Күннээҕи гороскоп: ахсынньы 6 күнэ

Бу күн Ый улаатан иһэр кэмэ, Охчут бэлиэтигэр турар. Ол аата, энергиябыт элбээн, саҥаны билиэн-көрүөн баҕалаах, кэскилгэ эрэллээх күн буолуоҕа.

Хой

Сулустар эйиэхэ күүстээх санааны бэлэхтииллэр. Бүгүн саҥа үөрэҕи саҕалыырга, айаҥҥа турунарга эбэтэр кэскиллээх былааннары оҥоросторго тоҕоостоох кэм. Кими эрэ итэҕэтэр кыаҕыҥ улаатыа. Ол эрээри, тылгар-өскөр кыратык сэрэнэн сырыт, мээнэҕэ мөккүөргэ кииримэ. Киэһэни чугас дьонуҥ тула мустан, истиҥник кэпсэтэн атаар.

Оҕус 

Бүгүн харчы-үп боппуруостара инники күөҥҥэ тахсыахтара. Улахан атыыны оҥорорго эбэтэр инвестиция киллэрэргэ ыксаама, сэттэтэ мээрэйдээн баран биирдэ быс. Кимтэн эрэ көмө көрдүүртэн кыбыстыма, сүбэ-ама туһалыаҕа. Ону тэҥэ, доруобуйаҕар болҕомто уур, сынньалаҥы умнума. Киэһэ дьиэҕэр сылаас, минньигэс астаах киэһээҥҥи аһылык эйигин күүтэр.

Игирэлэр 

Эн болҕомто киинигэр сылдьар күнүҥ. Дьону кытта кэпсэтии, саҥа билсии-көрсүү элбиэҕэ. Партнеруҥ эбэтэр доҕотторуҥ эйигиттэн сүбэ-ама көрдүөхтэрин сөп. Икки өрүттээх санааҕа охтубакка, биир чопчу быһаарыныыны ылын. Саҥа идиэйэлэр киирдэхтэринэ, сурунан кэбис – кэлин туһалыахтара.

Араак 

Бүгүн бэйэҕин кытта соҕотох хаалан, санааларгын сааһылыырга табыгастаах күн. Күннээҕи түбүктэн тэйэ түһэн, сөбүлүүр дьарыккар ыллар. Уруккуну ахтыы-санаа киириэн сөп, ол эрээри наһаа дириҥээмэ, кэлэр кэскили толкуйдаа. Дьиэҕэ-уокка кыратык хомуйуу, ыраастаныы санааҕын көтөҕүө. Чугас киһиҥ сылаас тыла эйиэхэ күүс угуо.

Хахай 

Айар-тутар кутуҥ уһуктар кэмэ. Тапталлаах дьарыгыҥ, хоббиҥ эйиэхэ үөрүүнү аҕалыа. Оҕолоргун кытта алтыһарга, оонньуурга-көргө үчүгэй күн. Доҕотторгун кытта көрүдьүөстээх көрсүһүү эбэтэр ханна эрэ сынньана барыы былааннаныан сөп. Бэйэҕин көрдөрөртөн, талааҥҥын арыйартан толлума. Сэмэй буолуу бүгүн эйиэхэ барсыбат.

Кыыс 

Дьиэ кэргэн, чугас дьон боппуруостара бастакы миэстэҕэ туруохтара. Төрөппүттэргэр болҕомто уур, көмөлөс. Дьиэни тупсарыы, өрөмүөн үлэтэ ситиһиилээх буолуо. Үлэҕэр салайааччыларыҥ эйигин бэлиэтии көрүөхтэрин, инники былааннары кэпсэтиэхтэрин сөп. Эмоцияҕын тута үөрэн, оруна суохха кыыһырсыма.

Ыйааһын 

Кэпсэтии, информация атастаһыыта күүтэр. Кылгас айаннар, билэр дьоҥҥор ыалдьыттааһын ситиһиилээхтик ааһыахтара. Саҥа кинигэни ааҕар, подкаст истэр, билиигин-көpүүгүн кэҥэтэр баҕаҥ күүһүрүө. Ханнык эрэ докумуоҥҥа илии баттыыргар болҕомтолоох буол. Сурахтарга, кэпсээннэргэ итэҕэйэргэ ыксаама, бэйэҥ бэрэбиэркэлээ.

Скорпион

Бүгүн материальнай туругуҥ тупсарыгар туһуламмыт хамсаныылары оҥорорго табыгастаах. Эбии үп киллэринэр источник көстүөн сөп. Ол эрээри, ороскуоккар хонтуруолу күүһүрт. Бэйэҕин сыаналаныыҥ үрдүө, ол эрээри атыттары намтатар санааҕа ылларыма. Ким эмэ эн кистэлэҥин билиэн баҕарыан сөп, сэрэн.

Охчут 

Бүгүн эн күнүҥ! Ый эн бэлиэҕэр турар, онон энергияҥ муҥура суох. Ханнык баҕарар саҕалааһыҥҥа хорсуннук ылсыаххын сөп. Тас көрүҥҥүн тупсарынарга, имиджкын уларытарга үчүгэй кэм. Дьон болҕомтотун тардаргын тулуй, лидер быһыытынан бэйэҕин көрдөр. Баҕа санааларгын этиэххин сөп, халлаан куйаара эйигин истиэ.

Чубуку 

Иһийэ түһэн, күүскүн-уоххун мунньунар кэмҥит. Соҕотох сылдьан үлэлиири, толкуйдууру ордоруоҥ. Утуйар уугун ханыар диэри утуй, күүскүн сөргүт. Урукку алҕастаргын ырыҥалаан көрөн, түмүк оҥоһун. Ким эмэ эн көмөҕөр наадыйар буоллаҕына, аккаастаама – үтүө санааҥ бэйэҕэр төннүө. Кистэлэҥ информация киириэн сөп.

Күрүлгэн 

Доҕотторгун кытта көрсүһүү, биир санаалаахтарыҥ ортотугар сылдьыы эйиэхэ үөрүүнү аҕалыа. Инникигэ былааннары оҥосторго, түмсүүлэргэ кыттыһарга тоҕоостоох күн. Саҥа технологиялары, социальнай ситимнэри туһанан ситиһиини оҥоруоххун сөп. Коллективнай үлэ түмүктээх буолуо. Биир эмэ доҕоруҥ туһунан саҥаны билиэҥ.

Балыктар 

Карьераҕар, үлэҕэр-хамнаскар сыһыаннаах боппуруостар инники күөҥҥэ тахсыахтара. Салайааччылар эбэтэр үрдүкү турар дьон эйигин бэлиэтии көрүөхтэрэ. Сыалгын-соруккун чопчулаан, ол диэки дьулус. Эппиэтинэстээх буолууҥ сыаналаныа. Ол эрээри, үлэҕэ эрэ умса түһүмэ, дьиэ кэргэҥҥин эмиэ умнума. Барытын тэҥҥэ дьүөрэлиир кыахтааххын.