Күннээҕи гороскоп: олунньу 14 күнэ

Бүгүн Ый Чубуку бэлиэтигэр сылдьар. Ол аата бүгүҥҥү таптал – уоттаах-төлөннөөх буолбакка, бигэ, эрэллээх буолуохтаах. Сулустар мээнэ тыллары ыһыктымаҥ, дьыаланан көрдөрүҥ диэн сүбэлииллэр.

♈ Хой 

Эһиги бүгүн наһаа тиэтэйимэҥ. Сулустар этэллэринэн, бүгүн дьиҥнээх тапталы көрдөрөр күн. Элбэх сыл бииргэ олорбут ыаллар – дьиэҕитин-уоккутун көрүнүҥ, бииргэ аста астааҥ. Оттон соҕотох сылдьааччыларга сүбэ – бүгүн саҥа билсиһии тутатына тапталга кубулуйбат, доҕордоһууттан саҕаланыан сөп. Көрсүө-сэмэй буоларгыт ордук.

♉ Оҕус

Эһиэхэ олус үчүгэй күн. Сир бэлиэтэ буоларгыт быһыытынан, бүгүҥҥү сулустар эһигини өйүүллэр. Таптыыр киһигитигэр сыаналаах бэлэҕи оҥоро сатаамаҥ, бэйэҕит илиигитинэн оҥорбут бэлэххит дууһатын таарыйыа. Чугас киһигитин кытта наҕыллык кэпсэттэххитинэ – сыһыаҥҥыт өссө бөҕөргүө.

♊ Игирэлэр

Бүгүн тылгытын кэтэниҥ. Таптал күнэ диэн мээнэ эрэннэримэҥ. Эһигини бүгүн кэпсэтии быыһыыр. Өскөтүн өйдөспөт түгэннэр баар буоллахтарына, бүгүн «мин эйигин өйдүүбүн, эн эмиэ миигин өйдөө» диэн аһаҕастык кэпсэтэр тоҕоостоох. Соҕотох сылдьааччылар – бүгүн куйаар ситимин нөҥүө буолбакка, көрсөн билсэргит ордук.

♋ Араак

Эһиги, уйан дууһалаах дьон, бүгүн арыый долгуйуоххутун сөп. Ол эрээри сулустар сүбэлииллэр: «Кутталы умнуҥ». Бүгүн хом санааны барытын хаалларар күн. Таптыыр киһигит эһигиттэн истиҥ мичээри уонна истиҥ көрсүһүүнү күүтэр. Дьиэҕэ олорон киинэтэ көрүҥ, сынньаныҥ. Дьон мустар сиригэр сылдьаргыт соччото суох.

♌ Хахай

Бүгүн эһиги  дьиэ кэргэн болҕомтотугар киириэххит. Чугас киһигитигэр тапталгытын харыстыыргытын биллэриҥ. Сулустар этэллэринэн, бүгүн харчыны харыстаабакка, чугас дьоҥҥутун дьоллооҥ. Ол эрээри, бэлэх эрэ курдук санаамаҥ, саамай сүрүнэ – болҕомто. Сулумах дьону бүгүн үлэҕэ эбэтэр үөрэххэ интэриэһинэй көрсүһүү күүтэр.

♍ Кыыс

Эһиги барытын былаанныыргытын сөбүлүүгүт. Бүгүн баҕарбыккыт курдук былаанынан буолбатын да иһин, хомойумаҥ. Сулустар эһиэхэ дьикти, соһуччу «бэлэх» бэлэмнииллэр. Таптыыр киһигит туох эрэ соһуччу түгэни оҥоруон сөп. Кириитикэлииргитин тохтото түһүҥ, бүгүн хайҕал уонна махтал күнэ. Атын дьон сыһыаныгар орооһумаҥ, бэйэҕитиҥ көрүнүҥ.

♎ Ыйааhын

Бүгүн эһиэхэ туох да уратыта суох күн буолара наада. Араас санааларгыт олус күүркэйиэхтэрин сөп, ол иһин уоскуйа сатааҥ. Тапталга бүгүн кырдьыгы этэр ордук. Ол эрээри, кистэлэҥнээх буоллаххына, бүгүн арыллар кутталлаах. Онон сэрэхтээх буолуҥ. Эйэлээхтик, чуумпутук бу күнү атаараргыт ордук. Кэрэ муусука, үчүгэй киинэ – эһиги аргыскыт.

♏ Скорпион

Эһиги бүгүн наһаа күүстээх энергетикалааххыт. Таптал күнүгэр дьүөгэҕитин/доҕоргутун күнүүлээн сыһыаҥҥытын алдьатымаҥ. Сулустар этэллэринэн, бүгүн итэҕэл – саамай күндү бэлэх. Өскөтүн соҕотох буоллаххытына, бүгүн дьылҕаҕытын уларытар көрсүһүү буолуон сөп. Киэһэни дьиэҕэ буолбакка, ханна эрэ тахсан (эрэстэрээн, тыйаатыр, кулууп) атаараргыт ордук.

♐ Охчут

Бүгүн дьиэҕэ олорор күн буолбатах! Айылҕаҕа тахсыҥ, хаамыҥ, саҥа сири көрүҥ. Эһиги сыһыаҥҥытыгар «саҥа тыын» киириэхтээх. Күннээҕи түбүктэн тэйэн, дууһаҕытын ууран сынньаныҥ. Сулумахтар бүгүн дьикти түбэлтэҕэ түбэһиэххитин сөп, ол эрээри сэрэхтээх буолуҥ, албыннатымаҥ.

♑ Чубуку

Ый эһиги бэлиэҕитигэр сылдьар! Эһиги күнҥүт. Тапталга тымныы курдук көстөргүт иһин, бүгүн сүрэххит арыллар кэмэ. Эһиги бүгүн тугу эппиккит, тугу быһаарбыккыт – ол барыта кэлин улахан суолталаах буолуо. Кэргэннээхтэр – сыһыаҥҥыт өссө бөҕөргүүр. Эдэрдэр – бүгүн этии оҥорорго  саамай табыгастаах күн.

♒ Күрүлгэн

Эһиги кэмҥит кэлбит! Күн эһиги бэлиэҕитигэр турар. Таптал күнүн үгэс курдук буолбакка, уратытык атаарыҥ. Ураты бэлэх эһиэхэ барсыбат. Креативнай буолуҥ! Доҕотторгутун кытта көрсүһэргит эмиэ куһаҕана суох. Таптал диэн эһиэхэ, бастатан туран, доҕордоһуу уонна өйдөһүү. Бүгүн инникини былаанныыр табыгастаах.

♓ Балыктар

Эһигини бүгүн сулустар этэллэринэн, «аптаах» киэһэ күүтэр. Түүлгүт, сүрэххит тугу этэринэн сылдьыҥ. Таптыыр киһигит эһигиттэн истиҥ сыһыаны күүтэр. Өскөтүн санааҕыт түһэ сылдьыбыт буоллаҕына, бүгүн барыта тосту уларыйыа.