Күннээҕи гороскоп: Олунньу 1 күнэ

Бу күнү Күн салайар. Ол иһин бүгүн үөрүү-көтүү, сылаас сыһыан, бэйэни көрдөрүү уонна айар кут күнэ. Халлааҥҥа Ый Охчут бэлиэтигэр көһөр, ол аата биһиги бары саҥаҕа, сырдыкка тардыһабыт, көҥүлгэ дьулуурбут күүһүрэр. Уопсайынан, күн үтүө санаанан уонна күүһүнэн-уоҕунан толору.

♈︎ Хой (Овен)

Бүгүн энергияҥ таһынан! Дьиэҕэ олорума, таһырдьа таҕыс, доҕотторгун түмэн ханна эрэ сырыт. Эн салайар, дьону сирдиир дьоҕуруҥ уһуктар күнэ. Саҥа, интэриэһинэй дьону кытта билсиһиэххин сөп.

♉︎ Оҕус (Телец)

Бүгүн дуоһуйа сынньаныыга болҕомто уур. Бэйэҕин маанылаа, минньигэс аһы аһаа, сөбүлүүр дьыалаҕынан дьарыктан. Тулалыыр эйгэҕэ кэрэни, сырдыгы эрэ көрө сатаа. Чугас киһиҥ бэлэҕэ эбэтэр истиҥ тыла дууһаҕын сылытыа.

♊︎ Игирэлэр (Близнецы)

Доҕоргун эбэтэр таптыыр киһигин кытта аһаҕас кэпсэтиигэ олус табыгастаах кэм. Бүгүн этиспит тылгыт икки ардыгытыгар өйдөһүүнү эрэ киллэриэ. Кэлин тугу гынаргыт туһунан бииргэ олорон ыра санаа оҥостуҥ, былааннаныҥ.

♋︎ Араак (Рак)

Күннээҕи түбүктэн кыратык тэйэн, доруобуйаҕар болҕомто уурар кэрэ күн. Саҥа, туһалаах үгэһи олоххо киллэрэргэ (холобур, сэрээккэ оҥорорго) сөптөөх кэм. Күн сырдыгар сылдьыы, айылҕаҕа кылгас кэмҥэ да буоллар тахсыы күүс-уох эбиэ.

♌︎ Хахай (Лев)

Бүгүн эн чахчы «сыанаҕа» тахсар күнүҥ! Эн айар дьоҕуруҥ, чаҕылхай өйүҥ-санааҥ күүһүрэр. Сөбүлүүр киһиҥ болҕомтотун тардыаҥ, оҕолору кытта алтыһыы үөрүүнү эрэ аҕалыа. Бэйэҥ чаҕылхай буоларгыттан кыбыстыма!

♍︎ Кыыс (Дева)

Дьиэ кэргэниҥ иһигэр сылаас, истиҥ сыһыаны олохтуур күн. Бары бииргэ мустан дуоһуйа кэпсэтиҥ, остуол оонньууларынан аралдьыйыҥ. Бүгүн дьиэҕэ-уокка үлэлиир да буоллаххына, ону үөрүү-көтүү аргыстаахтык оҥор.

♎︎ Ыйааһын (Весы)

Куорат таһыгар кылгас айаҥҥа, ыалдьыттыы барарга олус табыгастаах. Саҥа сирдэри көрүү, саҥа дьону кытта кэпсэтии санааҕын көтөҕүө. Бүгүн тугу эрэ саҥаны биллэххинэ, ол инникигэр улаханнык туһалыа.

♏︎ Скорпион (Скорпион)

Үпкэ-харчыга сыһыаннаах боппуруоска саҥа көрүү киириэ. Бүгүн кимиэхэ эрэ көмөлөһөн, эбэтэр чугас киһигэр кыра да бэлэх оҥорон, санааҥ чэпчиэ, дуоһуйууну ылыаҥ. Бэйэҥ сыаннастарыҥ тустарынан толкуйдуур кэмиҥ.

♐︎ Охчут (Стрелец)

Эн күнүҥ кэллэ! Ый эн бэлиэҕэр турар, онон барыта этэҥҥэ буолуо. Дьон эйиэхэ тардыстар, эн үтүө санааҥ кинилэргэ бэриллэр. Санаабыт санааҕын хото эт, тугу эрэ саҥаны саҕалыыртан толлума. Айылҕаттан эрчим ыл.

♑︎ Чубуку (Козерог)

Сүпсүлгэннээх нэдиэлэ кэнниттэн бүгүн хайаан да сынньан, күүскүн сөргүт. Соҕотох хаалан, дууһалыын сынньанаргын ордор. Айылҕаҕа тахсан салгыннв сиэ, үчүгэй муусуката иһит. Ис туругуҥ бөҕөргөөтөҕүнэ, күүһүҥ эбиллиэ.

♒︎ Күрүлгэн (Водолей)

Доҕотторуҥ, биир санаалаахтарыҥ бүгүн эйигин күүтэллэр. Бииргэ мустан инники былааннары оҥорорго, саҥа бырайыактары ырытарга табыгастаах. Эн саҥа, ураты көрүүлэриҥ дьоҥҥо олус интэриэһинэй буолуо.

♓︎ Балыктар (Рыбы)

Бүгүн тугу гынаргын, ханнык үлэни таларгын дьон көрө-истэ сылдьар. Үтүө дьыалаларыҥ иһин хайҕаныаххын, биһирэбили ылыаххын сөп. Олоххор тугу ситиһиэххин баҕараргын чуолкайдык былаанныыргар үчүгэй күн.