Күннээҕи гороскоп: бэс ыйын 22 күнэ

Сулустар бэлиэлэрэ тугу сэрэйэллэрин, тугу сүбэлииллэрин болҕойон истиэҕиҥ. Бүгүн  күүстээх энергиялаах күн. Күн энергията муҥутуурдук күүһүрэр, саҥаны саҕалыырга, быһаарыылаах дьайыылары оҥорорго уонна ис туругу сааһылыырга тоҕоостоох кэм. Сулустар хорсун буолууну уонна айар дьоҕуру сайыннарыыны өйүүллэр.

Хой

Энергияҥ муҥутуур кэмэ. Саҥа бырайыактары саҕалыырга, лидер буоларга бэлэмнэн. Эппиэтинэстэн куттаныма, бүгүн эйиэхэ барыта кыаллыа. Кыра мэһэйдэр эйигин тохтоппоттор. Күүскүн-уоххун туһалаахха туһаай, успуордунан дьарыктан.

Оҕус

Материальнай туруккун бөҕөргөтөргө, харчыгын-үпкүн ааҕарга-суоттуурга табыгастаах күн. Ыксаан сыыһа-халты быһаарыныыны ылыныма, барытын ымпыктаан-чымпыктаан толкуйдаа. Дьиэҕэр-уоккар сылаас эйгэни тэрий. Олох кыра үөрүүлэриттэн дуоһуй, минньигэс аһы астаа, айылҕаҕа сырыт.

Игирэлэр

Эн болҕомто киинигэр буолуоҥ. Элбэх саҥа билсиһии, интэриэһинэй кэпсэтии күүтэр. Күн устата кэлэр сонуннар эйиэхэ кэлин олус туһалыахтара. Атыттары болҕойон иһит, туһалаах иһитиннэриини ылыаххын сөп.

Араак

Бүгүҥҥү уүнү чугас дьонуҥ ортотугар атаар. Интуицияҥ күүһүрэр, онон ис санааҕын иһит. Кини эйигин албыннаабат. Урукку өйдөбүллэр, истиҥ ахтыылар дууһаҕын сылаанньытыахтара.  Дьиэҕэр сылаас, уйугу-быйаҥы эйгэни тэрий.

Хахай

Эн чаҕылхай күнүҥ! Айар дьоҕуруҥ арыллар. Талааннаргын көрдөрөртөн кыбыстыма. Дьон хайҕала эйиэхэ күүс-уох эбиэҕэ. Таптал көрсүһүүтэ тахсыан сөп. Дьоҥҥо хайҕалы, үтүө тылы этэргиттэн кыбыстыма.

Кыыс

Доруобуйаҕар уонна күннээҕи түбүккэр болҕомтото уур. Үлэлиир сиргин эбэтэр дьиэҕин хомуйдаххына, санааҥ сааһыланыа, дууһаҥ сынньаныа. Кыра да буоллар, туох эрэ ситиһии күүтэр.  Кэлэр нэдиэлэҕэ былаанна оҥоһун, оччоҕо барыта орун-оннугар буолуо.

Ыйааһын

Партнердуу сыһыаны (дьыалабыай да, таптал да) бөҕөргөтөргө табыгастаах күн. Туохха барытыгар тэҥнэһиини тутус. Утарсыылары, мөккүөрдэри туоратыаҥ. Кэрэҕэ тардыс. Кэрэ айылҕалаах сиргэ сырыт эбэтэр быыстапканы, түмэли, киинэни көр.

Скорпион

Ис турук уларыйар, дириҥ иэйиилэр күннэрэ. Эн ханнык эрэ кистэлэҥи арыйыаххын эбэтэр бэйэҕин тускунан суолталааҕы өйдүөххүн сөп. Соҕотох хаалан толкуйдуурга табыгастаах кэм.  Уларыйыылартан куттаныма, барыта үчүгэйгэ.

Охчут

Саҥаҕа, билиигэ-көрүүгэ тардыһыыҥ күүһүрэр. Айаны былааннаа эбэтэр саҥа тугу эрэ үөрэтэри саҕалаа. Эн көрүүҥ-истииҥ кэҥииригэр сулустар көмөлөһүөхтэрэ.Үөрэ-көтө сырыт, атыттары кытта үллэһин, санааҕын көтөх.

Чубуку

Үлэҕэр сыалгын ситиһэргэ таһаарыылаах күн. Дьулуурдаах буолууҥ түмүктээх буолуо. Саамай сүрүн соруккар болҕомтоҕун ууран, ситэр.

Күрүлгэн

Күнү сөбүлүүр дьоҥҥун, доҕотторгун кытта атаар. Соһуччу, ураты санаалар киириэхтэрин сөп. Эн идиэйэҕин өйүүр дьон баар буолуохтара. Көҥүл буолуу санааҕын хааччахтаама. Атыттартан ураты буолартан толлума.

Балыктар

Түүлгүн уонна ис сүрэххин иһит. Айар үлэҕэ, муусукаҕа, медитацияҕа аныыр табыгастаах күн. Дууһаҥ сынньалаҥы эрэйэр, онон элбэх түбүктэн тэйэ түс. Бэйэҕэр сынньанарга уонна ыра санааҕа ылларарга көҥүллээ.