Күннээҕи гороскоп: тохсунньу 4 күнэ

Бүгүн кэлэр нэдиэлэни былааннааһын күнэ. Сулустар ис туругу бөҕөргөтөргө уонна чугас дьону кытта бары ситими күүһүрдэргэ сүбэлииллэр. 

Хой
Энергияҕыт таһынан таһымныыр. Ол эрээри, ону дьиэ үлэтигэр буолбакка, сынньалаҥҥа, күүс-уох мунньунууга туһаныҥ. Чугас дьоҥҥутун кытта кэпсэтии сылаас эйгэни үөскэтиэ. Кэнникинэн элбэх үлэ күүтэр, онон бүгүн үчүгэйдик сынньаныҥ.

Оҕус 

Үп-харчы боппуруостарын ырытар, кэлэр ороскуоту былаанныыр табыгастаах күн. Урукку доҕоргуттан соһуччу үтүө сонун эбэтэр этии кэлиэн сөп — бэлэмнээх буолуҥ.

Игирэлэр 

Эһиэхэ билиигэ-көрүүгэ тардыһыы күүһүрүө. Саҥа кинигэни ааҕыы, интэриэһиргэтэр киинэни көрүү эбэтэр доҕотторгутун кытта төлөпүөнүнэн кэпсэтии дуоһуйууну аҕалыа. Элбэх дьон сылдьар сириттэн сылдьарга туттунуҥ.

Араак 

Дьиэ кэргэн болҕомтотун киинигэр буолуоххут. Урукку хаартыскалары көрүү, аймахтары кытта кэпсэтии эһиги ис дууһаҕытын көтөҕүө. Иэйиигитин кистээмэҥ, чугас дьоҥҥут эһигини өйүөхтэрэ.

Хахай 

Айар куккут уһуктуо. Чугас дьоҥҥутугар кыра бэлэхтэ оҥорон эбэтэр талааҥҥытын көрдөрөн үөрдүҥ-көтүтүҥ. Сынньалаҥ кэмигэр бэйэҕитин кытта соҕотох хаалартан толлумаҥ — санааҕытын сааһылыырга көмөлөһүө.

Кыыс

Кэлэр нэдиэлэ былааны оҥосторго саамай табыгастаах кэм. Доруобуйаҕытыгар болҕомтото ууруҥ: эти-сиини чэбдигирдии, сөптөөх аһылык – ииникитин туһалыа. Кыра да буоллар, үлэҕитигэр сыһыаннаах саҥа этиилэр киириэхтэрин сөп.

Ыйааһын 

Тулалыыр эйгэҕитигэр үөрүүнү-көтүүнү эрэ киллэрэ сатааҥ, мөккүөртэн, айдаантан туттунуҥ. Тапталлааххытын кытта сыһыаны бөҕөргөтөргө, бииргэ олорон кэпсэтэргэ үчүгэй күн.

Скорпион

Ис туруккутун кытта үлэлииргэ табыгастаах күн үүммүт. Тугу эрэ дириҥник толкуйдуур, уустук боппуруоһу быһаарар ураты кыах баар буолуо. Кистэлэҥ санааҕытын итэҕэтэр доҕоргутун кытта үллэстэн чэпчиэххит.

Охчут

Сынньалаҥ кэмигэр саҥаны билиигэ-көрүүгэ тардыһыыгыт мөлтүө суоҕа. Кэлэр айаҥҥытын былааннааҥ, атын дойдуларга айанныыр тустарынан биэриилэри көрүҥ. Бу эһиги санааҕытын көтөҕүө уонна инникигэ эрэли күүһүрдүө.

Чубуку

Үлэ туһунан санаалар арахпаттар. Ол эрээри, бүгүн уһун болдьохтоох сыаллары-соруктары туруорунарга, инникини былаанныыр ордук. Ыксаамаҥ, барытын ымпыктаан-чымпыктаан толкуйдааҥ. Ону кытта үчүгэйдик сынньанаргытын эмиэ умнумаҥ.

Күрүлгэн 

Доҕотторгутун кытта алтыһыы, санаа атастаһыыта үчүгэй түмүктэри аҕалыа. Саҥа, атыттарга майгыннаабат ураты санаалар киириэхтэрэ, ону сурунан кэбиһиҥ – кэлин туһалаах буолуохтара. Тиэхиньикэни кытта сыһыаннаах дьыалаҕа үрдүк ситиһии күүтэр.

Балыктар 

Ис санааҕыт күүһэ сытыырхайыа. Бүгүн түүлгэ, ис сэрэйиигэ болҕомтото ууруҥ. Интуицияҕыт этэрин иһиттэххитинэ, алҕаһы оҥоруоххут суоҕа.