Күннээҕи гороскоп: сэтинньи 29 күнэ

Бу күҥҥэ Хахай сулус бөлөҕөр күүстээх Сатурну кытта дьүөрэлэһэр, онон бэрээдэги, дьиссипилиинэни уонна тус сыаллары тутуһары ирдиир. 

Хой

Бүгүн эһиэхэ стратегиялаах былааннааһын күнэ. Ыксаабакка, тугу эмэ саҕалыах иннинэ, барытын ымпыгар-чымпыгар диэри толкуйдааҥ. Дьиэ кэргэҥҥитигэр болҕомтото ууруҥ, чугас дьоҥҥут сүбэтэ-амата улаханнык көмөлөһүө. Киэһэ сынньалаҥнык атаарыҥ, күүскүтүн сөргүтүҥ.

Оҕус

Бүгүн үп-харчы боппуруостарын быһаарарга табыгастаах кэм. Санааҕытын сааһылаан, ороскуоккутун-дохуоккутун ааҕыныҥ. Соһуччу көрсүһүү эбэтэр билсиһии эһиги олоххутугар саҥа кыахтары арыйыан сөп. Айылҕаҕа тахсан, сынньанан кэлиҥ, күүс-уох эбиллиэ.

Игирэлэр

Бүгүн кэпсэтии, билсиһии күнэ. Дьону кытта бодоруһууттан элбэх саҥаны билиэххит. Эргэ доҕотторгутун кытта сибээскитин сөргүтэргитигэр сүбэлииллэр. Айаҥҥа турунар санаалаах буоллаххытына, барыта этэҥҥэ ааһыа. Сэрэхтээх буолуҥ — элбэх информацияттан төбөҕүт ыалдьыан сөп, сынньана түһэри умнумаҥ.

Араак

Бүгүн дьиэҕитигэр-уоккутугар уонна чугас дьоҥҥутугар болҕомто уурар күн. Дьиэни хомуйуу, ас астааһын эбэтэр кэргэни кытта истиҥ кэпсэтии санааҕытын көтөҕүө. Иэйиигитин сатаан салайыҥ, кыра-хара аайыттан кыыһырымаҥ. Киэһэни чуумпутук, дьиэ кэргэн эргимтэтигэр атаарыҥ.

Хахай

Бүгүн бэйэҕитин көрдөрөр, талааҥҥытын арыйар кэрэ кэм. Дьон болҕомтотун киинигэр буолуоххут. Дьыалабыай көрсүһүү эбэтэр саҥа бырайыагы саҕалааһын ситиһиилээх буолуо. Ол эрээри, аһара киэбиримэҥ, атыттар санааларын эмиэ истиҥ.

Кыыс

Бүгүн доруобуйаҕытыгар болҕомто уураргытыгар сулустар сүбэлииллэр. Күннээҕи түбүктэн сынньанан, битэмииннээх аһы аһаан, сөптөөхтүк утуйан туруҥ. Үлэҕитигэр кыра алҕастар тахсыахтарын сөп, ол иһин болҕомтолоох буолуҥ. Тус бэйэҕит сыалларгытын сааһылыырга табыгастаах кэм.

Ыйааһын

Бүгүн доҕордоһууга, бииргэ үлэлээһиҥҥэ анаммыт күн. Хамаанданан үлэлиир буоллаххытына, ситиһии күүтэр. Саҥа билсиһии кэскиллээх буолуон сөп. Тапталлааххытын кытта сыһыаҥҥытыгар аһаҕас буолуҥ, эйэлээх кэпсэтии өйдөһүүнү күүһүрдүө.

Скорпион

Бүгүн карьераҕытыгар уонна үлэҕитигэр улахан болҕомтону ирдиир күн. Салайааччыларгыт эһиги үлэҕитин сыаналыахтара. Уустук боппуруостары быһаарарга сөптөөх кэм, ол эрээри, кимиэхэ да эрэнэн кэбиһимэҥ. Интуицияҕытын истэ сылдьыҥ, ол албынныа суоҕа.

Охчут

Бүгүн саҥаны билиэх-көрүөх баҕаҕыт күүһүрүө. Үөрэххэ, айаҥҥа, аан дойдуну билиһиннэрэр киинэлэри көрүүгэ табыгастаах кэм. Саҥа идиэйэлэр киириэхтэрэ, олору сурунан иһиҥ. Алыс ыраахха баран былааннанымаҥ, чугас сыаллары ситиһэргэ дьулуһуҥ.

Чубуку

Бүгүн үп-харчы боппуруостарыгар уонна уларыйыыларга бэлэм буолуҥ. Эргэ иэскитин төлүүргэ эбэтэр инвестиция туһунан толкуйдуурга сөптөөх кэм. Чугас киһигит кистэлэҥэ арыллыан сөп. Иэйиигэ бас бэринимэҥ, тымныы өйгүнэн-санаанан салайтарыҥ.

Күрүлгэн

Бүгүн эһиэхэ партнердыы сыһыан бастакы миэстэҕэ тахсыа. Дьыалабыай да, тапталлаах да киһигитин кытта өйдөһүүнү буларгыт наада. Утарылаһыы үөскээтэҕинэ, эйэлээхтик быһаарса сатааҥ. Саҥа дуогабар түһэрсэргэ табыгастаах кэм, ол эрээри болдьоммутун болҕомтолоохтук ааҕыҥ.

Балыктар

Бүгүн күннээҕи түбүккэ, үлэҕэ-хамнаска уонна доруобуйаҕа ананар. Былааннаммыт үлэҕитин кэмигэр бүтэрэ сатааҥ. Доруобуйаҕытын көрүнүҥ, элбэх ууну иһиҥ, хамсаныҥ. Дьон көмөтүгэр наадыйдаххытына, кыбыстыбакка көрдөөҥ. Киэһэ айар дьарык эбэтэр медитация уоскутуо.