Күннээҕи гороскоп: алтынньы 25 күнэ

Бу күн Сатурн планета салайыытынан ааһар, онон дьиссипилиинэни, эппиэтинэһи уонна күүһү ирдиир. Күн күүстээх уонна дириҥ иэйиилээх Скорпион бэлиэтигэр киирбит кэмэ буолан, ити икки күүс дьүөрэлэһиитэ олоххо уларыйыылары-тэлэрийиилэри киллэрэр кыахтаах. Субуота күн – сынньалаҥҥа, аралдьыйыыга буолбакка, дьиэни-уоту хомуйууга, уһун болдьохтоох былааннары оҥорууга, уустук соруктары быһаарарга ананар. Сэрэйэн көрөр дьоҕур күүһүрэр, кистэлэҥнэр арыллар кэмнэрэ.

Хой

Энергияҕыт оргуйан олорор, ол эрээри ыксыыр табыллыбат. Бүгүн күүскүн-уоххун биир улахан, уһун болдьохтоох дьыалаҕа туһаай. Карьераҕытыгар сыһыаннаах боппуруостары быһаарарга табыгастаах кэм. Киэһээни соҕотоҕун чуумпутук атаарарыҥ ордук буолуо.

Оҕус

Доҕордуу сыһыаҥҥа эбэтэр дьиэ кэргэҥҥэ кырдьыгы этэр кэм кэллэ. Кэпсэтииттэн куттанымаҥ, ол эрээри тылгытын-өскүтүн хонтуруоллана сылдьыҥ. Үп-харчы боппуруоһун быһаарсарга сөптөөх күн. Инникигэ эрэллээх хардыыны оҥорор кыах үөскүө.

Игирэлэр

Бүгүн элбэх саҥаттан, киэҥ кэпсэтииттэн тэйэ түһэриҥ наада. Болҕомтоҕун биир сүрүн сорукка туһаайан үлэлээ. Саҥа үөрэххэ тардыһыы, дириҥ билиилэнии күүһүрүө. Доруобуйаҕар болҕомтото уур, битэмииннээх аһы аһаа.

Араак

Иэйиигит дириҥээн, интуицияҕыт күүһүрэн, атыттар тугу толкуйдуулларын таайар кыахтаныаххыт. Дьиэ кэргэн устуоруйатын, төрүччүгүтүн үөрэтэргэ табыгастаах кэм. Чугас дьоҥҥуттан кистээбиккит арыллыан сөп, онон аһаҕас буоларга бэлэмнээх буолуҥ.

Хахай

Бүгүн атыттар болҕомтолорун тарда сатыыртан туттунуҥ. Айар үлэҕитин сайыннарарга, саҥа бырайыак олугун уурарга тоҕоостоох күн. Үлэҕитигэр эппиэтинэстээх буолуугут инники ситиһиигитигэр суол аһыа. Ким эмэ сүбэтин ылыныаххыт.

Кыыс

Бу – дьиҥнээх эһиги күҥҥүт. Тугу барытын бэрээдэктииргэ, докумуоннары наардыырга, үп-харчы дьыалатын сааһылыырга барыта табыллыа. Доруобуйаҕытын бөҕөргөтүүнү саҕалыырга сүрдээх үчүгэй кэм.

 Ыйааһын

Бүгүн соҕотохсуйуоххутун баҕарыаххыт. Партнеру кытта сыһыаҥҥа харчы, эбээһинэс туһунан кэпсэтии тахсыан сөп. Кэрэни кэрэхсииргит уустук балаһыанньаны быһаарарга көмөлөһүө. Кэскиллээх доҕордоһуу саҕаланыан сөп.

Скорпион

Бүгүн эһиги күүстээххит, кыахтааххыт! Сулустар бары эһиги диэки. Олоххутугар тугу эмэ уларытар, саҕалыыр баҕа баар буоллаҕына – бүгүн саамай табыгастаах кэм. Бэйэҕитигэр эрэлгит күүһүрүө, инникигэ бөҕө олугу ууруоххут.

Охчут

Сылайбыт, сынньаныаххытын баҕарбыт курдук сананыаххыт. Айаҥҥа, күүлэйгэ барартан туттунар ордук. Бүгүн инники былааннары толкуйдуурга, санаалары сааһылыырга анааҥ. Итэҕэл, философия боппуруостара интэриэһиргэтиэхтэрэ.

 Чубуку

Сатурн – эһиги планетаҕыт, онон бүгүн күүс-уох эбиллиэ, барыта былаан быһыытынан барыа. Карьераҕытыгар, үлэҕитигэр ситиһии күүтэр. Салайааччылар эһиги үлэҕитин сыаналыахтара. Доҕотторгуттан көмө кэлиэ эбэтэр кинилэр эһиги сүбэҕитигэр наадыйыахтара.

Күрүлгэн

Түһүлгэттэн тэйэ түһэн, үлэҕэ-хамнаска болҕомто уурар күн. Уопсастыбаннай олоххо эбэтэр карьераҕытыгар туох эрэ сүрүн уларыйыы буолуон сөп. Салайааччыны кытта кэпсэтиигэ бэлэмнээх буолуҥ. Урукку доҕоргуттан соһуччу сонун кэлиэ.

Балыктар

Сэрэйэн көрөр дьоҕургут уонна айар талааҥҥыт арыллар кэмэ. Түүлгүтүнэн тугу эрэ билгэлиэххитин, таайыаххытын сөп. Алыс дириҥ санааҕа ылларымаҥ, чугас дьоҥҥутун кытта иэйиигитин үллэстиҥ. Духуобунай практикаларга, медитацияҕа анаан бириэмэтэ булуҥ.