Күннээҕи гороскоп: ахсынньы 28 күнэ

Бүгүн — баскыһыанньа, сыл бүтэһик сынньалаҥ күнэ. Бу күн ураты истиҥ, чуумпу эйгэлээх буолан, сулустар ааһан эрэр сылы анаарарга, ис туругу чуумпуран истэргэ угуйаллар. Ыксаабакка-тиэтэйбэккэ, чугас дьоҥҥут өйөбүллэринэн кэлэр сылга саҥа күүһү мунньунар кэм. 

Хой 

Бүгүн  күүһү-уоҕу барытын дьиэҕэр-уоккар анаа. Чугас аймахтарыҥ сүбэлэрин өйдөөн иһит, кинилэргэ болҕомтоҕун уур. Кимниин эмэ мөккүһүөх курдук буоллаххына, хайаатар да уоскуйан, тохтуу түс. Киэһэлик чугас дьоҥҥун кытта итии чэйдээх истиҥ кэпсэтиилэр тахсыахтара.

Оҕус 

Өрөбүл күн — дьиҥнээх дуоһуйуу күнэ. Сөбүлүүр аскын астаа, дьиэ кэргэҥҥин үөрдэ-көтүтэ күндүлээ. Ону кытта сыл устата мунньуллубут сылааҕын таһаарарга, тохтуу түһэн сынньанарга табыгастаах кэм. Кэлэр сылга үбү-харчыны хайдах сааһылыыр туһунан бэртээхэй санаалар кутуллан киириэхтэрин сөп. Ону барытын сурунан кэбис. Ол гынан,  олоҕу тосту уларытар ыксаллаах быһаарыылары ылыныма.

Игирэлэр 

Эн сытыы өйүҥ бүгүн арыый да сыппаан, ол оннугар дириҥ ырытыылаах толкуйдар киириэхтэрэ. Доҕотторгун кытта кэпсэтэр оннугар, бэйэҥ ис санааҕын иһит. Сотору кэминэн туохха күүскүн-уоххун туһаныаххын баҕараргын ыксаабакка ырыҥалаан көр. Инникигэ былааны торумнуурга олус  табыгастаах кэм.

Араак 

Дьиэ кэргэн – эн сүрүн күүһүҥ. Бүгүн ону ис дууһаҕынан билиэҥ. Төрөппүттэргин, аймахтаргын кытта сибээстэс, кинилэр араас сонуннарын иһит, дуоһуйа кэпсэт. Уруккуну санаан-ахтан дууһан уоскуйуо, уһуктубут сылаас өйдөбүллэр сүрэххин сымнатыахтара. Ону кытта эйигиттэн көмө көрдөөтөхтөрүнэ, барытын быраҕан да туран булгуччу көмөлөс.

Хахай 

Баскыһыанньа – Күн күнэ, ол аата эн күнүҥ! Ол эрээри, бүгүн атыттар болҕомтолорун тардар оннугар, бэйэҥ ис туруккун иһиллээ. Тугунан дьарыктанан дуоһуйууну ыларгын ыраҥалаан көр, ол инникитин эйиэхэ туһалаах буолуо. Айар кутуҥ уһуктар кэмэ – хоһоонно суруй, уруһуйдаа эбэтэр сөбүлүүр муусукаҕын холбоон иһит.

Кыыс 

Бүгүн бэрээдэги олохтуур баҕаҥ арыый мөлтүүр. Ону утарылаһыма. Сынньалаҥ эйиэхэ салгын курдук наада буолбут. Ол гынан сыл түмүгүн таһаарарга ыксаама, ити оннугар кэлэр сылга туох ситиһиини, үөрүүнү күүтэргин ыраҥалаан көр, тулаҕар баар кэрэни, үтүөнү кэрэхсээ.

Ыйааһын 

Дууһаҕар дуоһуйууну киллэрэр кэм үүммүт. Сөбүлүүр киһигин кытта бииргэ буол, киниэхэ болҕомтолоох буол. Соҕотох буоллаххына өссө бүк сынньаныахха наада —  тугу эмит аах, таһырдьа бытарҕан тымныыларга хааман киир, өйгүн-санааҕын сааһылаа. Бүгүн эн сүрүн соругуҥ – ис туруккун иһиллээһин.

Скорпион 

Дириҥ умсугутуулаах, кистэлэҥ баҕа санаалар уһуктар кэмэ. Бүгүн эн бэйэҕин албынныы сатаама, ис сүрэххин иһиллээ, уоскуйан сынньана түс. Ааһар сылга туох эрэ кыһыылаах-абалаах, хомолтолоох санаалары хаалларбат туһуттан, бүгүн бырастыы гынарарга табыгастаах күн кэлбит.

Охчут 

Сырыыны-айаны сөбүлүүр кутуҥ бүгүн арыый даҕаны дьиэҕэ-уокка тардыһар. Дьиэҕэ олорон аан дойдуга баар саҥа бырайыактары, идиэйэлэри үөрэт, интэриэһинэй киинэтэ көр, атын дойду аһын астаан боруобалаа. Үүнэр сылга ханна айанныаххын баҕараргын былааннаа, ол инникитин туолар сибикилээх.

Чубуку 

Эн кэмиҥ салҕанар. Сыл устата хомуллубут ситиһиилэргинэн  киэн туттуоҥ, онон бэйэҕин хайҕаа. Чугас дьонуҥ эйигинэн киэн тутталлар уонна өйүүллэр. Күүскүн-уоххун сөргүтэр күн үммүтүнэн дуоһуйа сынньанарыҥ наада эбит.

Күрүлгэн 

Доҕотторгун кытта сибээһи сөргүтэргэ табыгастаах күн. Саҥа кэскиллээх былааннар, идиэйэлэр, этиилэр күөрэйиэхтэрэ, араас туһалаах кэпсэтиилэр тахсыахтара. Чугас дьонуҥ сүбэлэрэ-амалара инникитин эйиэхэ олус туһалаах буолуохтара. Бүгүн соҕотохсуйар сатаммат, ол оннугар чугас дьоҥҥун кытта алтыһан ис санааларгын кытта үллэһиҥ. Оччотугар кэлэр сылы саҥа күүһү хомунан, бэлэмнээх көрсүөҥ.

Балыктар

Эн ураты майгыҥ бүгүн сынньалаҥы, дуоһуйууну эрэйэр. Араас аймалҕантан, кэпсэтиилэртэн, мунньахтартан, буолар-буолбат саҥаттан-иҥэттэн тэйиччи буола сатаа. Ууну кытта сибээстээх дьарыктар – баанньык, бассейн эбэтэр ууну ойуулуур муусука эйиэхэ уоскулаҥы бэлэхтиэхтэрэ. Ис санааҕын чуумпуга өйдөөн иһит, ол эйигин сөптөөх суолга сирдээн биэриэ.