Хаартыска: ru.freepik.com
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска, доруобуйаҕа сыһыаннаах боппуруостар инники күөҥҥэ тахсыахтара. Онуоха эбии, Ый көҥүлгэ тардыһар Охчут бэлиэтинэн ситиһиннэрэн, саҥаны билиэн-көрүөн баҕаны, кэскилгэ эрэли күүһүрдэр. Онон, бүгүҥҥү күн – күннээҕи түбүктэри саҥа, киэҥ көрүүлээхтик быһаарарга тоҕоостоох.
Бүгүн эһиги күүскүт-уоххут үлэҕэ-хамнаска туһуланыа. Саҥа бырайыактары саҕалыырга эбэтэр эргэ үлэни түмүктүүргэ табыгастаах кэм. Доруобуйаҕытыгар болҕомто уураргытын умнумаҥ. Күн бүтүүтэ кылгас айан эбэтэр тыаҕа тахсыы эбии күүс биэриэҕэ.
Айар куккут уһуктар кэмэ. Сөбүлүүр дьарыккытыгар бириэмэтэ анааҥ, талааҥҥытын арыйыҥ. Таптал эйгэтигэр кэрэ түгэннэр күүтэллэр – чугас киһигитин үөрдүҥ, истиҥ сыһыаны бөҕөргөтүҥ. Сүрэххит этэрин истэртэн толлумаҥ.
Бүгүн дьиэ кэргэҥҥитигэр, чугас дьоҥҥутугар ордук болҕомто наада. Дьиэҕитигэр-уоккутугар кыра да буоллар уларытыылары киллэриэххитин сөп. Эргэ доҕотторгутун кытта билсиҥ, истиҥ кэпсэтии санааҕытын көтөҕүө. Иллээх-эйэлээх буолууну тутуһуҥ.
Бүгүн кэпсэтии, информация атастаһыыта инники күөҥҥэ тахсыа. Саҥа билсии-көрсүү, наадалаах сонун үлэҕитигэр көмөлөһүө. Кылгас айаннар ситиһиилээх буолуохтара. Этэр санааҕытын чопчутук уонна ылыннарыылаахтык тиэрдэ сатааҥ.
Үп-харчы боппуруостарын быһаарарга тоҕоостоох күн. Барыскытын ааҕыныҥ, кэлэр кэмнээҕи ороскуоккутун былааннааҥ. Наадалаах малы-салы атыылаһыы ситиһиилээх буолуо. Бэйэҕитигэр эрэллээх буолуугут үпкүтүн-харчыгытын хаҥатарга көмөлөһүө.
Бүгүн эһиги күҥҥүт! Күүскүт-уоххут эбиллэн, тугу барытын кыайар-хотор кыахтаныаххыт. Тас көрүҥҥүтүгэр уларытыылары киллэрэргэ, бэйэни сайыннарарга сөптөөх кэм. Тус сыалларгытын ситиһэргэ бары кыах баар, дьулуурдаах буолуҥ.
Соҕотохтуу сылдьан санааҕытын сааһылыырга, дууһаҕытын уоскутарга үчүгэй күн. Айылҕаҕа тахсыы эбии күүс биэриэ. Кистэлэҥ баҕа санааларгыт туолалларыгар итэҕэйиҥ. Интуицияҕыт күүһүрүө.
Доҕоттордуун алтыһыы, биир санаалаахтары кытта түмсүү үөрүүнү аҕалыа. Кэскиллээх былааннары оҥосторго табыгастаах кэм. Түмсүү үлэтигэр көхтөөх кыттыыны ылыаххытын сөп. Саҥа дьону кытта билсии инникигитигэр туһалыа.
Бүгүн карьераҕытыгар, үлэҕитигэр-хамнаскытыгар улахан болҕомтону ууруҥ. Салайааччыларгыт эһиги үлэҕитин сыаналыахтара. Туруоруммут сыалгытын ситиһэргэ дьулуургут уонна эппиэтинэскит көмөлөһүө. Статускутун үрдэтэр кыах үөскүөн сөп.
Айанныырга, саҥа сирдэри көрөргө-истэргэ, билинии-көрүүнү кэҥэтэргэ баҕа санааҕыт күүһүрүө. Үөрэххэ тардыһыы, саҥа билиини ылыы ситиһиини аҕалыа. Омук сирдэрин, атын култууралары кытта сибээс олохтонуон сөп. Киэҥник, дириҥник толкуйдуур күн.
Бүгүн дириҥ санааларга, уларыйыыларга-тэлэрийиилэргэ бэлэм буолуҥ. Тус олоххутугар эбэтэр үпкүтүгэр-харчыгытыгар соһуччу уларыйыылар тахсыахтарын сөп. Кутталгытын кыайдаххытына, саҥа кыахтар арыллыахтара. Ис күүскүтүн итэҕэйиҥ.
Партнердыы сыһыан, бииргэ үлэлээһин инники күөҥҥэ тахсар. Дьону кытта уопсай тыл буларга, иллээх-эйэлээх буоларга дьулуһуҥ. Саҥа сөбүлэһиилэри, дуогабардары түһэрсэргэ табыгастаах кэм. Атын киһи санаатын истэргит, өйдүү сатыыргыт ситиһиигэ тиэрдиэ.
Бу күн эһиэхэ ситиһиини, үөрүүнү эрэ аҕаллын!
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…