  ааҕыҥ.