Бу күн Ый Чубуку бэлиэтигэр киирэн, Күн Кыыс бэлиэтигэр сылдьар. Бу дьүөрэлэһии биһигиттэн барыбытыттан дьулууру, бэрээдэги уонна тус сыалга дьулуһууну ирдиир. Эмоцияны кыана туттан, дьиҥнээх, туһалаах дьыалаларынан дьарыктанарга тоҕоостоох кэм.
Хой
Бүгүн сулустар эһиги киирэн-тахсан сылдьар күүскүтүн-уоххутун чуолкай сыалга туһаайаргытыгар сүбэлииллэр. Саҥаны саҕалыырга, докумуону бэрээдэктииргэ табыгастаах күн. Үлэҕитигэр-хамнаскытыгар салайааччыларгыт эһиги дьулуургутун сыаналыахтара. Киэһэ чугас дьоҥҥутун кытта сынньалаҥнык кэпсэтэн аһарыҥ.
Оҕус
Бүгүн эһиэхэ туох барыта илиигитигэр киирэр кэрэ күн. Үп-харчы боппуруостарын быһаарарга, улахан атыыны-тутууну былаанныырга табыгастаах күн. Айылҕаҕа тахсан, сиргэ-дойдуга чугаһаан, күүс-уох ылыныҥ. Доруобуйаҕытын көрүнэргэ, битэмииннээх аһылыгы аһыырга үчүгэй кэм.
Игирэлэр
Бүгүн эһигиттэн болҕомтолоох буолуу ирдэнэр. Элбэх информацияны ырыҥалаан, туһалааҕын эрэ талан ылыҥ. Үөрэххэ, саҥа идэни баһылыырга ситиһиилээх буолуоҥ. Доҕотторгуттан кэлбит этиилэри ырытан көрүҥ, тута сөбүлэһэ охсумаҥ. Күн бүтүүтэ санааларгытын сааһылаан, чуумпуга сылдьыҥ.
Араак
Сыһыаннаргар ураты болҕомто ууруллар күнэ. Партнеруҥ эбэтэр доҕотторуҥ эһигиттэн өйөбүлү күүтэллэр. Дьиэ кэргэҥҥитигэр сыһыаннаах боппуруостары быһаарарга тоҕоостоох күн. Үлэҕитигэр бииргэ үлэлиир дьоҥҥутун кытта уопсай тыл булуоххут. Эмоцияҕытын салайа үөрэниҥ, оччоҕо күн таһаарыылаахтык ааһыа.
Хахай
Бүгүн үлэҕит-хамнаскыт бастакы миэстэҕэ тахсыа. Күннээҕи түбүктэргэ, былааннаммыт соруктарга олоҕуруҥ. Доруобуйаҕытыгар болҕомтото ууруҥ: сөпкө аһааһын, эти-сиини эрчийии туһаны аҕалыа. Ким эмэ эһигини кириитикэлээтэр, сүрэххэ ылынымаҥ, сөптөөх түмүгү оҥостуҥ.
Кыыс
Бу эһиги күннүт! Сулустар эһиэхэ күүс-көмө буолаллар. Айар талааҥҥыт арыллар, саҥа идиэйэлэр киирэллэр. Тапталлааххытын кытта романтическай киэһэни тэрийиҥ, сыһыаҥҥыт саҥа тыыннаныа. Сөбүлүүр дьарыккытынан дьарыктанан дуоһуйууну ылыҥ.
Ыйааһын
Дьиэҕэ-уокка, чугас дьоҥҥо болҕомто уурар кэм. Дьиэни хомуйуу, өрөмүөн үлэтин саҕалыырга табыгастаах. Аймахтаргытын кытта сибээскитин бөҕөргөтүҥ, кинилэр сүбэлэрэ-амалара туһалыа. Ийэҕитин, эбэҕитин кытта кэпсэтиҥ, кинилэргэ истиҥ сыһыаҥҥытын көрдөрүҥ.
Скорпион
Бүгүн кэпсэтии, билсии-көрсүү күнэ. Саҥа информация эһиэхэ ситиһиини аҕалыан сөп. Кылгас айаҥҥа турунарга табыгастаах күн. Сурук-бичик үлэтинэн дьарыктанар буоллаххытына, барыта этэҥҥэ барыа. Тылы-өһү хонтуруоллааҥ, кимниин да этиспэккэ сыһыаннаһыҥ.
Охчут
Үп-харчы боппуруоһа инники күөҥҥэ тахсар. Барыскытын-табыскытын ааҕынарга, бүддьүөккүтүн былаанныырга тоҕоостоох кэм. Маҕаһыыҥҥа сылдьан туһата суохха үлүһүйүмэҥ. Үлэҕитигэр саҥа, харчы киллэрэр кыахтар көстүөхтэрин сөп. Бэйэҕитигэр итэҕэйиҥ, оччоҕо барыта сатаныа.
Чубуку
Ый эһиги бэлиэҕитигэр киирэн, күүс-уох эбэр. Бүгүн эһиги лидер буолар кыаххыт улаатар. Ханнык баҕарар саҕалааһын ситиһиилээх буолуо. Бэйэҕитин сайыннарар дьарыктарынан үлүһүйүҥ. Тулалыыр дьон эһигиттэн сүбэ-ама көрдүөхтэрин сөп, көмөлөһөртөн аккаастанымаҥ.
Күрүлгэн
Бүгүн соҕотох сылдьан санааларгытын сааһылыырга, дууһа сынньалаҥын ыларга үчүгэй. Ис туруккутугар болҕомтото ууруҥ. Туох эрэ кистэлэҥ арыллыан, эбэтэр урукку боппуруос быһаарыллыан сөп. Интуицияҕытын истэ үөрэниҥ, ол эһиэхэ сөптөөх суолу ыйан биэриэ.
Балыктар
Доҕоттордуун алтыһыы, биир санаалаахтары кытта түмсүү үөрүүнү аҕалыа. Инникигэ былааннары оҥосторго табыгастаах күн. Түмсүү үлэтигэр кыттан, саҥа идиэйэлэри киллэриэххитин сөп. Ким эмэ көмө көрдөөтөҕүнэ, аккаастаамаҥ, үтүө дьыалаҕыт эһиэхэ эргиллиэ.