Күннээҕи гороскоп: балаҕан ыйын 14 күнэ

Бүгүн — өрөбүл, онон сынньалаҥҥа, чугас дьону кытта алтыһыыга уонна кэлэр нэдиэлэни былааннааһыҥҥа тоҕоостоох кэм. Ый Чубуку бэлиэтиттэн сарсыарда Күрүлгэн бэлиэтигэр көһөр. Ол аата, күн саҕаланыыта дьыалабыай көрсүһүүлэр былаананар буоллаҕына, күн ортотун диэки доҕоттору-атастары кытта алтыһарга, саҥаны билиэххэ-көрүөххэ баҕа санаа күүһүрүө. Бу икки күүс дьүөрэлэһиитэ күнү туһалаахтык уонна интэриэһинэйдик атаарарга кыах биэриэ.

Хой 

Сарсыарда дьиэҕитигэр-уоккутугар кыра-хара үлэни бүтэрэн кэбиһиҥ. Оттон киэһэлик доҕотторгут эрийдэхтэринэ эбэтэр ыҥырдахтарына аккаастаамаҥ. Бүгүн эһиэхэ түмсүү, биир санаалаахтары кытта кэпсэтии күүс-уох эбиэ. Саҥа, интэриэһинэй дьону кытта билсиһиэххитин сөп.

Оҕус 

Бүгүн эһиги кэлэр нэдиэлэҕэ үлэҕит-хамнаскыт былаанын оҥосторгутугар тоҕоостоох күн. Санааларгыт чуолкай, ыраас буолуохтара. Сынньалаҥ кэмҥитигэр айылҕаҕа тахсан, сиртэн-уоттан эниэргийэ хомуйуҥ. Тус олоххутугар сыһыаннаах улахан быһаарыныыны ылынарга үчүгэй күн.

Игирэлэр

Бүгүҥҥү күн эһиэхэ саҥа билиини, сонуну аҕалыа. Кинигэ ааҕыыта, интэриэһинэй биэриини көрүү эбэтэр кылгас айан олус туһалаах буолуо. Саҥа идиэйэлэр киирдэхтэринэ, сурунан иһиҥ – кэлин ол олоххо киириэн сөп. Чугас дьоҥҥутун кытта аһаҕастык кэпсэтиҥ, санаа атастаһыҥ.

Араак 

Сарсыарда чугас киһигитин кытта сыһыаҥҥа болҕомто наада буолуо. Күн ортотун диэки бэйэҕит ис туруккутугар, баҕа санааҕытыгар болҕомтото ууруҥ. Интуицияҕыт күүһүрүө, онон ис сүрэххит тугу этэрин истэ үөрэниҥ. Дьиэҕитигэр-уоккутугар холку, сылаас эйгэни тэрийиҥ.

Хахай 

Күн саҕаланыытын бэйэҕит доруобуйаҕытыгар, күннээҕи эбээһинэскитигэр аныаххытын сөп. Оттон күн иккис аҥаара тапталлааххытыгар, партнергутугар эбэтэр доҕотторгутугар ананар. Бүгүн эһиги болҕомто киинэ буолуоххут. Сыһыаннары бөҕөргөтөргө, бииргэ сынньанарга кэрэ кэм.

Кыыс

Өрөбүл да буоллар, эһиги санааҕыт үлэҕэ-хамнаска, бэрээдэккэ сытар. Бүгүн кэлэр нэдиэлэни былаанныырга, дьиэни хомуйарга, докумуоннары сааһылыырга табыгастаах күн. Ол эрээри сынньалаҥы умнумаҥ. Сөбүлүүр дьарыккытынан дьарыктаныҥ эбэтэр кинигэ ааҕыыта санааҕытын көтөҕүө.

Ыйааһын

Күн саҕаланыыта дьиэ кэргэҥҥэ ананыан сөп. Оттон күн ортотун диэки айар талааҥҥыт уһуктар, дуоһуйа сынньаныаххытын баҕарыаххыт. Тапталлааххытын көрсүһүү, култуурунай тэрээһиҥҥэ сылдьарга тоҕоостоох кэм. Оҕолордуун алтыһыы үөрүүнү эрэ аҕалыа.

Скорпион

Бүгүҥҥү күнү чугас дьоҥҥут ортотугар, дьиэҕитигэр атаарар ордук. Элбэх киһилээх сиртэн тэйиччи сылдьан, күүскүтүн-уоххутун сөргүтүҥ. Аймахтаргытын кытта кэпсэтиҥ, төрөппүттэргитигэр болҕомтото ууруҥ. Ис кистэлэҥ санааларгытын ырыҥалаан көрөргө табыгастаах кэм.

Охчут 

Эһиги бүгүн биир сиргэ олорбот киһи буолуоххут. Кэпсэтии-ипсэтии, билсии-көрсүү элбиэ. Чугас эргин кылгас айаҥҥа турунуоххутун эбэтэр доҕотторгутун кытта көрсүөххүтүн сөп. Саҥа информацияны, сонуну түргэнник ылыныаххыт.

Чубуку 

Күн саҕаланыыта эһиги күүстээх, бэйэҕитигэр эрэллээх буолуоххут. Бу кэми туһалаахтык атаарыҥ, тус сыалгытын-соруккутун чопчулааҥ. Күн ортотун диэки үп-харчы боппуруостарыгар болҕомто ууруллуо. Үбү-харчыны былаанныырга, ороскуоту ааҕарга сөптөөх кэм.

Күрүлгэн 

Күн иккис аҥаарыгар Ый эһиги бэлиэҕитигэр киирэр, онон күүс-көмө, эниэргийэ эбиллиэ. Бэйэҕитигэр болҕомто уурар кэм кэллэ. Тас көрүҥҥүтүн тупсарыаххытын, саҥа таҥас атыылаһыаххытын сөп. Санааҕыт көҥүл, көтөҕүллүүлээх буолуо. Саҥа, урут оҥорботоххутун боруобалаан көрөртөн толлумаҥ.

Балыктар

Бүгүн эһиэхэ сынньалаҥ, чуумпуруу наада. Ис туруккутугар, дууһаҕытыгар болҕомто ууруҥ. Соҕотохтуу сылдьан айылҕалыын алтыһар, муусука истэр, медитациялыыр олус туһалыа. Түүлгүтүн ырыҥалаан көрүҥ, онно сөптөөх хоруй баар буолуон сөп.