Күннээҕи гороскоп: кулун тутар 22 күнэ

Саха халандаарынан сандал сааспыт салаллан кэлбит күнүгэр сулустар тугу билгэлииллэр эбитий?

Хой

Бу күн эйиэхэ саҥа кыахтары арыйарга, буларга, таларга үтүө күн тосхойбут. Бэйэҕэр эрэллээх буол уонна дьону-сэргэни кытта аһаҕас сырыт. Үлэҕэр сонун уларытыылары киллэрэр, баҕар, үлэҕитин уларытар кыах көстүө, ону мүччү тутума. Өрөбүл күн сулустар киэһэтин доҕотторгун кытта ирэ-хоро кэпсэтэн, онно-манна сылдьан атаарарга сүбэлииллэр.

Оҕус

Харчы, баай-дуол үксүүр аартыга арыллар кэмэ кэлбит. Үп-харчы боппуруостарыгар улахан ситиһиилэниэҥ, тугу эмит сыаналааҕы атыылаһарга, харчы уурунарга табыстаах күн. Ол эрээри, чугас дьоҥҥор болҕомтоҕун уур, кинилэргэ эн көмөҥ наада буолбут. Киэһэтин чугас дьоҥҥун кытта атаар уонна сынньан.

Игирэлэр

Бүгүн эн билиигин хаҥаттынар, үксэтэр күнүн үүммүт. Тугу эмит саҥаны билэргэ-көрөргө, үөрэтэргэ, тута ылынан өйдөөн хааларга табыгастаах кэм кэлбит. Араас дьону кытта алтыһан интэриэһинэй билсииилэр күүтэллэр. Бириэмэҕин сөпкө аттар уонна урукку кэмтэн умнууга хаалбыт дьыалаларгын быһаар.

Араак

Бүгүн дьиэ кэргэҥҥэр  өйдөспөт түгэннэр тахсыахтарын сөп. Онон бу күнү чугас дьоҥҥун кытта атаарага күһэлиҥ. Дьиэҕэр тугу эмит астаа, уус-уран сахалыы киинэтэ көрүҥ, дьиэ ис-тас үлэтигэр бииргэ үлэлээҥ. Сулустар бүгүн сынньанар кэмҥитигэр дьиэҕитигэр үтүө эйгэни тэрийэргэ сүбэлииллэр.

Хахай

Бу күн эйиэхэ айар үлэҕэ ситиһиилэниэҥ, барыта табыллан иһиэ. Бэйэҥ ис кыаххын буларга, арыйарга кыһалын.  Чугас дьонуҥ эйгэтигэр туох эмэ сонун уларытыылары киллэр – ол барыта эһигини үөрдүөҕэ.

Кыыс

Бүгүн инники былааннаан торумнуурга сүбэлэнэр. Иникитин ханнык баҕарар дьыалаҕа, тус олоххутугур тугу уларытыаххытын, эбии саҥаны киллэриэххитин сөптөөҕүн туһунан толкуйдаа. Доруобуйаҕытын тупсарыныҥ уонна успуордунан дьарыктаныҥ, сибиэһэй салгыҥҥа сылдьыҥ.

Ыйааһын

Бу күн эһиги харчыгытын өйдөөн, сиэрдээхтик туһаныҥ. Билигин наадата суоҕу ону-маны, сыаналааҕы атыылаһымаҥ. Чугас дьоҥҥун кытта сылаас сыһыаны олохтуурга дьулус, оччотугар эйигин мэлдьи өйүү, көмөлөһө сылдьыахтара. Киэһэтин чуумпуга наллаан олорон кинигэ, хаһыат, интэриэһинэй сурунаал ааҕыахха сөп.

Скорпион

Үлэҕиттэн үчүгэй сонун иһиллэрэ күүтүллэр. Бэйэҕэр эрэллээхтик сырыт уонна саҥа уларыйыылары киллэрэри толкуйдаа, ол барыта табыллыа, олоххо киириэ. Урукку доҕотторгун кытта сыһыаҥҥын чөлүгэр түһэрэргэ кыһан, кинилэр эйиэхэ интэриэһинэй сүбэлэри этиэхтэрин, этиилэри киллэриэхтэрин, ардыгар наадыйар көмө оҥоруохтарын сөп.

Охчут

Бу күн тугунан эмит сонун дьарыгынан аралдьыйар күн тосхойбут. Интэриэһинэй миэстэлэргэ, быыстапкаларга, түмэллэргэ, тыйаатырдарга сырыы үтүө түмүктэрдээх буолуо. Баҕар ханна эмит айаҥҥа турунуоҥ, ол барыта сүргэҕин көтөҕүө. Саҥа дьону кытта билсиэххин сөп, онон билбэт дьону-сэргэни кытта аһаҕас буоларга дьулус.

Чубуку

Бу күн сулустар бириэмэҕин сөпкө аттаран атаарарга сүбэлииллэр. Тугу оҥоруохтааххын, ситэ быһаарылла илик дьыаланы ситиһэргэ испииһэктэ оҥоһун уонна чугастааҕы күннэргэ быһаара охсорго кыһан. Ол эрээри күн устата үчүгэйдик сынньанаргын умнума — сылайбыккын.

Күрүлгэн

Эйиэхэ үөрүүлээх түгэннэр тосхойбуттар.  Доҕотторгун кытта алтыһыы, санаа атастаһыыта, истиҥ кэпсэтии эйиэхэ саҥа тугу эмит уларытарга санаа үөскэтиэ. Ис санааҕар илдьэ сылдьыбыт идиэйэлэргин кытта үллэстэртэн толлума.

Балыктар

Бүгүн эйиэхэ интуиция сытыырхайбыт күнэ буолбут. Ис дууһаҕын истэ сырыт уонна дьоҥҥо көмөлөһөргө, үтүө дьыаланан дьарыктанарга кыһалын. Доруобуйаҕын чөлүгэр түһэрэргэ, тупсарынарга ураты болҕомтото уур.