Күннээҕи гороскоп: атырдьах ыйын 2 күнэ

Бу күн куйаар энергията чаҕылхай Хахай бэлиэтигэр киирэр, ол иһин барыбытыгар күүс-уох, бэйэни көрдөрүүгэ баҕа, айар-тутар кут эбиллэр. Дьону кытта аһаҕастык кэпсэтэр, талааны көрдөрөр, олохтон дуоһуйар кэрэ кэм.

Хой

Бүгүн эһиги лидердиир хаачыстыбаҕыт күүһүрүө. Энергияҕыт таһынан таһымныа, саҥаны саҕалыырга табыгастаах кэм. Дьиэ кэргэҥҥитин эбэтэр доҕотторгутун түмэн, көхтөөх сынньалаҥы тэрийиҥ. Санааҕытын аһаҕастык этиҥ, ол эрээри атыттар баҕаларын эмиэ истиҥ.

Оҕус

Дьиэҕитигэр-уоккутугар сылаас эйгэни тэрийэргэ баҕарыаххыт. Чугас дьоҥҥутун астаах остуолунан күндүлүүр кэрэ күн. Эбэтэр бэйэҕитигэр кыра, ол эрээри сыаналаах бэлэх оҥорунан үөрүҥ. Үп-харчы боппуруоһун быһаарсарга табыгастаах күн, ол эрээри ороскуоту хонтуруоллааҥ.

Игирэлэр

Кэпсэтии, билии-көрүү күнэ. Саҥа дьону кытта билсиһиэххит, онтон туһалаах иһитиннэриини ылыаххыт. Айар үлэнэн дьарыктанар буоллаххытына, санааҕыт көтөҕүллүө, саҥа идиэйэлэр киириэхтэрэ. Төлөпүөнүнэн кэпсэтиини аччатыҥ, дьону кытта сирэй көрсөн алтыһыҥ.

Араак

Бүгүн эһиги талааҥҥытын көрдөрөр кыах үөскүө. Үп-харчы боппуруоһа үчүгэйдик быһаарыллыан сөп. Тугу эрэ атыылаһар, инвестициялыыр санаалаах буоллаххытына, бу күнү мүччү тутумаҥ. Бэйэҕитигэр эрэллээх буолуҥ.

Хахай

Бу — эһиги күннүт! Күн бэйэтэ эһигини күүһүнэн хааччыйар. Дьон болҕомтотун киинигэр буолуоххут, хайҕалы, махтал тыллары истиэххит. Тас көрүҥҥүтүн тупсарынан, бэйэҕитин үөрдүҥ. Үөрүүгүтүн атыттары кытта үллэстиҥ. Эһиги өрө көтөҕүллүүлээх энергияҕыт дьоҥҥо сыстыаҕа.

Кыыс

Соҕотохтуу сылдьан санааларгын сааһылыыргар табыгастаах күн. Искэр мунньуллубут санаалары ырыҥалаан көр. Инники былааннаргын оҥоһун. Чуумпуга сылдьан үлэлиир үтүө түмүктэри аҕалыа. Доруобуйаҕар болҕомтото уур, битэмииннээх аһы аһаа, эрдэ утуйан сынньан.

Ыйааһын

Доҕоттордуун алтыһар, уопсастыбаннай олоххо кыттар күн. Саҥа бырайыактары, былааннары ырытарга сөптөөх кэм. Биир санаалаахтаргытын кытта күүстээх холбоһугу тэрийиэххитин сөп. Кэлэктиипкэ үлэлииртэн куттанымаҥ, эһиги дьону кытта биир тылы булар дьоҕургут барытыгар көмөлөһүө.

Скорпион

Карьераҕытыгар, үлэҕитигэр-хамнаскытыгар үрдүк ситиһиилэри оҥорор кыахтааххыт. Салайааччылар эһигини бэлиэтии көрүөхтэрэ. Идэҕит таһымын үрдэтэр үтүө күн.  Эппиэтинэстэн толлумаҥ. Эһиги дьулуургут ситиһиигэ тиэрдиэҕэ.

Охчут

Айанныырга, саҥа сирдэри арыйарга, билиини кэҥэтэргэ баҕа уһуктуо. Атын култууралары, үгэстэри үөрэтиҥ. Саҥа кинигэни ааҕыы эбэтэр киинэни көрүү санааҕытын көтөҕүө. Үөрэххэ, саҥаҕа тардыһыыгытын туһаҕа таһаарыҥ.

Чубуку

Күүстээх иэйиилээх күн. Туохха эрэ дириҥник ылларыаххыт, дьиҥнээх сыһыаны билиэххит. Өскөтүн туох эрэ уларыйыахтаах дии саныыр буоллаххытына, бүгүн ол туһунан толкуйдуур кэм. Интуицияҕытын истиҥ — албынныа суоҕа. Сэрэхтээх буолуу өрүү туһалаах.

Күрүлгэн

Тапталгыт сыһыаныгар болҕомто ууруллар. Тапталлааххытын, доҕоргутун кытта кэпсэтии сыһыаҥҥытын бөҕөргөтүө. Эйэни көрдүүр, биир тылга кэлэр күн. Атын киһи санаатын убаастааҥ, бэйэҕит эрэ диэки тарда сатаамаҥ.

Балыктар

Күннээҕи түбүккэ, үлэҕэ-хамнаска үчүгэй түмүктэри ситиһиэххит. Доруобуйаҕытыгар болҕомто уурар кэм. Сөптөөх аһылык, эти-сиини эрчийии күүс-уох эбиэҕэ. Үлэҕитин былааннааҥ, оччоҕо барытын ситиһиэххит, сынньанарга кытта иллэҥ бириэмэ хаалыа.