Күннээҕи гороскоп: ахсынньы 14 күнэ

Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы, айар иэйиини уонна ис туругу көрдөрөр. Хахай бэлиэтигэр сылдьар Ый бу күүһү өссө улаатыннарар, онон бэйэбитин көрдөрүөхпүтүн, дьон болҕомтотун тардыахпытын, сүрэхпит сылааһын чугас дьоммутугар бэрсиэхпитин баҕарабыт. Айар-тутар, үөрэр-көтөр, олох кэрэтинэн дуоһуйар күүстээх кэм.

Хой 

Бүгүн эйигин тохтотор күүс суох. Лидердии дьоҕуруҥ уһуктан, чугас дьоҥҥун, доҕотторгун түмэ тардан, ханнык эрэ интэриэһинэй дьыаланы тэрийиэххин сөп. Успуордунан дьарыктанарга, айылҕаҕа тахсарга бэртээхэй күн. Сүрүнэ – күүскүн үтүөҕэ эрэ туһаай.

Оҕус

Бүгүн дьиэҕэр-уоккар сынньалаҥы уонна кэрэни киллэриэххин баҕарыаҥ. Минньигэс аһылыгы астаан, чугас дьоҥҥун күндүлээ. Кэрэ эйгэтигэр сыһыаннаах тэрээһиҥҥэ (кэнсиэркэ, быыстапкаҕа) сылдьан дуоһуйуоҥ. Харчыгын кэмчилээ, ол эрээри дууһаҕар наадалаахха харыстаама.

Игирэлэр 

Энэргийэҥ таһынан таһымныыр, саҥа билсиһиилэргэ, кэпсэтиилэргэ аһаҕас күн. Доҕотторгун кытта көрсөн, санаа атастас. Саҥа идиэйэлэр, былааннар барыта кэпсэтииттэн саҕаланыахтара. Бүгүн эн тылыҥ-өһүҥ дьону иилэн ылар күүстээх.

Араак 

Бүгүн эн дьиэ кэргэҥҥэр уонна чугас дьоҥҥор болҕомтоҕун уурар кэмиҥ. Кинилэргэ кыра да буоллар бэлэхтэ оҥорон үөрт. Ис сүрэхтэн тахсар сылаас тылларгыттан сыһыаҥҥыт өссө бөҕөргүө. Дьиэҕэр холкутук, чуумпуга сынньанан күүс-уох мунньун.

Хахай 

Бүгүн эн күнүҥ! Ый эн бэлиэҕэр сылдьар, онон дьон барыта эйиэхэ тардыһар. Айар дьоҕуруҥ, талааныҥ арыллар. Сценаттан саҕалаан, социальнай ситимҥэ тиийэ – ханна баҕарар киэптээбэккэ, ис кыаххын көрдөр. Дьоҥҥо үтүөнү оҥорортон дуоһуйууну ылыаҥ.

Кыыс

Ыксал-тиэтэл эйигин сылатыан сөп. Бүгүн соҕотох хаалан, кэлэр нэдиэлэҕэ былааннаргын оҥостунарга, санааҕын сааһылыырга тоҕоостоох. Доруобуйаҕар болҕомтото уур, битэмииннээх аһы аһаа, үчүгэйдик утуй. Ис туруккун бөҕөргөт.

Ыйааһын

Уопсай интэриэстээх дьону, доҕотторгуун кытта алтыһартан үөрүүнү ылыаҥ. Ким эрэ эн көмөҕөр, сүбэҕэр-амаҕар наадыйар. Бүгүн эн дьону эйэлэһиннэрэр, санааларын көтөҕөр ураты дьоҕурдааххын. Киэһэ тапталлааххын кытта романтическай киэһэни тэрий.

Скорпион 

Карьераҕар эбэтэр уопсастыбаннай олоххор ситиһии күүтэр. Дьон эн үлэҕин, кыһамньыгын сыаналыа. Ол эрээри аһара баран, бэйэҥ эрэ инники күөҥҥэ тахса сатаама. Таптал эйгэтигэр күүстээх иэйии, умсулҕан күүтэр, сэрэхтээх буол.

Охчут 

Бүгүн айанныах, саҥаны билиэх-көрүөх, кэскилгэ былааннары оҥоруох баҕаҥ күүһүрэр. Саҥа миэстэҕэ сырыт, саҥа киһини кытта билсис. Эн оптимизмыҥ, үөрэ-көтө сылдьарыҥ дьоҥҥо сыстыганыс. Сулустар бүгүн эйиэхэ үтүөнү эрэ түстүүллэр.

Чубуку 

Бүгүн үп-харчы боппуруоһун быһаарарга, уһун болдьохтоох былааннары оҥорорго табыгастаах. Сыһыан дириҥ ис хоһоонун, бэйэ-бэйэҕэ эрэллээх буолууну бастакы миэстэҕэ туруор. Ким эрэ эйигиттэн муударай сүбэни күүтэр.

Күрүлгэн 

Бүгүн тус олоххор уонна партнерскай сыһыаҥҥа болҕомто ууруллар. Тапталлааххын эбэтэр чугас доҕоргун кытта аһаҕастык кэпсэттэххинэ, өйдөспөт буолуу сүтүө. Бүгүн соҕотох буолартан туттун, алтыһыыттан күүс ыл.

Балыктар 

Күннээҕи түбүккэр айар иэйиини киллэр. Холобур, дьиэ хомуйар кэмҥэр сөбүлүүр муусканы холбоо. Бүгүн доруобуйаҕар үчүгэйдик сыһыаннас — эти-сиини эрчий, сынньан. Дьиэ кыылларын,  үүнээйилэри көр-иһит, кинилэртэн эниэргийэ ылыаҥ.