Хаартыска: Күн астрономиятын лабораторията.
РНА Күн-Сир физикатын институтун Күн астрономиятын лабораториятын дааннайдарынан, алтынньы 3 күнүгэр, Күҥҥэ 2017 сылтан буола илик улахан эстии тахсыбыт. Бу эстиигэ X9.1. баалы туруордулар. Сиргэ күүстээх магнитнай буурҕа буолуо дуо?
Учуонайдар кэтээн көрбүттэринэн, эстии Күн диискэтин ортотугар буолбут, ол эбэтэр, ортотунааҕы эстиилэр Сиргэ тиийэн кэлэллэр эбит. Бу иннинэ, алтынньы 2 күнүгэр, X7.1 бааллаах эмиэ улахан эстии буолбута. Бу эстиилэр плазмалара Сиргэ тиийдэҕинэ, 3-4 суукканы быһа күүстээх магнитнай буурҕалар буолуохтара диэн сабаҕалыыллар. Оттон Сиргэ тиийбэккэ, халты бардаҕына, буурҕа буолумуон эмиэ сөп.
Плазма былыта 900 км/сөк айанныыр, ол эбэтэр, Сиртэн Күҥҥэ диэри 150 мөлүйүөн килэмиэтир ыраах буоллаҕына, 46 чааһынан айаннаан кэлиэн сөп. Плазма былытын ыйааһынын 1 триллион киилэ диэн учуонайдар сабаҕалаатылар.
Бүгүҥҥү туругунан, Сир диэки плазма улахан маассата кэлэ илик. Күн астрономиятын лабораторията чаас аайы дааннайдары таһаарар. Онно көстөрүнэн, бүгүн сарсыарда магнитнай хамсааһын нуорма иһинэн.
Ол эрээри, институт учуонайдара этэллэринэн, бээтинсэҕэ киэһэлик уонна субуотаҕа-өрөбүлгэ плазма былыта Сиргэ кэлиэн сөп.
Быйыл күүстээх магнитнай буурҕалар ыам ыйыгар буолбуттара. Ол эрээри онно Күҥҥэ эстии бу билиҥҥитээҕэр арыый мөлтөх этэ — X 8.7 баалы туруорбуттара.
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…