Күннээҕи гороскоп: ахсынньы 21 күнэ

Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии, бүгүн астрология өттүнэн улахан суолталаах кэм. Хараҥа кэм муҥутуур уһугар тиийэн, сырдыкка эргиллэр. Бу — санааны сааһылыырга, кэскили түстүүргэ, сыал-сорук туруорунарга анаммыт күүстээх күн. Ый Охчут бэлиэтигэр көһөн, саҥаҕа тардыһыыны уонна көҥүл санааны бэлэхтиэ.

Хой

Бүгүн эһиги кэскилгитин көрүнэр, санааҕытын кэҥэтэр күҥҥүт. Үрдүк сыаллары туруорунуҥ, саҥа били-көрүү диэки тардыһыҥ. Уһун айаны былаанныырга, атын дойдулар култуураларын үөрэтэргэ табыгастаах кэм. Олоххо көрүүгүтүн кэҥэтэр кэпсэтии эбэтэр сонун күүтэр. Күн туруута эһиэхэ карьераҕытыгар саҥа суолу арыйыан сөп.

Оҕус

Дириҥ уларыйыылар кэмнэрэ. Бүгүн эһиги ис туруккутугар, духуобунай сайдыыгытыгар болҕомто ууруоххут. Үп-харчы боппуруостара, чуолаан уопсай үп эбэтэр нэһилиэстибэ туһунан кэпсэтии тахсыан сөп. Өр кэмҥэ эрэйдиир боппуруоска хоруй көстүөҕэ. Ис сүрэххит сибигинийэрин истэн, олоххутугар тугу уларытыаххытын баҕараргытын быһаарыныҥ.

Игирэлэр

Сыһыаннарга болҕомто күүһүрэр. Партнергутун, доҕоргутун эбэтэр дьыалабыай аргыскытын кытта аһаҕас кэпсэтиигэ сүрдээх үчүгэй күн. Кэскиллээх былааннары тэҥҥэ ырытыҥ. Саҥа күн сыһыаҥҥытыгар дириҥ таһымы арыйыан сөп. Ким эрэ эһиги олоххутугар киирэн, улаханнык уларытыаҕа.

Араак

Доруобуйаҕа уонна күннээҕи түбүккэ болҕомтото ууруҥ. Сөптөөх аһылыкка көһөргө, куһаҕан үгэстэртэн аккаастанарга табыгастаах кэм. Дьиэҕитин-уоккутун бэрээдэктээҥ, наадата суох малтан босхолонуҥ. Бу күн саҕаламмыт доруобуйаны тупсарар үлэ уһун болдьоххо үчүгэй түмүгү биэриэ.

Хахай

Айар куккут уһуктар күнэ! Таптал, оонньуу-көр, сынньалаҥ — барыта эһиэхэ ананар. Сүрэххит тугу баҕарарын толоруҥ, бэйэҕитин үөрдүҥ. Чугас киһигитин кытта романтическай киэһэни атаарыҥ. Оҕолордуун алтыһыы элбэх үөрүүнү аҕалыа. Күн бэйэтэ салайар күнүгэр эһиги, Күн оҕолоро, ордук чаҕылхай буолаҕыт.

Кыыс

Дьиэ-кэргэн, төрөөбүт-үөскээбит дойду инники күөҥҥэ тахсар. Аймахтаргытын кытта көрсүһэргэ, төрөппүттэргитигэр көмөлөһөргө табыгастаах кэм. Дьиэҕэ сылаас, эйэлээх эйгэни олохтооҥ. Урукку өйдөспөт буолууну быһаарсарга уонна чугас дьону кытта сыһыаны бөҕөргөтөргө сөптөөх күн.

Ыйааһын

Кэпсэтии, билсиһии, сурук-бичик күнэ. Бүгүн эһиги санааҕыт сытыы, тылгыт-өскүт уус-уран буолуо. Доҕотторгутун кытта көрсөн сэһэргэһиҥ, санаа атастаһыҥ. Кыра айан ситиһиилээх буолуо. Саҥа сонун, үөрэх олоххутугар кэскиллээх суолу арыйыан сөп.

Скорпион

Үп-харчы күнэ. Бүгүн дохуоккутун-ороскуоккутун ааҕынарга, инникитин хайдах харчыны кэмчилиэххэ сөбүн толкуйдуурга табыгастаах. Саҥа дохуот киллэрэр санаалар киириэхтэрэ. Күн туруута үпкүтүн-харчыгытын сааһылыыр саҥа кэрдиис кэми саҕалыыр. Бэйэҕитигэр эрэлгит күүһүрүө.

Охчут

Бүгүн эһиги күҥҥүт! Ый эһиги бэлиэҕитигэр сылдьар, онон энергияҕыт элбэх, санааҕыт көтөҕүллүбүт. Саҥаны саҕалыырга, бэйэни сайыннарарга күүс киирэр. Тас көрүҥҥүтүн уларытар, саҥа таҥас атыылаһар баҕа үөскүөн сөп. Ис баҕаҕытын толорорго табыгастаах кэм, бэйэҕитигэр болҕомто ууруҥ.

Чубуку

Сынньалаҥ, чуумпуруу уонна санааны сааһыланыы күнэ. Сотору Күн эһиги бэлиэҕитигэр киириэ, онон инникитин былаанныырга, уруккуну ырыҥалыырга сөптөөх кэм. Айдааннаах сиртэн тэйиччи сылдьыҥ, бэйэҕитин иһиллээҥ. Бу күн саҥа олоҕу саҕалыырга күүс биэрэр.

Күрүлгэн

Доҕоттордуун алтыһыы, биир санаалаахтары кытта мустуу. Инники былааннаргытын, баҕа санааларгытын доҕотторгутун кытта ырытыҥ, кинилэр сүбэлэрэ көмөлөһүө. Түмсүүгэ, уопсастыбаннай үлэҕэ кыттар буоллаххытына, ситиһии күүтэр. Кэскилгэ эрэлгит күүһүрүө, саҥа, интэриэһинэй дьону кытта билсиэххит.

Балыктар

Карьераҕа, үлэҕэ-хамнаска сыһыаннаах боппуруостар инники күөҥҥэ тахсаллар. Салайааччылар эһиги ситиһиилэргитин бэлиэтии көрүөхтэрэ. Күн туруута профессиональнай олоххутугар саҥа сыаллары туруорарга уонна онно дьулуһарга күүс биэриэ. Тус сыалгыт-соруккут туһунан дириҥник толкуйдааҥ.