Күннээҕи гороскоп: балаҕан ыйын 6 күнэ

Бу күн Ый Чубуку бэлиэтигэр сылдьар. Ол аата, биһиги бары туруоруммут сыалбытын ситиһэргэ дьулуурдаах буолуохтаахпыт. Дьыалабытын-куолубутун сааһылыырга, кэскиллээх былааннары оҥорууга табыгастаах кэм. Ону кытта Венера уонна Юпитер Хахай бэлиэтигэр турбуттара, айар-тутар куту, тапталы уонна үөрүүнү бэлэхтиэхтэрэ.

 Хой (21.03 – 20.04)

Бүгүн эн үлэҕэр-хамнаскар саҥа кыахтар арыллыахтарын сөп. Салайааччылар эйигин көрөн-истэн сыаналыахтара. Ол эрээри, дьиэ кэргэҥҥэр болҕомто уураргын умнума, кинилэр өйөбүллэрэ эйиэхэ күүс-көмө буолуо. Күн устата күүскэ үлэлээн баран, киэһэ чугас дьонуҥ ортотугар сынньан. Карьера уонна дьиэ кэргэн икки ардыгар биир тэҥник сыһыаннас.

Оҕус (21.04 – 21.05)

Бүгүн саҥаны билиэххин-көрүөххүн, атын култукралары үөрэтиэххин баҕарыаҥ. Баҕар, ыраах айаҥҥа барар туһунан санаа киириэ. Айар үлэнэн дьарыктанар буоллаххына, ураты идиэйлэр кутуллан киириэхтэрэ. Дьиэҕин-уоккун тупсарарга, кэрэни кэрэхсииргэ табыгастаах күн.  Бэйэҥ сайдыыгар бириэмэни уонна үбү-харчыны кэмчилээмэ.

Игирэлэр

Бүгүн үп-харчы боппуруостарыгар болҕомтолоох буол. Улахан атыыны-тутууну оҥорортон туттуна түс, докумуоннары хос бэрэбиэркэлээ. Чугас киһигиттэн туһалаах сүбэни ылыаххын сөп. Бүгүн дириҥ санааларга бэриллэр, бэйэҥ ис туруккун иһиллиир кэрдиис кэм. Харчыга сыһыаны хонтуруоллаа, кимиэхэ да иэскэ кииримэ.

Араак (22.06 – 22.07)

Бүгүн эн  болҕомто киинигэр сылдьыаҥ. Эн санааҕын истэллэр, сүбэҕин ылыналлар. Партнердары, доҕоттору кытта сыһыан тупсуо, саҥа билсиһии тахсыан сөп. Ол эрээри, бэйэҥ интэриэскин эмиэ көмүскүүргэ бэлэм буол. Дьон санаатын батыһа сылдьыма. Аһаҕас буол, ол гынан баран бэйэҥ тускар туруорсан ис.

Хахай (23.07 – 23.08)

Бүгүн – эн чаҕылхай күнүҥ! Эн айар дьоҕуруҥ, ис күүһүҥ арыллар. Дьон эйигин сөҕө-махтайа көрүөҕэ. Сөбүлүүр дьыалаҕынан дьарыктан, талааҥҥын көрдөр. Ол эрээри, доруобуйаҕар болҕомтото уураргын умнума, күүскүн-уоххун сөпкө аттар.Дьону сөхтөр, ол эрээри сынньалаҥы умнума. Үөрүү-көтүү эйигин күүтэр.

Кыыс (24.08 – 23.09)

Бүгүн эн ырыҥалыыр, сааһылыыр дьоҕуруҥ уратытык сытыырхайыа. Ханнык баҕарар ыарахан сорудаҕы чэпчэкитик быһаарыаҥ. Дьиэҕин-уоккун хомуйарга, былааннары оҥорорго, докумуоннары сааһылыырга олус табыгастаах күн. Саҥа үгэстэри олоххо киллэрэргэ тоҕоостоох кэм. Чуолкай былаан бүгүҥҥү ситиһииҥ төрдө буолуо.

Ыйааһын (24.09 – 23.10)

Бүгүн доҕотторгун кытта көрсүһүү, күүлэйдии тахсыы үөрүүнү аҕалыа. Тапталлааххын кытта сыһыан саҥа таһымҥа тахсыан сөп. Киэһэни дьиэ кэргэниҥ ортотугар атаарар ордук. Дьиэтээҕи эбээһинэстэр эйигиттэн болҕомтону эрэйиэхтэрэ. Сынньалаҥы уонна дьиэтээҕи түбүгү биир тэҥник дьүөрэлээ.

Скорпион (24.10 – 22.11)

Кэпсэтиилэргэ, сурукка-бичиккэ табыгастаах күн. Санааҕын чуолкайдык уонна итэҕэтиилээхтик этиэҥ. Үөрэххэ, саҥаны билиигэ тардыһыы күүһүрүө. Аймахтаргын кытта сибээскин бөҕөргөтөргө үчүгэй кэм. Кылгас айан ситиһиилээх буолуо. Тылыҥ-өһүҥ бүгүн ураты күүстээх, ону туһалаахтык туһан.

 Охчут (23.11 – 21.12)

Бүгүн үп-харчы боппуруостарыгар сэрэхтээх уонна болҕомтолоох буол. Кэлэр-барар үпкүн чуолкайдык ааҕын, кэскиллээх былааннары оҥор. Саҥа дохуот киирэр кыаҕа баар. Бэйэҕэр сыаналаах, туһалаах малы атыылаһыаххын сөп. Харчыгын сааһылаа, былааннаа, бүгүҥҥү быһаарыныыттан инники кэскилин тутулуктанар.

Чубуку (22.12 – 20.01)

Бүгүн – эн күнүҥ! Ый эн бэлиэҕэр сылдьар, онон күүһүҥ-уоҕуҥ эбиллэр. Туруоруммут сыалгын ситиһэргэ толору кыахтааххын. Дьон эйигиттэн сүбэ-ама көрдүө. Тас көрүҥҥүн тупсарынарга,  уларытарга табыгастаах кэм. Көҕүлээһини бэйэҕэр ыл, ситиһии эн диэки буолуо.

Күрүлгэн (21.01 – 18.02)

Бүгүн соҕотох сылдьан, санааҕын сааһылаан, сынньанаргын ордор. Ис куоласкын иһит. Урукку кэмтэн умнууга хаалбыт кыһалҕалар саҥаттан күөрэйэн тахсыахтарын сөп, олортон босхолонорго кыһалын. Бүгүн түһээбит түүлгэр болҕомтото уур, онно туһалаах иһитиннэрии баар буолуон сөп.  Бэйэҕэр сынньалаҥы биэр, күүскүн сөргүт.

Балыктар (19.02 – 20.03)

Доҕотторгун, биир санаалаахтаргын кытта алтыһарга табыгастаах күн. Түмсүүлээх үлэ ситиһиини аҕалыа. Кэскиллээх былааннары оҥосторго, саҥа бырайыактары саҕалыырга үчүгэй кэм. Соһуччу үөрүүлээх сонун истиэххин сөп. Түмсүү күүһүгэр итэҕэй, доҕотторуҥ көмөлөрө туһаны аҕалыа.