Күҥҥэ эстиилэртэн уон сыл иһигэр саамай күүстээх дьүкээбил күлүмнээтэ

Бүтэһик икки хонук иһигэр Күҥҥэ үһүс улахан эстиилэр буоллулар. Ол бүтэһик уон сылга саамай күүстээх дьүкээбили үөскэттэ. Бу туһунан РНА Космос чинчийиилэрин институтун Күн астрономиятын лабораториятыгар иһитиннэрдилэр.

«Күнтэн плазма үһүс быраҕыллыыта кэллэ. Олохтоохтор уон сыл иһигэр саамай күүстээх дьүкээбил уотун кэтээн көрдүлэр. Бу күннэргэ 45-с кыраадыс кэтирээһинтэн саҕалаан дьүкээбили салгыы көрөр кыах баар», — диэн лаборатория ТГ-ханаала иһитиннэрэр.

РАН ККИ дааннайдарынан, чугастааҕы күннэргэ Күҥҥэ буолбут хас да эстии түмүгэр үөскээбит магнитнай буурҕа дьайыыта күүтүллэр. Астрономнар бэлиэтииллэринэн, Күн маннык актыыбынаһа олус сэдэхтик көстөр уонна халлаан көстүүлэригэр эрэ буолбакка, спутниктар уонна навигация систиэмэлэрин үлэлэригэр харгыстары таһаарыан сөп.

Санатан эттэххэ, бу иннинэ учуонайдар  Сиргэ кэлбит күн плазматын бастакы былытыттан үөскээбит күүстээх магнитнай буурҕаны бэлиэтээбиттэрэ. Магнитнай буурҕа дьайыыта быдан күүстээх буолан таҕыста. Планета тула плазма чиҥэтик уонна температурата нуорматтан уонча төгүл үрдүк, оттон магнитнай буурҕа устуоруйаҕа саамай үрдүк кээмэйигэр тиийдэ.