Күннээҕи гороскоп: бэс ыйын 8 күнэ

Сулустар тугу кэпсииллэр? Астрологтар тугу билгэлииллэр?

ХОЙ
Ситэ быһаарыллыбатах дьыаланы аһаҕас хаалларар сэрэхтээх буол­бут. Онон саҕалаабыт дьыалаҕын тиһэҕэр тиэрдэн, үлэҥ түмүгүн көрөрүҥ наада.

ОҔУС

Доруобуйаҕын көрүнэр кэмиҥ кэлбит. Быыс булан сынньана сатаа. Тулалыыр дьоҥҥо эйэҕэстик, киһилии сыһыаннаһа сырыт.

ИГИРЭЛЭР

Тумуу, дьаҥ-дьаһах киириэн сөп. Эрдэттэн битэмииннээх утахтары иһэн доруобуйаҕын бөҕөргөтөргө үлэлэс. Ыксаллаах быһаарыныы ылынар түгэн тосхойуон сөп

АРААК

Тус олоххор уустук кэм бүрүүкээбит. Чугас киһи эрэлин сүтэрии дөбөҥ. Хас хардыыгын толкуйдаан оҥор. Аһары аһаҕас буолума.

ХАХАЙ

Дьиэ кэргэҥҥэр эриэ-дэхси. Тапталлааххын кытта ыраах айаҥҥа турунуоххун сөп. Үлэҕэ-хамнаска эппиэтинэстээх уонна аныгылыы саҥа көрүүҥ ситиһиини эрэ аҕалыа.

КЫЫС

Дьону кытта уопсай тылы буларга дьулус. Бэйэҥ эрэ эппиккин өрө тутума. Аймахтаргын кытта харчыттан сылтаан өйдөспөт буолуу баар.

ЫЙААҺЫН

Кыһыҥҥы настарыанньа санныгын баттаабыт. Онуоха эбии дьиэ-уот кыһалҕата эбиллибит. Чугас доҕотторгор санааҕын үллэстэн кэҥиэххин сөп. Ол эрээри ол эйиэхэ наада дуо?

СКОРПИОН

Үпкэ-харчыга сыһыаннаах быһаарыныылары билигин ылымматыҥ ордук. Ол кэриэтин дьиэ ис-тас үлэтигэр ылсан үлэлээтэххинэ, быдан туһалаах буолуоҕа.

ОХЧУТ

Аҕам саастаах чугас дьонуҥ болҕомтоҕор наадыйаллар. Үп-харчы өттүнэн көмөлөһүөххүн сөп. Онтуҥ кэлин уон төгүл үтүөнэн эргиллиэн сөп.

ЧУБУКУ

Наһаа кыраттан санааҥ түһэр, муунтуйар. Ити барыта быстах кэм буоларын умнума. Онуоха сааскы сылааҥ да киирбитэ эбиискэлэһэр. Сэргэхсийиэххин, барыаххын-кэлиэххин наада.

КҮРҮЛГЭН

Санааҕын сааһыланнаххына, барыта орун-оннугар буолуоҕа. Тутууга, тиэхиньикэҕэ сыһыаннаах күрүлгэннэр өр санаабыт ыраҕытын олоххо киллэриэххитин сөп.

БАЛЫКТАР

Уустук кэмнэр кэннигэр хаалбыттар. Эн да балачча кыһалҕаны, соҕотохсуйууну көрүстүҥ. Онон долгутуулаах билсиһиилэр, оттон кэргэннии балыктары үөрүүлээх быһыы-майгы күүтэр.