Хаартыска: куйаар аһаҕас ситимиттэн
Алтынньы 17 күнүн түүнүгэр Күҥҥэ M кылаастаах икки күүстээх эстии буолбута бэлиэтэннэ. Бу туһунан Прикладной геофизика институтугар иһитиннэрдилэр.
Учуонайдар иһитиннэрэллэринэн, күн эстиилэрэ биир бөлөххө икки чаас арыттаах буолбуттар.
«Алтынньы 17 күнүгэр, Москва бириэмэтинэн түүн 02:19 чааска 4246 нүөмэрдээх эстиилэр бөлөҕөр (N23W67) рентген диапазонугар 16 мүнүүтэ усталаах M1.0 күүстээх эстии бэлиэтэннэ. Оттон 04:28 чааска бу бөлөххө рентген диапазонугар 25 мүнүүтэ усталаах M1.5 эстии буолла», — диэн Прикладной геофизика институтун официальнай иһитиннэриитигэр этиллэр.
Күн эстиилэрэ рентген сардаҥатын кыаҕынан A, B, C, M уонна X диэн сүрүн биэс кылааска араарыллаллар. М кылаас — шкалаҕа бүтэһик иннинээҕи сардаҥата C кылаастааҕар уон төгүл күүстээх. Күүстээх эстиилэр күн плазмата быраҕыллыытынан доҕуһуолланар. Плазма былыттара Сиргэ тиийдэхтэринэ, магнитосфератын үлэтэ кэһиллиэн, магнитнай буурҕалар буолуохтарын сөп.
Урут Күҥҥэ сууккаҕа М кылаастаах түөрт кэриҥэ эстии буолбута бэлиэтэммитэ. Кэнники үс ый иһигэр күн хамсааһынын таһыма 70%-нан улаатан, 2024 сыл саҕаланыытын көрдөрүүлэригэр тиийдэ.
Өлүөхүмэ улууһугар «Умнас» трасса 652-с килэмиэтиригэр Дьороху үрэҕи туоруур күргэ хапытаалынай өрөмүөнэ түмүктэниэ. Бу туһунан…
СӨ Ил Дархана Айсен Николаев уонна Арассыыйа Буостатын генеральнай дириэктэрэ Михаил Волков өрөспүүбүлүкэҕэ буоста сибээһин…
Алтынньы 16 күнүгэр Саха сирин Ленскэй улууһугар киһи өлүлээх суол быһылаана таҕыста. Бу туһунан ГАИ…
«Мой бизнеч» киин байыаннай дьайыы кыттыылаахтарыгар, бойобуой дьайыылар бэтэрээннэригэр, ону таһынан кинилэр дьиэ кэргэттэригэр аналлаах…
«Филадельфия» роллар – элбэх углеводтаах, сыалаах уонна калорийдаах ас. Сушины сииртэн туттуналлара наадалаах дьон эмиэ…
“Кэлэр кыһын хаһааҥҥытааҕар даҕаны тымныы буолар үһү” диэн кэпсэтии кэлин үксээтэ. Хайдах кыһын кэлиэҕин айылҕа,…