Күннээҕи гороскоп: сэтинньи 16 күнэ

Бүгүн — өрөбүл. Бу күнү Күн салайар. Күүс-уох эбэр, санааны көтөҕөр, айар-тутар дьоҕуру уһугуннарар уонна бэйэни көрдөрөргө, дьоҥҥо-сэргэҕэ биллэргэ табыгастаах. Сынньалаҥҥа, дуоһуйууну ыларга, чугас дьону кытта алтыһарга анаммыт кэрэ кэм. Ый Балык бэлиэтиттэн Хой бэлиэҕэ көһөр. Ол аата, сарсыарда өттүгэр биһиги  ис турукпутун истэр буоллахпытына, күнүс, киэһэ диэки саҥаны саҕалыыр, дьулуурдаах буолар баҕа күүһүрүө. Күүс-уох эбиллиэ, хамсаныы-имсэнии элбиэ. Бу күн бэйэҕитин, баҕа санааҕытын бастакы миэстэҕэ туруорартан толлумаҥ.

Хой 

Ый эһиги бэлиэҕитигэр киирэр! Бу эһиэхэ саҥа күүһү, эрчими биэриэ. Бүгүн тугу эмэ саҥаны саҕалыырга, успуордунан дьарыктанарга, эбэтэр көннөрү көхтөөхтүк сынньанарга олус табыгастаах. Санаабыккытын олоххо киллэрэртэн куттанымаҥ, бүгүн эһиэхэ барыта кыаллар. Сүрүнэ –  ыксаамаҥ.

Оҕус 

Сарсыарда сынньанаргыт, соҕотох хаалан санааларгытын сааһылыыргыт ордук. Ис эйгэҕитигэр болҕомтото ууруҥ. Оттон күнүс, күүс-уох эбиллибитигэр, инники былааннаргытын оҥостуоххутун сөп. Бүгүн тугу эмэ түмүктүүргэ, эргэни ыраастыырга, саҥаҕа миэстэ босхолуурга тоҕоостоох.

Игирэлэр 

Доҕотторгун-атастаргын кытта көрсөргө, бииргэ сынньанарга үөрүүлээх күн. Саҥа идиэйэлэр, сонун санаалар биир санаалаахтаргыт ортотугар үөскүөхтэрэ. Инникигэ былааннаргытын тэҥҥэ ырытыҥ. Ким эмэ көмөҕө наадыйар буоллаҕына, аккаастаамаҥ, көмөҕүт икки бүк эргийэн кэлиэ.

 Араак 

Карьераҕыт, инники былааннаргыт туһунан толкуйдуур кэм. Бүгүн сынньанар күн эрээри, үлэҕитигэр сыһыаннаах соһуччу саҥа санаа киириэн сөп. Тус сыалгытын-соруккутун чопчулааҥ. Дьиэ кэргэҥҥит өйөбүлэ, сүбэтэ-амата бу боппуруоска көмөлөһүө.

Хахай 

Бүгүн эһиги күҥҥүт! Күн – эһиги салайар планетаҕыт, онон энергияҕыт оргуйан олоруо. Айар дьоҕургут арыллар, дьон болҕомтотун тардаргыт түргэн. Сөбүлүүр дьарыккытынан дьарыктаныҥ, оҕолоргутун кытта оонньооҥ. Кылгас айан, айылҕаҕа тахсыы санааҕытын өссө көтөҕүө.

Кыыс 

Бу күн үп-харчы, чугас дьону кытта уопсай баай-дуол боппуруостарын быһаарсарга табыгастаах. Интуицияҕыт сытыы буолуо — истэ үөрэниҥ. Бүгүн туохтан эрэ босхолонор, куһаҕан дьаллыктан аккаастанар санаа кэлиэн сөп – бу олус ситиһиилээх хардыынан буолуо.

Ыйааһын 

Чугас киһигит, партнергыт болҕомтотун киинигэр буолуо. Сыһыаҥҥытын бөҕөргөтөргө, истиҥник кэпсэтэргэ, бииргэ сынньанарга кэрэ кэм. Соҕотох буоллаххытына, бүгүн саҥа билсиһиигэ аһаҕас буолуҥ, табыллыан сөп. Дьон сүбэтин истиҥ, ол эрээри бүтэһик быһаарыыны бэйэҕит ылыныҥ.

Скорпион 

Күн энергията эһиэхэ күүһү эбэр. Ол эрээри, доруобуйаҕытын көрүнүҥ, күүскүтүн сөпкө аттарыҥ. Күннээҕи түбүктэри, дьиэтээҕи үлэни-хамнаһы былаанныырга үчүгэй. Бэрээдэги олохтооһун, ыраастаныы санааҕытын сааһылыа. Ким эмэ кыратык кыйахаан да көрдөҕүнэ, холку буоларга кыһаллыҥ.

Охчут 

Дьэ, дьиҥнээх сынньалаҥ күнэ! Айар-тутар дьоҕургут арыллар, сөбүлүүр дьарыккытынан дьарыктаныҥ. Тапталга, романтикаҕа толору бэриниҥ – бүгүн сүрэххит иэйиитэ уһуктар. Көрсүһүүгэ ыҥырдахтарына, аккаастаамаҥ, күнү-дьылы көрдөөхтүк, үөрэ-көтө атаарыҥ.

Чубуку

Дьиэҕитигэр-уоккутугар сыһыаннаах түбүктэр бастакы миэстэҕэ тахсыахтарын сөп. Дьиэ кэргэҥҥит, төрөппүттэргит болҕомтоҕо наадыйаллар. Сарсыарда аһылыкка бары мустан кэпсэтэргит, былааннаргытын үллэстэргит сыһыаны сылааһынан толоруо. Киэһэ чуумпутук, дьиэҕитигэр сынньанаргыт ордук.

Күрүлгэн 

Кэпсэтии, саҥаны билии-көрүү күнэ. Чугас аймахтаргытыгар, бырааттаргытыгар-балыстаргар эрийэн кэпсэтиҥ. Кылгас айаҥҥа барар санаа киирдэҕинэ, тохтоомоҥ – айаҥҥыт ситиһиилээх буолуо. Саҥа кинигэни ааҕыы, интэриэһинэй киинэни көрүү дууһаҕытын байытыа.

Балыктар

Сарсыарда өттүгэр санааҕыт көтөҕүллүүлээх буолуо, сүрэххит туһу этэрин истиҥ. Күнүс үп-харчы боппуруостарыгар болҕомтото ууруҥ. Баҕар, туохха харчыгытын туттаргытын, тугу атыылаһаргытын саҥалыы көрүөххүт. Бэйэҕитин сыаналааһын үрдүө, талааҥҥытын таба көрөн, онтон хайдах эбии үп киллэриэххэ сөбүн толкуйдуоххутун сөп.