Күннээҕи гороскоп: атырдьах ыйын 17 күнэ

Бүгүҥҥү күн икки аҥыы арахсар. Күн сарсыарда Ый өссө да Кыыс бэлиэтигэр сылдьан, бэрээдэги, чуолкай былааны уонна үлэҕэ-хамнаска кыһамньыны ирдиэ. Бу кэми туһанан, нэдиэлэ түмүктэрин таһаарарга, дьиэни-уоту хомуйарга сөптөөх. Онтон күн иккис аҥаарыгар Ый Ыйааһын бэлиэтигэр көһүөҕэ.

Бу кэмтэн саҕалаан, күн уларыйыа: дьон сыһыаныгар, кэрэҕэ тардыһыыга, эйэҕэ-дэмҥэ болҕомто ууруллуо. Ол эрээри, санаа планетата Меркурий уонна туманнаах Нептун утарсыылара санаа атастаһыытыгар болҕомтолоох буоларга сүбэлииллэр – өйдөспөт быһыы, албын тахсыан сөп. Тапталга уонна үпкэ-харчыга эппиэтинэстээх буолуу ирдэнэр.

︎ Хой (21.03 – 20.04)

Күн бастакы аҥаарыгар күннээҕи түбүктэргин ситэрэ охсуҥ, былааннаммыт үлэни түмүктээҥ. Киэһэлик болҕомтоҕут чугас дьоҥҥутугар көһүө. Кэпсэтиигэ аһара тиэтэйимэҥ, атын киһи санаатын истэ үөрэниҥ. Эйэлээх буолуу эһигиттэн тутулуктаах.

Оҕус (21.04 – 21.05)

Сарсыарда сөбүлүүр дьарыккытынан, айар үлэнэн дьарыктанаргыт санааҕытын көтөҕүө. Күн иккис аҥаарыгар доруобуйаҕытыгар, күннээҕи эрэсиимҥитигэр болҕомто ууруҥ. Чэбдигирэр процедуралары, сынньалаҥы былаанныырга табыгастаах кэм. Аһыыргар-сииргэр сэрэхтээх буол.

 Игирэлэр (22.05 – 21.06) Сарсыарда дьиэ кэргэҥҥитигэр, дьиэҕитигэр-уоккутугар болҕомтоҕутун ууруҥ. Киэһэлик эһигини сынньалаҥ, көрдөөх-нардаах кэм күүтэр. Тапталлааххытын кытта көрсүһүүгэ, доҕоттордуун алтыһыыга үчүгэй күн. Санааҕытын чуолкайдык этиҥ, өйдөспөт буолуу тахсыбатын туһугар.

Араак (22.06 – 22.07)

Күн бастакы аҥаарыгар кылгас айаннар, кэпсэтиилэр, сурук-бичик үлэтэ элбиэҕэ. Онтон киэһэлик дьиэҕэ-уокка сынньанарга, чугас дьонуҥ ортотугар буоларга тардыһыы күүһүрүө. Дьиэ кэргэниҥ уонна уйаҥ-сылаас эйгэ эйиэхэ күүс-уох эбиэ.

Хахай (23.07 – 23.08)

Сарсыарда үп-харчы боппуруоһун быһаарсарга, баайгын-дуолгун ааҕынарга сөптөөх кэм. Киэһэлик кэпсэтии, саҥаны билии инники күөҥҥэ тахсыа. Дьону кытта сибээскин күүһүрт, санааларгын үллэс. Ол эрээри, харчыны ыскайдыыртан өссө да туттуна сырыт.

Кыыс (24.08 – 23.09)

Сарсыарда эһиги кэмҥит, барыта эһиги илиигитигэр. Кыһамньыгыт, чопчугут тулалыыр дьоҥҥо үтүө холобур буолуо. Күн иккис аҥаарыгар үп-харчы боппуруоһугар болҕомтоҕут көһүө. Бюджеккытын көрүнүҥ, кэлэр нэдиэлэҕэ ороскуоккутун былааннааҥ.

 Ыйааһын (24.09 – 23.10)

Күнү сынньалаҥнык, бэйэҕитин кытта соҕотохтоһон саҕалыаххытын сөп. Онтон киэһэлик Ый эһиги бэлиэҕитигэр киирэн, эһиэхэ эрчими, күүһү эбиэ. Кэрэ көстүүгүтүгэр болҕомто уурар, дьону кытта алтыһар кэм үүнүө. Бэйэҕит баҕаҕытын инники туруоруҥ.

Скорпион (24.10 – 22.11)

Сарсыарда доҕоттордуун, биир санаалаахтардыын алтыһыы үөрүүнү аҕалыа. Инники былааннары оҥосторго үчүгэй. Киэһэлик эһиэхэ сынньалаҥ, соҕотохсуйуу наада буолуо. Күүскүн сөргүтэргэ, тугу эрэ дириҥник толкуйдуурга табыгастаах кэм. Интуицияҕын иһит.

Охчут (23.11 – 21.12)

Карьераҕа, үлэҕэ-хамнаска сыһыаннаах боппуруостары күн бастакы аҥаарыгар быһаарсыҥ. Салайааччыларгыт иннигэр бэйэҕитин үчүгэй өттүттэн көрдөрүҥ. Киэһэлик доҕоттордуун көрсүһүү, кэскиллээх былааннары ырытыһыы күүтэр. Истиҥ санааҕыт дьону тардыа.

Чубуку (22.12 – 20.01)

Сарсыарда саҥаны билигэ-көрүүгэ, кэҥэс-киэҥ ыырдарга тардыһыы күүһүрүө. Кинигэ ааҕарга, үөрэххэ сыһыаннааҕы оҥорорго табыгастаах. Күн иккис аҥаарыгар үлэ, карьера боппуруоһа инники күөҥҥэ тахсыа. Кэлэр нэдиэлэҕэ тугу ситиһэргитин чуолкайдык былааннааҥ.

︎ Күрүлгэн (21.01 – 18.02)

Күн бастакы аҥаарыгар уустук, дириҥ боппуруостары ырытарга сөп. Кистэлэҥнэр арыллыахтарын сөп. Киэһэлик, халлаан сырдаан, саҥа кыахтар көстүөхтэрэ. Ыраах сирдэри, атын культуралары кытта сибээстэһэргэ баҕа үөскүө. Күннээҕи түбүктэн тэйэ түһэн сынньаныҥ.

Балыктар (19.02 – 20.03)

Сарсыарда чугас киһигит баҕатыгар болҕомтото ууруҥ. Эйэлэһиигэ, өйдөһүүгэ үчүгэй кэм. Киэһэлик иэйиигит дириҥиэ, уйан буолуоххут. Атын киһи санаатын, иэйиитин дириҥник ылыныаххыт. Албыҥҥа киирэн биэрбэт туһугар сэрэхтээх буолуҥ, бэйэҕит интуицияҕытыгар эрэниҥ.

Сулустар сүбэлэрин истэ сылдьыҥ, ол эрээри бэйэҕит олоххут хаһаайына буоларгытын умнумаҥ!