Күҥҥэ улахан эстии: магнитнай буурҕа төһө күүстээх буолуой?

Ахсынньы 2 күнүгэр учуонайдар магнитнай буурҕа түспэт диэн сабаҕалыыллар. Ол эрээри, Күҥҥэ соһуччу улахан эстии таҕыстаҕына, балаһыанньа уларыйыан сөп.

Ахсынньы 1 күнүгэр сарсыарда Күн астрономиятын лабораторията X1.9 кылаастаах күүстээх Күҥҥэ улахан эстии тахсыбытын бэлиэтээтэ. «Фобос» күн-дьыл киинин бастыҥ исписэлииһэ Михаил Леус иһитиннэрбитинэн, Күҥҥэ саамай үрдүк X кылаастаах эстии бэлиэтэммит. Бастакы дааннайдарынан, к күүһэ Х1,95 баалга тэҥнэһэр. Михаил Леус эппитинэн, эстии күүһүнэн сыл саҕаланыаҕыттан биэс саамай күүстээх эстиилэр ахсааныгар киирэр.

Арассыыйа Наукаларын академиятын Күн-Сир физикатын уонна Космос чинчийиилэрин институттарын Күн астрономиятын лабораториятын дааннайынан, ахсынньы 2 күнүгэр геомагнитнай балаһыанньа чуумпу. Магнитнай буурҕа үөскүүр сабаҕалааһына 3% тэҥнэһэр. Бу кэмҥэ магнитосфера таһыма Кр-индекс быһыытынан 1-тэн 1,5 баалга диэри уларыйар.

Бу геомагнитнай хамсааһын таһыма киһиэхэ, тиэхиньикэҕэ уонна прибордар үлэлэригэр дьайбат. Күн-дьыл уларыйыытыттан тутулуктаах дьоҥҥо ахсынньы саҥатыгар доруобуйалара бигэ туруктаах буолуо.

Оттон күүстээх магнитнай буурҕалар ый бүтүүтэ түһэллэрэ сабаҕаланар. Ахсынньы саамай ыарахан күннэринэн 23 уонна 30 чыыһылалар буолуохтара — бу күннэргэ магнитнай буурҕа күүһэ 5 баалга тиийиэ диэн күүтүллэр.

Ахсынньыга магнитнай буурҕалар күүһүрэр күннэрэ:

• Ахсынньы 21–22 күннэрэ: магнитосфера күүрүүтэ күүһүрэр (оранжевай таһым, 4 баал).
• Ахсынньы 23 күнэ: күүстээх магнитнай буурҕа түһэрэ сабаҕаланар (кыһыл таһым, 5 баал).
• Ахсынньы 24 күнэ: оранжевай таһым (4 баал).
• Ахсынньы 30 күнэ: кыһыл таһым (5 баал).