Күннээҕи гороскоп: от ыйын 27 күнэ

Бүгүн, от ыйын 27 күнүгэр, халлаан энергетиката уларыйар. Күн Хахай бэлиэтигэр сылдьар, айар-тутар, бэйэни көрдөрөр баҕаны күөдьүтэр. Ол эрээри, Ый Чубуку  бэлиэтигэр көһөн, эппиэтинэскэ, үлэҕэ-хамнаска, дьыалабыай буолууга тардар. Онон бүгүҥҥү күн икки өрүттээх: биир өттүнэн, сынньаныах, күүлэйдиэх, айыах-тутуох баҕа күүһүрэр, иккис өттүнэн, былааннаах үлэни толорор, эбээһинэһи тутуһар наадатын санатар. Сүрүн сүбэ – сынньалаҥы уонна үлэни дьүөрэлии үөрэнии. Тугу саҕалыыргытын, сыал-сорук туруорунаргытын толкуйдуургутугар табыгастаах кэм.

Хой

Бүгүн карьераҕытыгар уонна үлэҕитигэр болҕомто ууруллар. Салайааччыларгыт эһигиттэн элбэҕи күүтэллэр. Энергияҕытын көрдөрөн, эппиэтинэстээх сорудахтартан толлумаҥ. Сынньанар баҕаҕытын кыайан, үлэҕитигэр ситиһиини оҥордоххутуна, кэлин үөрүөххүт. Былааҥҥытын чуолкайдык тутуһуҥ.

Оҕус

Кэҥэтэ-тэнитэ көрүү, саҥа билии, айан туһунан санаалар киириэхтэрэ. Үөрэххэ, саҥа идэни баһылыырга табыгастаах кэм. Ыраахтан кэлбит сонун үөрдүөн сөп. Ол эрээри, барытын дьиҥнээх олоххо олоҕуран, дьыалабыайдык сыһыаннаһыҥ. Кэскиллээх былааннары оҥоруҥ.

Игирэлэр

Дириҥ санааҕа түһэр күн. Үп-харчы боппуруоһа эбэтэр иэс-күүс, кирэдьиит тустарынан толкуйдуоххутун сөп. Кутталгытын кыайар, ис күүскүтүнэн салайтарар кэм. Доруобуйаҕытыгар болҕомтолоох буолуҥ.

Араак

Тапталлааххытын кытта сыһыаҥҥа болҕомто ууруллар. Бүгүн сыһыаҥҥытын сааһылыырга, кэпсэтэргэ, былаан оҥорорго табыгастаах кэм. Ким эрэ көмөтө эһиэхэ наада буолуо. Утарылаһааччыларгытын кытта уопсай тыл булар кыах баар. Эйэлээх кэпсэтии ситиһиигэ тиэрдиэ.

Хахай

Күннээҕи түбүк, үлэ-хамнас, доруобуйа бастакы миэстэҕэ тахсаллар. «Наада» диэн тыл «баҕарабын» диэни баһыйар күнэ. Үлэҕитин былааннааҥ, сааһылааҥ, оччоҕо барытын ситиһиэххит. Доруобуйаҕытыгар кыһаллыҥ, эрдэттэн сэрэтэр дьаһаллары ылыныҥ.

Кыыс

Айар-тутар иэйиигит уһуктар. Таптал, оҕолор, сынньалаҥ – бүгүн бу тиэмэлэр инники күөҥҥэ тахсыахтара. Сөбүлүүр дьарыккытынан дьарыктанан дуоһуйууну ылыҥ. Ол эрээри, сынньалаҥы аһара ыытымаҥ, кээмэйи билиҥ. Оҕолоргутугар болҕомто ууруҥ.

Ыйааһын

Дьиэ-уот, дьиэ кэргэн боппуруостара бастакы былааҥҥа тахсаллар. Дьиэҕитигэр тугу эрэ уларытар, өрөмүөннүүр, эбэтэр чугас дьоҥҥутугар көмөлөһөр санаа киириэ. Төрөппүттэргитин кытта кэпсэтиҥ, кинилэр сүбэлэрэ туһалыа. Дьиэҕэ холку эйгэни олохтооһун эһигиттэн тутулуктаах.

Скорпион

Кэпсэтии, билсии, үөрэх күнэ. Саҥа информацияны, сонуну элбэҕи билиэххит. Чугас дьону, аймахтары кытта сибээскитин бөҕөргөтүҥ. Кылгас айаҥҥа барар буоллаххытына, болҕомтолоох буолуҥ. Тылы-өһү хонтуруоллааҥ, докумуоннары кытта үлэҕэ сэрэхтээх буолуҥ.

Охчут

Үп-харчы боппуруоһа инники күөҥҥэ тахсар. Барыыһы чуолкайдык ааҕар, ороскуоту кэмчилиир наада. Тугу эрэ атыылаһар буоллаххытына, туһатын үчүгэйдик ырытыҥ. Үлэҕит иһин саҥа төлөбүр, эбии харчы киириэн сөп. Материальнай туруккутун бөҕөргөтөр күн.

Чубуку

Ый эһиги бэлиэҕитигэр киирэн, эһиги күҥҥүт үүммүт. Энергияҕыт элбиир, тус бэйэҕит интэриэскитин көмүскүүргэ күүс киирэр. Көр-нар, сынньалаҥ туһунан санаалары үлэҕит былааныгар дьүөрэлээҥ. Барыта эһигиттэн тутулуктаах, онон көҕүлээһини бэйэҕит илиигитигэр ылыҥ.

Күрүлгэн

Соҕотохсуйар, сынньанар, бэйэ иһигэр киирэн санаалары сааһылыыр баҕа үөскүө. Бүгүн аһара элбэх дьону кытта алтыһымаҥ, күүскүтүн харыстааҥ. Интуицияҕыт күүһүрэр, түүллэргитигэр болҕомтото ууруҥ. Кистэлэҥ өстөөхтөртөн сэрэниҥ. Күүс мунньунар кэм.

Балыктар

Доҕотторгутун, биир санаалаахтаргытын кытта алтыһарга табыгастаах күн. Уопсай былааннары, кэскиллээх бырайыактары ырытыаххытын сөп. Ханнык эрэ түмсүүгэ эппиэтинэс сүктэриэхтэрин сөп. Доҕоргут сүбэтэ-амата туһалыа. Инникигэ эрэллээхтик көрөргө үөрэниҥ.