Күннээҕи гороскоп: от ыйын 13 күнэ

Бу күн  иэйиибит дириҥиир, интуициябыт ураты сытыырхайар. Ис турукпут, кистэлэҥ санааларбыт, баҕаларбыт ордук күүһүрэр кэмэ. Ким эрэ былыргыны ахтан-санаан ааһыа, ким эрэ олоҕун суолун саҥалыы көрүө. Сулустар бэйэҕит ис куоласкытын истэргитигэр сүбэлииллэр, ол эрээри  иэйиигэ бас бэринэн, сыыһа-халты туттартан сэрэниҥ. Киһини кытта кэпсэтиигэ кырдьыктаах тыл уонна ис сүрэхтэн тахсар иэйии улахан суолталаах буолуо.

Хой

Энергияҕыт оргуйан олорор. Ол эрээри, чугас дьону кытта харчы эбэтэр баай-дуол боппуруоһугар болҕомтолоох буолуҥ. Аһара ыксаамаҥ, барытын ымпыктаан-чымпыктаан быһаарсаргыт ордук. Ким эрэ кистээн сылдьыбыт кырдьыга арыллан, эһигини соһутуон сөп. Эмоцияҕытын салайа үөрэниҥ.

Оҕус

Бүгүҥҥү күҥҥүт аҥааргытыгар эбэтэр чугас доҕоргутун кытта сыһыаҥҥа ананар. Өйдөспөт буолуу тахсыбыт буоллаҕына, бүгүн эйэлэһэргэ саамай табыгастаах кэм. Кэпсэтиигэ аһаҕас уонна чиэһинэй буолуҥ. Саҥа таһымҥа тахсарга, сыһыаны бөҕөргөтөргө сулустар көмөлөһүөхтэрэ.

Игирэлэр

Күннээҕи үлэҕитигэр уонна доруобуйаҕытыгар болҕомто ууруҥ. Бытархай үлэ элбиэн, сылатыан сөп, ол иһин күүскүтүн сөпкө аттарыҥ. Үлэҕитигэр ким эрэ «интрига» оҥоро сатыырын сэрэйиэххитин сөп. Элбэх сонун киириэ, ол эрээри барытын ыраас мууска уурумаҥ, алҕаһыаххыт.

Араак

Айар куккут уһуктар, иэйиигит күүһүрэр күнэ. Тапталга табыллыы, романтическай көрсүһүү күүтэр. Оҕолоргутун кытта кэпсэттэххитинэ, элбэх үөрүүнү ылыаххыт. Интуицияҕыт сөптөөх суолу ыйан биэриэ, сүрэххитин истэргэ кыһаныҥ.

Хахай

Дьиэ кэргэн уонна дьиэ-уот боппуруостара бастакы миэстэҕэ тахсаллар. Төрөппүттэргитин эбэтэр аймахтаргытын кытта кэпсэтии дириҥиэн, урукку өйдөспөт буолуулар күөрэйэн тахсыахтарын сөп. Бэйэҕит санааҕытын күүскэ этээри гыныаххыт, ол эрээри атыттар санааларын эмиэ ытыктааҥ. Дьиэҕитигэр эйэни харыстааҥ.

Кыыс

Элбэх кэпсэтии, көрсүһүү күүтэр. Саҥа сонун истиэххитин, ким эрэ кистэлэҥин билиэххитин сөп. Чугас дьоҥҥутугар, аймахтаргытыгар болҕомтолоох буолуҥ, тылгытынан сэрэхтээхтик бырахсыҥ. Кылгас айаҥҥа эбэтэр суолга таҕыстаххытына, докумуоҥҥутун бэрэбиэркэлэнэргитин умнумаҥ.

Ыйааһын

Үп-харчы боппуруоһугар болҕомтолоох буолуҥ. Бүгүн эбии барыс киириэн эбэтэр күүтүллүбэтэх ороскуот тахсыан сөп. Барытын чуолкайдык былааннаатаххытына, табыллыаххыт. Бэйэҕит сыаннастаргыт тустарынан, туохха дьулуһаргыт туһунан толкуйдуур кэмҥит.

Скорпион

Бүгүн – эһиги күҥҥүт! Күүс-уох, энергия эһиэхэ мустубут. Дьон эһиги диэки тардыһар, сүбэҕитин истэр. Интуицияҕыт ураты сытыы, онон сөптөөх быһаарыныыны ылынаргар көмөлөһүө. Ол эрээри, эмоцияҕыт аһары барыан сөп, бэйэҕитин туттунаргыт наада.

Охчут

Соҕотох сылдьан сынньанарга, бэйэ ис туругун өйдүүргэ табыгастаах кэм. Уруккуну саныыртан куттанымаҥ – ол эһиэхэ күүс биэриэ. Түүлгүт элбэҕи кэпсиэн сөп. Кистэлэҥ өстөөхтөртөн, сымыйа үтүөнү баҕарааччылартан сэрэниҥ. Дьоҥҥо аһары арыллымаҥ.

Чубуку

Доҕотторгутун, биир санаалаахтаргытын кытта алтыһыы күүтэр. Саҥа бырайыактары, былааннары торумнуоххутун сөп. Ким эрэ көмөтө, сүбэтэ эһиги инники дьылҕаҕытыгар улаханнык туһалыа. Инникигэ эрэлгит күүһүрэр, саҥа сыаллары туруорунар кэмҥит.

Күрүлгэн

Үлэҕитигэр, карьераҕытыгар улахан болҕомто ууруллар. Салайааччыларгыт эһигини кэтииллэр, үлэҕит түмүгүн сыаналыыллар. Сөптөөх быһаарыныыттан инники дьылҕаҕыт тутулуктаныан сөп. Дьоһуннук, боччумнаахтык тутта сылдьаргыт ирдэнэр.

Балыктар

Аан дойдуну билиэх, саҥаны үөрэтиэх баҕаҕыт күүһүрэр. Ыраах айаҥҥа, үөрэххэ эбэтэр духуобунай сайдыыга табыгастаах күн. Ыраахтан үчүгэй сонун кэлиэн сөп. Философскай санааларга бэринэн, олох туһунан толкуйдуур кэмҥит. Интуицияҕыт албынныа суоҕа.