Хаартыска: ru.freepik.com
Бу күн Кыыс бэлиэтигэр толору киирэн, дьыаланы-куолуну сааһылыыр баҕа санааны уонна үлэҕэ эппиэтинэстээх сыһыаны бэлэхтиэ. Ол кэмҥэ, Ый Хахай бэлиэтигэр сылдьар буолан, айар куту уһугуннарыа, бэйэни көрдөрөр, дьон иннигэр тахсар баҕаны күүһүрдүөҕэ. Онон, бу күн практичнай буолууну уонна айар талааны дьүөрэлииргэ үөрэниэхтээххит.
Энергияҕыт таһынан. Сүүрэр-көтөр, саҥаны саҕалыыр баҕаҕыт күүһүрүө. Ол эрээри, Кыыс бэлиэтэ сэрэтэр: ыксаамаҥ, туох баар күүскүтүн биир сүрүн сыалга туһаайыҥ. Былааннаах буоллаххытына, хайа баҕарар чыпчаалы дабайыаххыт.
Үп-харчы уонна мал-сал боппуруостарыгар болҕомтоҕутун ууруҥ. Бүгүн тугу эмэ атыылаһар, инвестициялыыр эбэтэр дьиэҕитин тупсарар туһунан толкуйдуургут ситиһиилээх буолуо. Дьиэ кэргэҥҥитигэр, чугас дьоҥҥутугар сылаас сыһыаны бэлэхтээҥ.
Дьону кытта алтыһыы, кэпсэтии – эһиги сүрүн күүскүт. Саҥа билсии, үөрэххэ тардыһыы күүһүрүө. Ол эрээри, үгүс информацияҕа буккуллан хаалымаҥ. Сүрүнү араара үөрэниҥ. Кылгас айаннар ситиһиилээх буолуохтара.
Ис туруккутугар, дууһаҕыт баҕатыгар болҕомто ууруҥ. Дьиэ-уот, чугас дьон – бүгүн эһиэхэ сүрүн тирэх буолуохтара. Соҕотох хаалан, санааларгытын сааһылыыргытыгар, инникигитин былаанныыргытыгар табыгастаах кэм. Сэрэйэн көрөр дьоҕургутугар эрэниҥ.
Бүгүн эһиги чахчы даҕаны болҕомто киинигэр сылдьыаххыт! Ый эһиги бэлиэҕитигэр сылдьар, онон айар дьоҕургут, дьону тардар күүскүт уһуктуо. Бэйэҕитин көрдөрөртөн, санааҕытын этэртэн толлумаҥ. Дьон болҕомтото эһиэхэ туһаайыллыа. Тапталга кэрэ түгэннэр күүтэллэр.
Күн эһиги бэлиэҕитигэр киирдэ – бу эһиги кэмҥит! Үлэҕит-хамнаскыт өрө тахсыа, тугу барытын сааһылаан, ыраастаан, бэлэмнээн кэбиһэргитигэр күүс киириэҕэ. Доруобуйаҕытыгар кыһаллыҥ, битэмииннээх аһы аһааҥ. Кыра да буоллар, ситиһиигититтэн үөрүҥ.
Дьүөрэлэһиини көрдүүр күн. Дьону кытта уопсай тыл буларгытыгар, мөккүөрдэри быһаараргытыгар табыгастаах. Тапталгытын кытта сыһыаҥҥа аһаҕас буолуҥ, бэйэ-бэйэҕитин өйдөһө сатааҥ. Кэрэҕэ тардыһыыгыт күүһүрүө – түмэлгэ, быыстапкаҕа сылдьан дуоһуйуҥ.
Дириҥ толкуйга, бэйэни сайыннарыыга анаммыт күн. Уларыйыылартан куттанымаҥ, кинилэр эһигини саҥа таһымҥа таһаарыахтара. Үп-харчы боппуруоһугар сэрэхтээх буолуҥ, улахан ороскуоту оҥорумаҥ. Кистэлэҥ күүскүт уһуктан, сэрэйэн көрөр дьоҕургут күүһүрүө.
Саҥа саҕахтары арыйар күн. Айанныах, үөрэниэх, аан дойдуну билиэх баҕа күүһүрүө. Күүстээх санааланыыгыт, өрө көтөҕүллүүгүт барытын кыайыа. Айар дьоҕургутун Хахай бэлиэтэ кэҥэтиигэ көмөлөһүө, улахан ситиһии күүтэр.
Карьераҕа, сыалгытын ситиһиигэ сүрүн болҕомтону ууруҥ. Кыыс бэлиэтэ эһиэхэ тулуурдаах, дьаныардаах буоларга көмөлөһүө. Салайааччыларгыт эһиги үлэҕитин сыаналыахтара. Ол эрээри, сынньалаҥы умнумаҥ, үлэҕэ эрэ баайыллан хаалымаҥ.
Доҕотторгутун кытта түмсүү, саҥа, сонун идиэйэлэри олоххо киллэрии – бүгүҥҥү күн сүрүн тиэмэтэ. Эһиги ураты көрүүлэргит дьону соһутуон, сэргэхситиэн сөп. Бөлөҕүнэн үлэ ситиһиилээх буолуо. Көҥүл санааҕыт кынаттанан көтүөҕэ.
Айар куккут уһуктар. Хоһоон суруйар, уруһуйдуур эбэтэр муускунан дьарыктанар буоллаххытына, бүгүн муза эһигини хаалларыа суоҕа. Духуобунай практикаларга, медитацияҕа табыгастаах күн. Түүлгүтүн болҕойон көрүҥ, онно элбэҕи өйдүөххүтүн сөп.
Барыгытыгар ситиһиилээх, кэрэ түгэннэрдээх күнү баҕарабыт! Сулустар эһиги суолгутун сырдата туруохтара!
Саха сиригэр ойуур баһаарын умуруорууга 590 киһи, 15 тиэхиньикэ үлэлиир. Бүгүн, атырдьах ыйын 24 күнүгэр,…
Саха сирэ битэмииннээх үүнээйитинэн киэҥник биллэр. Ол эрээри, олохтоох дьон сүрүннээн сир аһын, тэллэйи эрэ…
Психосоматика этэринэн, ыарыы барыта ис туруктан үөскүүр. Итини билэн туран, санааҕын сааһылаа, сүргэни көтөҕөр тыллары…
Саҥа үөрэх дьылыгар диэри букатын ахсааннаах күн хаалла. Туох баар саҥа уларытыылары-тэлэритиилэри Билии күнүн көрсө…
Сунтаарга 450 миэстэлээх политэхиньиичэскэй лиссиэй-интэринээт тутуутун СӨ Ил Дархана Айсен Николаев бэрэбиэркэлээтэ. Үөрэх тэрилтэтэ РФ…
Киһи тыаҕа муммутун туһунан сурахтар урут дэҥҥэ иһиллэр буолаллара. Ким эмит мунна да бүтүн нэһилиэгинэн…