Күннээҕи гороскоп: олунньу 8 күнэ

Баскыһыанньа – Күн салайар күнэ. Бүгүн күүһү-уоҕу сөргүтэргэ, дууһаны сылаанньытарга, үөрэргэ-көтөргө аналлаах. Ыарахан үлэттэн, түбүктэн тэйиччи туттан, бэйэҕитигэр, чугас дьоҥҥутугар болҕомто уураргыт ордук. Күн сырдыга, сылааһа барыгытыгар күүс эптин!

♈ Хой (21.03 – 20.04)

Айылҕаҕа тахсыҥ, ыраас салгынынан тыыныҥ, оҕолоргутун кытта оонньооҥ. Бүгүн ханнык да ыарахан соругу туруоруммакка, олох үөрүүтүн толору билиҥ.

♉ Оҕус (21.04 – 21.05)

Бүгүн бэйэҕитин атаахтатыҥ. Кэрэҕэ тардыһыыгыт күүһүрүө. Түмэлгэ, быыстапкаҕа сылдьыҥ, эбэтэр дьиэҕитигэр киинэ көрө-көрө, сөбүлүүр аскытын аһаан дуоһуйа сынньаныҥ.

♊ Игирэлэр (22.05 – 21.06)

Доҕоттордуун-атастыын алтыһан, санааҕыт көтөҕүллүө. Көрсөн чэйдээҥ, кэпсэтиҥ, күлүҥ-салыҥ. Саҥа сонуннары истэн, кэлэр нэдиэлэҕэ тэтимнэхтик киирэргитигэр сэниэ ылыаххыт.

♋ Араак (22.06 – 22.07)

Дьиэ кэргэҥҥит сылааһыгар угуттанар күн. Урукку хаартыскалары көрүҥ, аймахтаргытыгар эрийэн кэпсэтиҥ, истиҥ иэйиини бэлэхтэһиҥ. Дьиэҕитигэр уйгулаах, эйэлээх эйгэни тэрийиҥ.

♌ Хахай (23.07 – 23.08)

Бүгүн эһиги күҥҥүт! Күн бэйэтэ эһиэхэ күүс биэрэр. Сөбүлүүр таҥаскытын кэтиҥ, талааҥҥытын көрдөрүҥ. Дьон болҕомтотун киинигэр сылдьан, үөрэ-көтө сынньаныҥ.

♍ Кыыс (24.08 – 23.09)

Күннээҕи түбүктэн сынньаныҥ. Бүгүн ханнык да былааны тутуспакка, олох сүүрүгүнэн устуҥ. Утуйан, күүс мунньунан баран, тугу гыныаххытын баҕараргытынан сылдьыҥ. Бэйэҕитигэр сынньалаҥы көҥүллээҥ.

♎ Ыйааһын (24.09 – 23.10)

Романтика, таптал күнэ. Таптыыр киһигитин кытта бириэмэни бииргэ атаарыҥ. Сэргэхсийии, истиҥ кэпсэтии сыһыаҥҥытын өссө бөҕөргүө. Соҕотох буоллаххытына, бэйэҕитин таптыырга, атаахтатарга үчүгэй кэм.

♏ Скорпион (24.10 – 22.11)

Сөбүлүүр дьарыккыт — бу  эһиги дууһаҕыт сынньалаҥа, күүс ылар сатабылгыт. Айар үлэнэн, эбэтэр тугунан эмэ дириҥник үлүһүйэн, бүтүннүү бэринэн дьарыктаныҥ.

♐ Охчут (23.11 – 21.12)

Саҥаны билиҥ-көрүҥ. Кыра да буоллар, айаҥҥа турунуҥ, билбэт сиргитигэр сылдьыҥ, эбэтэр интэриэһинэй киинэни көрүҥ. Кэҥээбит санаа кэлэр нэдиэлэҕэ саҥа ситиһиилэргэ кынаттыа.

♑ Чубуку (22.12 – 20.01)

Үлэ туһунан санаалары бүгүн умнуҥ. Нэдиэлэ устата үлэлээбит үлэҕит иһин бэйэҕитин хайҕааҥ уонна тугунан эмит бэлиэтээн наҕараадалааҥ.

♒ Күрүлгэн (21.01 – 18.02)

Биир санаалаахтаргытын кытта түмсүҥ. Саҥа, кэскиллээх былааннары ырытыҥ, ол эрээри үлэ быһыытынан буолбакка, көҥүл кэпсэтии ньыманан. Бөлөҕүнэн сынньалаҥ эһиэхэ үөрүүнү аҕалыа.

♓ Балыктар (19.02 – 20.03)

Айар куккут уһуктар күнэ. Бүгүн урукку сыллартан умнууга хаалбыт баҕа санааҕытын олоххо киллэриҥ. Соҕотох буоллаххытына, бэйэҕитин таптыырга, атаахтатарга үчүгэй кэм.