Күннээҕи гороскоп: сэтинньи 2 күнэ

Бу күн Күн сынньалаҥҥа, сырдыкка уонна дууһаны толорууга ананар. Ол эрээри, Ый Балыктар диэн түүл-бит курдук уонна ураты күүстээх интуициялаах бэлиэҕэ киирэн, Нептун планетаны кытта холбоһор. Ол аата бүгүн интуиция муҥутуурдук күүһүрэр. Айар кукка, духуобунаска, ис куккун истиигэ, муусукаҕа уонна ускуустубаҕа аныыр кэм. Кытаанах быһаарсыылартан, мөккүөртэн туттунуҥ. Күнү дууһаҕытыгар, чугас дьоҥҥутугар анааҥ.

Хой

Энергияҥ инники күөҥҥэ  диэбиттии тардыһар, ол эрээри бүгүн сулустар бытаарарга сүбэлииллэр. Бүгүн – ис эйгэҕин кытта үлэлиир күн. Сынньан, соҕотох хаал, түүлгүн-биккин болҕой. Медитациялаа эбэтэр уу кытыытыгар олорон сынньан. Сынньалаҥ – сүрэҕэ суох буолуу буолбатах, саҥа кыаҕы арыйарга бэлэмнэнии.

Оҕус

Биир санаалаах доҕотторгун кытта алтыһарга үтүө күн. Эн уонна доҕотторуҥ ыра санааларыттан кэрэ-бэлиэ күн үүнүөн сөп. Кэлэр кэскиллээх былааннары муударайдык ырытыҥ. Духуобунай кэпсэтии эйиэхэ саҥа күүһү биэриэ.

Игирэлэр

Карьераҕар уонна үлэҕэр-хамнаскар интуицияҥ күүскэ үлэлиэ. Логикаҕын кыратык сынньат уонна сүрэҕиҥ этэрин иһит. Салайааччыҥ эбэтэр кэллиэгэлэриҥ бүгүн эн дириҥ санааларгын сыаналыахтарын сөп. Үлэҕэр айар дьоҕургун киллэр.

Араак

Айаҥҥа, билиини-көрүүнү кэҥэтиигэ уонна духуобунай сайдыыга анаммыт күн. Философскай кинигэни аах, саҥа үөрэҕи саҕалаа эбэтэр айылҕаҕа таҕыс. Ыраахтан кэлбит сонун үөрдүөн сөп. Интуицияҥ хаһааҥҥытааҕар да күүстээх.

Хахай

Бүгүн тас көстүү буолбакка, ис дириҥ иэйии оруолу оонньуур. Чугас киһигиниин дууһалыын кэпсэтэргэ табыгастаах кэм. Кистэлэҥнэри арыйыаххын эбэтэр атын киһини олус дириҥник өйдүөххүн сөп. Истиҥ сыһыан эйигин уларытыа.

Кыыс

Партнеруҥ эбэтэр чугас доҕоруҥ бүгүн ураты болҕомтону эрэйэр. Аналитическай өйгүн сынньат уонна атын киһи дууһатын истэргэ холоно сырыт. Утарылаһыыны буолбакка, өйдөһүүнү, биир тылы булууну көрдөө. Романтическай киэһэни тэрий.

Ыйааһын

Доруобуйаҕар болҕомтото уур. Бэйэҕин көрүн-иһит. Йога,  сөтүөлээһин, сынньатар массаж олус туһалаах буолуо. Күннээҕи түбүккэр кыратык кэрэни киллэрдэххинэ, дууһаҥ сынньаныа.

Скорпион

Бүгүн – эһиги саамай айымньылаах күннэргиттэн биирдэстэрэ. Дириҥ иэйиигит ускуустуба, муусука эбэтэр таптал нөҥүө тахсыыны булар. Дууһаҕытын кистээмэҥ. Ис-искититтэн сырдыыр кэм кэллэ. Тапталга билиниигэ сөптөөх кэм.

Охчут

Дьиэҕэ-уокка анаммыт күн. Чугас дьонуҥ сылаастара уонна болҕомтолоро эйиэхэ наада. Аймахтаргын кытта сыһыаны бөҕөргөт, төрүттэргин санаа. Дьиэ иһинээҕи эйэни олохтоо. Сынньалаҥ уонна истиҥ кэпсэтии эрэ туһалыа.

Чубуку

Санааларгын күүс өттүнэн сааһылыы сатаама. Бүгүн эн тылыҥ-өһүҥ поэзия курдук иэйиилээх буолуон сөп. Сурукта суруй, чугас дьоҥҥун кытта истиҥник кэпсэт, санааҕын кытта үллэһин. Кыра айан дууһаҕын арыйыа.

Күрүлгэн

Материальнай эйгэҕэ буолбакка, ис сыаннастаргар болҕомтото уур. Харчы туһунан санаама, дууһаҥ тугу баҕарарын иһит. Айылҕаттан кэлэр талааҥҥын, дьоҕургун сыаналаа. Дьонно көмөлөһүүттэн, үтүөнү оҥорууттан дуоһуйууну ылыаҥ.

Балыктар

Бүгүн бүтүннүүтэ эн күнүҥ! Ый уонна Нептун эһиги бэлиэҕитигэр тураллар, онон интуицияҥ, айар кутуҥ чыпчаалга таҕыста. Түүлгэр, иэйиигэр итэҕэй. Ол эрээри, аһара санааҕа баттата сылдьыма. Бэйэҕин истэр, дууһаҥ баҕатын толорор кэрэ кэм.