Күннээҕи гороскоп: атырдьах ыйын 3 күнэ

Бу күн куйаар энергията өссө даҕаны күүстээх Хахай бэлиэтигэр сылдьар, ол эрээри Ый дьайыыта уларыйар – чуолкай буолары сөбүлүүр Кыыс бэлиэтигэр көһөр. Ол иһин бүгүн улахан баҕа санааны уонна күннээҕи кыра түбүгү дьүөрэлиир ураты кэм. Айар-тутар эйгэни сааһылыырга, былааны олоххо киллэрэргэ тоҕоостоох.

Хой

Эһиги күөдьүйэ сылдьар энергияҕыт бүгүн чуолкай хайысханы ирдиэҕэ. «Сэттэтэ кээмэйдээн, биирдэ быс» диэн өс хоһоонун санааҥ. Саҕалаабыт дьыалаҕытын ситэри оҥорорго, докумуоннары сааһылыырга табыгастаах күн. Энергияҕытын ыскайдаамаҥ, биир сүрүн сыалга-сорукка туһаайыҥ.

Оҕус

Айар-тутар куккут уһуктар күнэ. Дьиэҕитин киэргэтиэххитин, ас астыаххытын, бэйэҕит илиигитинэн тугу эрэ оҥоруоххутун сөп. Күннээҕи түбүк үөрүүнү аҕалыа. Үпкүтүн-харчыгытын ааҕынарга, былаанныырга үчүгэй кэм. Суоттууру-учуоттууру уонна кэрэни дьүөрэлээҥ. Кыра да ситиһииттэн үөрүҥ.

Игирэлэр

Бүгүн тылга-өскө болҕомтолоох буолуҥ. Санааҕытын сааһылаан, чуолкайдык этэргэ үөрэниҥ. Дьиэ кэргэҥҥитигэр, чугас дьоҥҥутугар көмөлөһөр, кыһаллар санааҕыт күүһүрүө. Элбэх сонунтан сылайымаары, сүрүнүн эрэ арааран ылыҥ.

Араак

Саҥа билиини ыларга, үөрэнэргэ табыгастаах күн. Кылгас айаҥҥа турунуоххутун сөп. Ыаллыы олорор дьону, аймахтары кытта сыһыаны бөҕөргөтүҥ. Докумуоннары бэрээдэктиир буоллаххытына, барыта ситиһиилээхтик ааһыа. Саҥаны билэртэн толлумаҥ, ол эһиэхэ кэлин туһалыа.

Хахай

Бүгүн эһиэхэ үп-харчы боппуруоһа бастакы миэстэҕэ тахсыа. Барыыһы киллэрэр санаалар киириэхтэрэ, ол эрээри ороскуоту хонтуруоллуохха наада. Бэйэҕит талааҥҥытынан хайдах харчы оҥоруохха сөбүн толкуйдааҥ. Баайы-дуолу мунньарга буолбакка, баар үбү-харчыны сөпкө туһанарга дьулуһуҥ.

Кыыс

Ый эһиги бэлиэҕитигэр киирэн, күүс-уох биэриэ. Дьон эһиги сүбэҕитигэр наадыйыа. Бэйэҕитин сааһыланар, доруобуйаҕытыгар болҕомто уурар күн. Тас көрүҥҥүтүн тупсарынан, санааҕыт көтөҕүллүө. Бэйэҕитин наһаа кириитикэлээмэҥ. Кыра да алҕастары оҥорортон куттанымаҥ.

Ыйааһын

Бүгүн эһиги соҕотохтуу сылдьан толкуйдуурга, дууһалыын сынньанарга наадыйыаххыт. Ис туруккутугар болҕомтото ууруҥ. Уруккуну ырыҥалаан, инникигэ чопчу былаан оҥостуҥ. Кимтэн да тутулуга суох буоларга дьулуһуҥ. Түүлү, ис санааны истэргэ кыһаныҥ – онно сөптөөх хоруй баар буолуон сөп.

Скорпион

Инники былааннары оҥосторго, доҕоттору кытта биир санааҕа кэлэргэ үтүө күн. Уопсастыбаннай олоххо көхтөөхтүк кыттыаххытын сөп. Саҥа технологиялары, интэриниэт кыахтарын туһаныҥ. Кэлэр кэскилгитин бэйэҕит оҥороргутун өйдөөҥ. Эһигини өйүүр дьон аттыгытыгар өрүү бааллар.

Охчут

Карьераҕытыгар, үлэҕитигэр, инники олоххутугар сыал-сорук туруорунар кэм. Салайааччылар, чугас дьоҥҥут эһиги үлэҕитин, кыһамньыгытын сыаналыахтара. Статускутун үрдэтинэр кыах баар. Улахан ситиһии кыраттан саҕаланар. Күннээҕи эбээһинэскитин чиэһинэйдик толоруҥ.

Чубуку

Билиигитин-көрүүгүтүн кэҥэтэр күн. Атын дойдулар, култууралар тустарынан интэриэһиргээҥ. Үрдүк үөрэххэ, бэйэни сайыннарыыга болҕомтото ууруҥ. Олоххут туһунан ыраҥалаан толкуйдарга ылларыаххыт.  Олоххо көрүүгүтүн кэҥэтиҥ. Кутталтан хаайтарбакка, саҥаҕа аһаҕас буолуҥ.

Күрүлгэн

Күүстээх уларыйыы-тэлэрийии күнэ. Куһаҕан үгэстэртэн босхолонорго, кутталлары кыайарга табыгастаах күн. Атын дьон үбүн-харчытын, кирэдьиит эбэтэр нэһилиэстибэ боппуруостарын быһаарсыаххытын сөп. Уларыйыылартан куттанымаҥ, кинилэр эһигини саҥа таһымҥа таһаарыахтара.

Балыктар

Доҕордоһуу сыһыаҥҥа улахан болҕомто ууруллар күн. Тапталлааххытын, доҕоргутун кытта аһаҕастык кэпсэтиҥ, өйдөспөт буолууну быһаарсыҥ. Бииргэ үлэлиир дьону кытта уопсай тыл булуоххут. Дьону истэргэ үөрэниҥ. Атын өрүттэн көрөр-истэр ситиһии төрдө буолуо.