Күннээҕи гороскоп: сэтинньи 22 күнэ

Бу күн Ый Хахай бэлиэтигэр сылдьар, ол иһин биһиги бары бэйэбитигэр эрэлбит күүһүрүө, айар-тутар баҕабыт уһуктуо, дьон болҕомтотун тардыахпытын баҕарыахпыт. Ону таһынан, Күн уонна Меркурий Охчут бэлиэтигэр киирбиттэрэ били-көрүү, кэскиллээх былааннары оҥоруу кэмин саҕалыыр.

Хой

Бүгүн эһиэхэ дьиҥнээх бырааһынньык күнэ! Ый Хахай бэлиэтигэр турара эһиги айар талааҥҥытын арыйыа, оонньуур-күүлэйдиир, тапталга билинэр баҕаҕытын күүһүрдүө. Энергияҕыт таһынан таһымныа. Сөбүлүүр дьарыккытыгар ылларыҥ эбэтэр доҕотторгутун кытта көрү-нары тардыҥ. Бэйэҕитин көрдөрөртөн кыбыстымаҥ – барыта табыллыа!

Оҕус

Оҕустарга бүгүн дьиэ кэргэн, чугас дьон болҕомто киинигэр киириэ. Дьиэҕитин-уоккутун тупсарарга, чугас дьоҥҥутун кытта истиҥник кэпсэтэргэ табыгастаах кэм. Өбүгэлэргитин санаан ааһыҥ, аймахтаргытыгар эрийэн сонуҥҥутун кэпсээҥ. Иллээх-эйэлээх буолууттан дуоһуйууну ылыаххыт. Киэһэни дьиэҕитигэр, итии чэйдээх ирэ-хоро кэпсэтэн атаарыҥ.

Игирэлэр

Бүгүн тылгыт-өскүт сытыырхайыа, толкуйгут түргэтиэ. Эһигини истэр, сэҥээрэр күн. Кылгас айаҥҥа, саҥа дьону кытта билсиһиигэ, үөрэххэ табыгастаах. Санааҕытын аһаҕастык этиҥ, информацияны хомуйуҥ – барыта кэлин туһалыа. Соцальнай ситимнэринэн суруйсуу, төлөпүөнүнэн кэпсэтии ситиһиилээх буолуо.

Араак

Бүгүн үп-харчы боппуруоһа инники күөҥҥэ тахсыа. Баҕар, эбии дохуот киириэ эбэтэр барыстаах атыыны оҥоруоххут. Бэйэҕитин сыаналаныҥ, талааҥҥытынан харчы өлөрөр туһунан толкуйдааҥ. Ол эрээри, ороскуоккутун хонтуруоллааҥ, наадата суохха ыскайдаамаҥ. Материальнай туруккутун бөҕөргөтөргө туһуламмыт санаалар киириэхтэрэ.

Хахай

Бүгүн эһиги күҥҥүт! Ый бэлиэҕитигэр киирэн, эһиэхэ күүс-уох, эрэл биэриэ. Тулалыыр дьон бары эһигини көрүөхтэрэ, сэҥээриэхтэрэ. Харизмаҕыт күүһүрүө, дьону итэҕэтэр кыаххыт улаатыа. Тас көрүҥҥүтүн тупсарынарга, саҥа таҥас атыылаһарга табыгастаах. «Мин!» диэн этинэртэн толлумаҥ.

Кыыс

Бүгүн эһиэхэ сынньалаҥ, соҕотохсуйуу наада буолуон сөп. Тыас-уус, элбэх киһи сылатыан сөп. Ис туруккутун иһиллээҥ, дууһаҕыт тугу баҕарарын билиҥ. Медитация, айылҕаҕа сылдьыы эбэтэр сөбүлүүр кинигэҕитин ааҕыы уоскутуо. Күүскүтүн-уоххутун сөргүтэргэ табыгастаах күн.

Ыйааһын

Доҕоттор, биир санаалаахтар эһигини өйүөхтэрэ. Кэлэр кэскилгэ, саҥа былааннарга анаммыт кэпсэтиилэр тахсыахтарын сөп. Түмсүүлэргэ, онлайн бөлөхтөргө кыттыы ситиһиилээх буолуо. Саҥа идиэйэлэр, түмсэн үлэлиир баҕа үөскүө. Инникигэ эрэлгит күүһүрүө.

Скорпион

Бүгүн карьераҕыт, олоххо ситиһиигит туһунан толкуйдар киириэхтэрэ. Салайааччыларгыт эбэтэр дьон эһиги үлэҕитин, кыһалҕаҕытын сыаналыахтара. Статускутун үрдэтэр, саҥа сыалы-соругу туруорунар кэм. Дьон иннигэр этии оҥорортон, эппиэтинэһи ылынартан куттанымаҥ.

Охчут

Күн уонна Меркурий эһиги бэлиэҕитигэр киирэн, саҥа кэрдиис кэми саҕалаатылар! Бүгүҥҥү күнтэн ыла олоххут кэҥиэ, саҥаны билиэххитин-көрүөххүтүн баҕарыаххыт. Атын дойдулар, үрдүк үөрэх, философия эһигини угуйуо. Айаҥҥа барар туһунан толкуйдааҥ эбэтэр бэйэни сайыннарар кинигэни атыылаһыҥ. Кэскилгит кэҥии турар!

Чубуку

Бүгүн ис туруккутун кытта үлэлэһэргэ табыгастаах күн. Баҕар, кимтэн эрэ үбүнэн-харчынан көмө кэлиэ эбэтэр улахан атыыны оҥоруу боппуруоһа быһаарыллыа. Чугас киһигитин кытта истиҥ, дириҥ кэпсэтии тахсыан сөп. Уларыйыылартан куттанымаҥ, кинилэр эһигини күүһүрдүөхтэрэ.

Күрүлгэн

Партнерство, бииргэ үлэлээһин инники күөҥҥэ тахсыа. Атын дьон санаатын истэр, кэпсэтэн биир тылы булар уустуга суох буолуо. Саҥа дуогабар түһэрсиэххитин, эбэтэр таптыыр киһигитин кытта сыһыаҥҥытын саҥа таһымҥа таһаарыаххытын сөп. Дьону кытта алтыһыыттан элбэҕи ылыаххыт.

Балыктар

Күннээҕи түбүк, доруобуйа бүгүн эһигиттэн болҕомтону эрэйиэ. Үлэҕитин былааннааҥ, аһыыр аскытын, эрэсиими кэтээн көрүҥ. Доруобуйаҕытыгар кыһанаргытыгар, сөптөөхтүк сынньанаргар үчүгэй күн. Дьиэ кыылыгар болҕомтото ууруҥ. Кыра да түбүктэн дуоһуйууну ылыаххыт.