Күннээҕи гороскоп: сэтинньи 8 күнэ

Субуота – Сатурн салайар күнэ. Бу планета дьиссипилиинэни, эппиэтинэһи, тутулу уонна бэрээдэги ирдиир. Ол иһин бүгүн аралдьыйардааҕар, сааһыланар, эбэтэр эрдэ саҕаламмыт дьыаланы ситэриигэ ордук табыгастаах кэм. Ый Балыктар бэлиэлэригэр киирэн, интуиция күүһүрэр, айар кут уһуктар, аһыныгас санаа киирэр. Ол иһин бүгүн урукку дьыалалары быһараара уонна ис иэйиини дьүөрэлиир ирдэнэр. Кэскилгитин былаанныырга, урукку алҕастары көннөрөргө сөптөөх кэм.

Хой 

Бүгүн ыксаабакка, болҕомтолоох буоларгыт ирдэнэр. Ис туруккутугар, дууһаҕыт баҕатыгар болҕомтото ууруҥ. Соҕотох сылдьан үлэлииргитигэр, толкуйдуургутугар ордук табыгастаах. Бүтэриллиэхтээх түбүктэргитин сааһылаан, кэлэр нэдиэлэҕэ бэлэмнэниҥ. Энергияҕытын харыстааҥ.

Оҕус 

Доҕотторгутун кытта кэскиллээх былааннары оҥорорго, биир санаалаахтаргытын кытта түмсэргэ табыгастаах. Инникигэ туһуламмыт кэпсэтиилэр тахсыахтара. Эһиги сүбэҕит, санааҕыт бүгүн улаханнык сыаналыныа. Ол эрээри, харчыны иэстэһэртэн туттунуҥ.

Игирэлэр 

Үлэҕитигэр-хамнаскытыгар, карьераҕытыгар болҕомто ууруллар. Салайааччыларгыт эһиги кыһалларгытын көрүөхтэрэ. Эрдэ оҥорбут үлэҕит түмүгэ көстүө. Эппиэтинэстээх буолуу ирдэнэр. Сорудахтары болдьохторугар толорорго кыһаныҥ, оччоҕо ситиһии күүтэр.

Араак 

Саҥаны үөрэтэргэ, кэскилгитин былаанныырга, аан дойдуну кэрэхсиир санааҕыт күүһүрүө. Ыраах айаны былаанныырга, саҥа кинигэни ааҕарга табыгастаах кэм. Бүгүн ылбыт билиилэргит инникигэ улаханнык туһалыахтара. Духуобунай сайдыыга болҕомто ууруҥ.

Хахай 

Бүгүн дириҥ толкуйга түһэр, уларыйыыларга бэлэмнэнэр күн. Үп-харчы боппуруостарыгар, иэс биэрии дьыалаларыгар сэрэхтээх буолуҥ. Атын дьон кистэлэҥин билиэххитин сөп, ол эрээри ону тарҕатымаҥ. Ис күүскүтүн сааһылыырга, куһаҕан санаалартан ыраастанарга үчүгэй кэм.

Кыыс

Партнергутун кытта сыһыаҥҥа болҕомтолоох буолуҥ. Аһаҕас кэпсэтии, өйдөһүү ситиһиллэр күнэ. Кэргэҥҥитин, доҕоргутун кытта уопсай былааннары оҥоруҥ. Соҕотохсуйар дьон саҥа билсиини олохтуохтарын сөп, ол эрээри бу сыһыаҥҥа ыксаамаҥ.

Ыйааһын 

Күннээҕи түбүккэ, доруобуйаҕа болҕомтону ууруҥ. Бэрээдэги олохтуур, дьиэни-уоту хомуйар, эбэтэр урукку үлэни бүтэрэр наада. Эрэсиими тутуһар, сөпкө аһыыр, сынньанар туһунан толкуйдааҥ. Үлэлиир сиргитигэр атын дьоҥҥо көмөлөһөргүт бэйэҕитигэр үтүөнэн эргиллиэ.

Скорпион

Айар дьоҕургут арыллар. Сөбүлүүр дьарыккытыгар бириэмэтэ ууруҥ, оччоҕо дуоһуйууну ылыаххыт. Тапталлааххытын кытта сыһыаҥҥа романтика киириэ. Оҕолоргутун кытта бириэмэни бииргэ атаараргыт үөрүүлэх түгэннэри бэлэхтиэ. Бэйэҕитин көрдөрөртөн, талааҥҥытын арыйартан кыбыстымаҥ.

Охчут

Дьиэ кэргэҥҥэ, дьиэ-уот түбүгэр болҕомто ууруллуо. Чугас дьоҥҥут, төрөппүттэргит эһиги кыһамньыгытыгар наадыйыахтара. Дьиэҕэ эйэлээх, уоскулаҥнаах эйгэни тэрийэргэ кыһаныҥ. Ааспыты санаан ахтар, өбүгэлэргитин кэриэстиир санаа киириэн сөп.

Чубуку 

Бүгүн эһиги тылгыт-өскүт улахан суолталаах буолуо. Санааҕытын сааһылаан, чуолкайдык этэргэ үөрэниҥ. Сурук-бичик үлэтигэр, докумуоннары бэрээдэктииргэ табыгастаах. Аймахтаргытын, чугас эргинээҕи дьону кытта сибээскитин бөҕөргөтүҥ. Кылгас айаҥҥа барар былаан тахсыан сөп.

Күрүлгэн 

Үпкүтүн-харчыгытын хонтуруолга тутуҥ, барыскытын-ороскуоккутун ааҕыныҥ. Бүгүн кытаанах буолуу ирдэнэр. Улахан атыыны-тутууну оҥорортон туттунуҥ, үчүгэйдик толкуйдааҥ. Баҕар, эбии үп киллэринэр туһунан санаа киириэ. Баар баайгытын сыаналааҥ.

Балыктар

Бүгүн бэйэҕитигэр болҕомто уурар күн. Ый эһиги бэлиэҕитигэр сылдьар, онон интуицияҕыт күүһүрүө, иэйиигит уһуктуо. Тас көрүҥҥүтүн тупсарынарга, сынньанарга, дууһаҕыт тугу баҕарарын истэргэ табыгастаах. Санааларгыт сааһыланыахтара, инникигэ эрэлгит күүһүрүө.