Күннээҕи гороскоп: бэс ыйын 15 күнэ

Сулустар тугу сипсийэллэр? Астрологтар тугу билгэлииллэр?

Хой

Бүгүн дьиэ кэргэҥҥин кытта сынньан, күүскүн-уоххун мунньунарга тоҕоостоох кэм үүммүт. Дьоҥҥун, аймахтаргын кытта истиҥ кэпсэтиилэр элбэх үөрүүнү, дуоһуйууну аҕалыахтара.

Оҕус

Бүгүн туохха да ыксаама, наҕыллык сырыт. Минньигэс аһы астаан, дьоҥҥун-сэргэҕин үөрт-көтүт, минньигэстик аһааҥ. Таптыыр киинэни көрөҥҥүн дууһалыын сынньаныҥ.

Игирэлэр

Доҕотторгун кытта көрсүһэр кэм кэлбит, саҥаны-сонуну кэпсэт, ити барыта инникитин барыта туһалаах буолуо. Санаа атастаһыыта араас идиэйэлэри үөскэтиэ.

Араак

Дьиэҕэр сылаас, эйэлээх эйгэни тэрий. Чугас дьонуҥ болҕомтолоругар наадыйбыккын. Барыыттан-кэлииттэн аккаастанар, дьиэҕитигэр олорон кэлэр күннэргэ туох туһалааҕынан дьарыктанаргытын былаанныыр ордук.

Хахай

Бүгүн бэйэҕин эрэ үөрдэр дьыаланан дьарыктан. Сөбүлүүр кинигэҕин аах эбэтэр киинэтэ көр. Барыыттан-кэлииттэн тохтуу түс.

Кыыс

Кэлэр нэдиэлэҕэ тугу гынаргын толкуйдаа, былааннаа. Эрдэттэн бэлэмнэннэххинэ, барыта табылыа, күүс-уох киириэ. Бэртээхэй сонуну истэҥҥин үөрүөҥ-көтүөҥ.

Ыйааһын

Айылҕаҕа тахсан сынньан, кэрэни көрөн дуоһуй. Ис туругуҥ, доруобуйаҥ тупсуо. Күннээҕи түбүктэн сынньаныаҥ, кыратык аралдьыйар эмиэ наада.

Скорпион

Бүгүн бэйэҥ ис санааҕын иһиллээ. Тугу баҕараргын, туохха дьулуһаргын өйдүүргэ үчүгэй күн. Оннук гымматаххына уруккуттан быһаарыллыбытах дьыала өссө күөрэйэн, уустугуран биэриэ.

Охчут

Саҥа сирдэргэ сылдьыаххын, саҥаны билиэххин баҕарыаҥ. Кыра да айан-сырыы, барыы-кэлии, дьону кытта көрсүһүү ис санааҕара дуоһуйууну аҕалыа.

Чубуку

Дьиэ үлэтигэр кыратык көмөлөс эбэтэр сөбүлүүр дьарыккынан умсугуй. Оччотугар нэдиэлэтээҕи былааҥҥын ситиспит курдук сананыаҥ.

Күрүлгэн

Көҥүллүк сынньан, туохха да мэһэйдэтимэ, кимниин да кыыһырсыма, этиһимэ. Саҥа, интэриэһинэй, харчыны элбэтэр табыгастаах санаалар киириэхтэрин сөп.

Балыктар

Бүгүн айар куккун таһаар: уруһуйдаа, ыллыы-туойа эбэтэр муусуката иһит. Дууһаҥ сынньаныа, күннээҥи түбүктэн аралдьыйыаҥ.