Күннээҕи гороскоп: сэтинньи 15 күнэ

Бу күнү Сатурн планета салайар, ол иһин биһигиттэн бэрээдэги, эппиэтинэһи уонна тулууру ирдиир. Күн-дьыл бытааннык ааһар курдук эрээри, хас биирдии хамсаныыбыт, эппит тылбыт инникигэ улахан суолталаах буолуо. Ый Балыктар бэлиэҕэ сылдьар, ол иһин интуициябыт, ис сүрэхпит сибикитэ күүһүрүө. Түүллэргитигэр болҕомтото ууруҥ, олох бэлиэлэрин таба көрө сатааҥ. Таптал уонна үп-харчы планетата Венера Чубуку бэлиэтигэр киирэн, бу эйгэлэргэ уһун болдьохтоох, кэскиллээх быһаарыныылары ылынарга табыгастаах кэм.

Хой 

Эһиэхэ, Хойдорго, бу күн бэйэҕитин туттунарга-хаптарга үөрэтэр. Сатурн эппиэтинэһи эбэр, онон ыл да бар диэн хамсаныы табыллыа суоҕа. Бастаан толкуйдааҥ, онтон оҥоруҥ. Дьиэ кэргэҥҥитигэр, чугас дьоҥҥутугар болҕомтото ууруҥ, кинилэр сүбэлэрэ-амалара көмөлөһүө. Кэскиллээх былааннары оҥосторго табыгастаах күн.

Оҕус 

Бүгүн эһиги үп-харчы боппуруостарыгар уонна тапталга кэскиллээхтик көрөргүт наада. Харчыны туһата суохха ыһымаҥ, кэмигэр уурунан кэбиһиҥ. Доҕотторгутун кытта көрсүһүү, сэһэргэһии санааҕытын көтөҕүө. Айар үлэнэн дьарыктанар буоллаххытына, бүгүн саҥа санаалар, ураты көрүүлэр киириэхтэрэ.

Игирэлэр

Болҕомтоҕут киинигэр – бииргэ үлэлээһин. Ол эрэн, кэпсэтиигэ сэрэхтээх буолуҥ, сыыһа өйдөһүү тахсыан сөп. Үлэҕитигэр-хамнаскытыгар салайааччыларгыт эппиттэрин болҕойон истиҥ. Кимниин эмэ мөккүспүт буоллаххытына, бүгүн эйэлэһэргэ бастакы хардыыны оҥороргут ордук.

Араак

Бүгүн эһиги күүстээххит, интуицияҕыт сытыы. Ый эһигини кытта биир уу стихиятыгар баар, онон ис куоласкытын истэ үөрэниҥ – ол албынныа суоҕа. Ыраах айаҥҥа, саҥа үөрэххэ тардыһыы күүһүрүө. Бэйэҕитин сайыннарар туһугар тугу эмит саҥаны саҕалыырга тоҕоостоох кэм.

Хахай

Бүгүн тас көстүү уонна дьон сыаната иккис миэстэҕэ буоллун. Ис туруккутугар, дууһаҕыт баҕатыгар болҕомтото ууруҥ. Соҕотох хаалан, санааларгын сааһылаан, күүс-уох мунньунар наада. Бэйэҕитин аһары ноҕуруускалаамаҥ. Киэһэ чугас дьоҥҥут ортотугар сынньалаҥнык атаарыҥ.

Кыыс

Чугас киһигитин кытта истиҥ кэпсэтиигэ наадыйар күҥҥүт. Кини өйөбүлэ, сүбэтэ эһиэхэ күүс эбиэ. Дьиэҕитигэр сылаас эйгэни тэрийиҥ, бүгүн дьиэтээҕи түбүктэр эрэйинэн буолбакка, сынньалаҥынан ааһыахтара. Саҥа билсиһиини саҕалыырга табыгастаах, ол гынан баран сэрэхтээх буолуҥ.

Ыйааһын

Дьиэ кэргэн боппуруостара бастакы былааҥҥа тахсыахтара. Төрөппүттэргитигэр, аймахтаргытыгар көмөлөһөр, кинилэр кыһалҕаларын быһаарсар түгэҥнэр үөскүөхтэрэ. Доруобуйаҕытын көрүнүҥ, битэмииннээх аһы аһааҥ, сынньанарга бириэмэ булуҥ. Бүгүн тугу эмэ тупсарар, өрөмүөннүүр буоллаххытына, үлэҕит тахсыылаах буолуо.

Скорпион

Күн эһиги бэлиэҕитигэр сылдьар, ол аата энергияҕыт элбэх, тус бэйэҕит күүстээх. Айар үлэнэн, сөбүлүүр дьарыккытынан утумнаахтык дьарыктаныҥ. Романтикаҕа, тапталга аһаҕас буолуҥ, бүгүн саҥа иэйии уһуктуон, эбэтэр баар сыһыан саҥалыы тыыннаныан сөп. Оҕолоргутун кытта бириэмэни бииргэ атаарыҥ.

Охчут

Санааҕыт көҥүл, ыраахха тардыһар, ол эрээри дьиэтээҕи түбүктэр эһигини сиргэ түһэриэхтэрэ. Барытын тэҥҥэ ситиһэ сатаамаҥ, сүрүн соруктары эрэ толорорго дьулуһуҥ. Дьиэ кэргэҥҥит эһиги болҕомтоҕутугар наадыйар, онон киэһэни кинилэргэ аныы сатааҥ. Үп-харчы боппуруоһугар сэрэхтээх буолуҥ.

Чубуку

Бүгүн эһиги киһини тардар күүстээххит, тулалыыр дьоҥҥут эһиэхэ тардыһыа. Кэпсэтиилэр ситиһиилээх буолуохтара. Венера эһиги бэлиэҕитигэр күүс эбэр, онон тас көрүҥҥүтүн тупсарынарга, саҥа таҥас атыылаһарга табыгастаах. Сатурн – эһиги планетаҕыт, онон бүгүҥҥү былааннаргыт барыта туолуохтара.

Күрүлгэн

Үп-харчы боппуруоһугар болҕомто ууруллар күнэ. Бүддьүөккүтүн сааһылааҥ, ороскуоккутун-киирэр үпкүтүн ааҕыныҥ. Саҥа үлэнэн харчы киллэрэр санаалар үөскүөхтэрин сөп. Бэйэҕитигэр сыанабылгыт үрдүө, тугу ситиспиккитин, туохха дьоҕурдааххытын өйдөөн көрүөххүт. Мал-сал атыылаһарга табыгастаах кэм.

Балыктар

Ый эһиги бэлиэҕитигэр, онон бүгүн дууһаҕыт ыллыыр, интуицияҕыт күүһүрэр. Бэйэҕитин истэ үөрэниҥ, сүрэххит тугу сибигинэйэрин болҕойуҥ. Бүгүн эһиги дьоҥҥо көмөлөһөр, кинилэри өйүүр баҕаҕыт улаатыа. Айар дьоҕургут арыллар. Кэрэни кэрэхсээн, дууһалыын сынньаныҥ – муусуката истиҥ, киинэтэ көрүҥ, айылҕаҕа сылдьыҥ.