Күннээҕи гороскоп: сэтинньи 30 күнэ

Бүгүҥҥү күнү Күн салайар. Ол аата, бэйэни сайыннарыы, айар-тутар дьоҕуру арыйыы, ис күүһү таһаарыы күнэ. Күн Охчут бэлиэтигэр сылдьар, ол эбэтэр киэҥ-куоҥ санаалар, саҥаҕа тардыһыы күүһүрэр. Ол эрээри, Нептун планетаны кытта уустук сыһыана баар буолан, кырдьык уонна сымыйа быысаһар кэмэ. Туманнаах санаалар, албыннатыы сэрэхтээх. Интуицияҕытын истэҥҥит, чахчылары хат-хат бэрэбиэркэлээҥ. Оттон Венера уонна Плутон күүстээхтик холбоһуулара тапталга уонна үпкэ-харчыга дириҥ уларыйыылары аҕалыан сөп.

Хой

Бүгүн эйигин киэҥ-куоҥ былааннар, ыраах айаннар, саҥа үөрэх толкуйдатыа. Ол эрээри, эрэннэрбиккэ барытыгар итэҕэйэ охсума, албыннатыаххын сөп. Дьиҥ баары киэргэтэн кэпсээмэ. Айар дьоҕургун таһаар, сөбүлүүр дьарыккынан дьарыктан, онно күүс-уох киириэҕэ. Үлэҕэр, карьераҕар аптарытыатыҥ үрдүө.

Оҕус

Үп-харчы, иэс-күүс, уопсай баай-дуол боппуруостарыгар сүрдээх болҕомтолоох буол. Нолуок, страховка курдук докумуоннары бэрээдэктээ. Кимниин эмэ харчыга өйдөспөккө хаалыаххын сөп. Чугас киһигиниин сыһыаныҥ дириҥиэ, ис кистэлэҥ кэпсэтии тахсыан сөп. Ис туруккун уларытар, куһаҕан үгэстэртэн босхолонор туску күн.

Игирэлэр

Бүгүн бары болҕомтоҥ партнергар, тапталлааххар эбэтэр биисинэскэ туһаайыллыа. Өйдөспөккө хаалыы, сымыйанан буруйдааһын тахсыан сэрэхтээх. Дьону кытта кэпсэтэргэр тылгын-өскүн кыан. Уустук кэпсэтииттэн куотума, чуолкайдыыр ордук. Үп-харчы боппуруоһугар эппиэтинэстээх быһаарыныы ылынаргар сөптөөх кэм.

Араак

Доруобуйаҕар болҕомтото уур. Күннээҕи эбээһинэстэриҥ, үлэҥ-хамнаһыҥ элбиэн сөп, онтон сылайыаххын сөп. Эми-тому сэрэнэн тут, аллергия тахсыан сөп. Үлэҕэр дьону кытта сыһыаныҥ уустугуруон сөп, ол эрээри чугас киһиҥ өйөбүлэ күүс биэриэ. Дьиэ кэргэҥҥэр болҕомто уураргын умнума.

Хахай

Айар-тутар кутуҥ уһуктар, тапталга тардыһыыҥ күүһүрэр кэрэ күнэ. Ол эрээри, тапталга албыннатыаххын сөп, баары баарынан ылын. Оҕолоргун кытта болҕомтолоох буол. Үлэҕэр-хамнаскар уонна доруобуйаҕар дириҥ уларыйыылар кэлиэхтэрин сөп. Саҥа үлэ бырайыагын саҕалыырга эбэтэр доруобуйаны бөҕөргөтөргө тоҕоостоох.

Кыыс

Дьиэ кэргэн, төрөппүттэр боппуруостара инники күөҥҥэ тахсыа. Дьиэҕэ-уокка өйдөспөт буолуу тахсыан сөп. Өрөмүөнү, улахан атыыны саҕалыырга сүбэлэммэт. Аймахтаргын кытта кэпсэтэргэр сэрэн. Ол оннугар, айар дьоҕургун, тапталыҥ эйгэтин күүһүрдүөҥ. Сүрэҕиҥ баҕатын толорорго үчүгэй күн.

Ыйааһын

Кэпсэтии, көрсүһүү, кылгас айан элбиэ. Информация хомуйаргар сэрэн, сымыйа сонуну итэҕэйимэ. Сурахтартан тэйиччи туттун. Докумуоҥҥа илии баттыыргар болҕомтолоох буол. Дьиэ кэргэҥҥэ, дьиэ-уот туругар күүстээх уларыйыылар буолуохтарын сөп. Дьиэни-уоту бөҕөргөтөргө, төрөппүттэри кытта кэпсэтэргэ үчүгэй кэм.

Скорпион

Үп-харчы боппуруоһа бастакы миэстэҕэ тахсар. Ороскуоккун хонтуруоллаа, албыннатан баран хаалыма. Наһаа үрдүк сыаналаах малы атыылаһыма. Бүгүн интуицияҥ күүһүрэр, ис саҥаҕын иһит. Кэпсэтиилэргэ тылыҥ-өһүҥ ураты күүстээх, онон дьону итэҕэтэр кыаҕыҥ улаатар. Чугас дьонуҥ ортотугар аптарытыатыҥ үрдүөҕэ.

Охчут

Күн эн бэлиэҕэр сылдьар, онон энергияҥ элбиир, саҥаны саҕалыаххын баҕараҕын. Ол эрээри, бэйэҕин албыннаныма, кыаллыбаты эрэннэримэ. Дьүһүнүҥ-бодоҥ туруга уларыйыан сөп. Тус сыалларыҥ уонна дьиэ кэргэн ирдэбилэ утарыта турсуохтарын сөп. Үпкэ-харчыга эппиэтинэстээх быһаарыныыны ылынаргар сөптөөх күн.

Чубуку

Бүгүн соҕотохсуйуу, сынньаныы наада буолуо. Ис туруккун иһиллээ, түүллэргинэн сирдэт. Кистэлэҥ өстөөхтөр, сурахтар сэрэхтээхтэр. Күүскүн-уоххун харыстаа. Ол эрээри, эн бэлиэҕэр Венера уонна Плутон холбоһуулара эйиэхэ ураты күүһү, харизманы биэрэр. Дьон болҕомтотун тардар кыахтааххын.

Күрүлгэн

Доҕотторгун, биир санаалаахтаргын кытта алтыһыы элбиэ. Инники былааннары дьүүллэһэргэ үчүгэй. Ол эрээри, доҕотторгор харчы иэстээмэ уонна кинилэртэн иэс ылбат ордук.

Балыктар

Күннээҕи түбүктэргэ уонна доруобуйаҕытыгар кыһаллыҥ. Үлэҕитигэр былааннааһын ирдэнэр.   Чугас дьоҥҥо көмөлөһүү, кыһамньы эһиэхэ дуоһуйууну аҕалыа.