Күннээҕи гороскоп: тохсунньу 18 күнэ

Бу күн халлаан куйаарыгар олус интэриэһинэй түгэн үөскүүр. Чуумпуну, бигэ туругу сөбүлүүр Ый  Оҕус бэлиэтигэр киирэр, ол эрээри кинини эмискэ уларыйыылары, соһуччуну аҕалар Уран планета күүскэ сабыдыаллыыр. Ол иһин бүгүҥҥү күн былааннаах сынньалаҥтан ураты, соһуччу түбэлтэлэринэн, саҥа санааларынан толору буолуон сөп. Уларыйыылартан куттанымаҥ, соһуччу түгэннэри үөрүүнэн көрсүҥ, тоҕо диэтэргит халлаан куйаара эһиэхэ саҥа кыахтары бэлэмниир.

Хой

Бүгүн харчыга сыһыаннаах соһуччу сонун кэлиэн сөп. Баҕар, эбии дохуот киирэр кыаҕа үөскүө эбэтэр былааннамматах, ол эрээри туһалаах атыыны оҥоруоххут. Эргэ малы быраҕан, саҥаҕа миэстэ босхолооҥ.

Оҕус

Бүгүн эһиги бэйэҕитин соһутуоххутун сөп. Тас көрүҥҥүтүн уларытар эбэтэр туохха эрэ саҥаҕа хорсунук холонор баҕа үөскүө. Бэйэҕит ис куоласкытын истэргэ табыгастаах кэм.

Игирэлэр

Күүтүллүбэтэх өттүттэн ис туруккут арыллыа, дириҥ санаалар киириэхтэрэ. Баҕар, уруккуттан мунаарбыт боппуруоскут быһаарыыта бэйэтэ кэлиэ. Бүгүн соҕотох сылдьан толкуйдуур, айар-суруйар үлэҕэ үчүгэй күн.

Араак

Доҕотторгутун кытта былааҥҥыт эмискэ уларыйыан сөп, ол эрээри бу уларыйыы өссө үчүгэйгэ буолуо. Саҥа, сонун көрүүлээх дьону кытта билсии күүтэр. Кэлэр кэскилгитин былаанныырга үчүгэй санаалар киириэхтэрэ.

Хахай

Үлэҕитигэр, карьераҕытыгар соһуччу түгэн үөскүө. Салайааччыгыт күүтүллүбэтэх сорудаҕы биэриэн эбэтэр саҥа, интэриэһинэй бырайыагы этиэн сөп. Бүгүн ураты көрүүлэргит барыларын сөхтөрүө.

Кыыс

Олоххо көрүүгүтүн уларытар сонун кэлиэн сөп. Ыраах айаҥҥа барар эбэтэр тугу эрэ уратыны үөрэтэр баҕа киириэ. Саҥа билиини-көрүүнү ылынарга, кинигэ ааҕарга табыгастаах кэм.

Ыйааһын

Бүгүн уустук боппуруостары быһаарартан толлумаҥ. Чугас киһигитин кытта истиҥ кэпсэтии сыһыаҥҥытын саҥа таһымҥа таһаарыа. Баҕар, ким эмэ эһиэхэ улахан кистэлэҥин арыйыа.

Скорпион

Партнергут эбэтэр чугас доҕоргут бүгүн соһуччу быһыыланыан сөп. Кыыһырымаҥ, онуоха бэлэм буолуҥ. Сыһыаҥҥыт күүһүрэр, бииргэ тугу эрэ саҥаны оҥоруу эһигини өссө чугаһатыа.

Охчут

Күннээҕи эбээһинэскит, былааҥҥыт барыта уларыйыа. Ол үчүгэй! Саҥа эрчиллиини боруобалааҥ, доруобуйаҕытыгар болҕомтото ууруҥ эбэтэр үлэҕитигэр атын ньыманы туһанан көрүҥ. Күннээҕи түбүктэн тахсар күн.

Чубуку

Айар куккут уһуктар күүстээх күнэ. Уруһуйдуур, ыллыыр, хоһоон суруйар буоллаххытына, бүгүн уһулуччулаах айымньы тахсыан сөп. Сөбүлүүр дьарыккытыгар бириэмэ аныыртан кыбыстымаҥ.

Күрүлгэн

Дьиэҕитигэр сыһыаннаах соһуччу уларыйыылар буолуохтарын сөп. Баҕар, ыалдьыттар кэлиэхтэрэ эбэтэр миэбэлгитин атыннык туруорар санаа киириэ. Төрөппүттэргитин, чугас дьоҥҥутун кытта кэпсэтиҥ, кинилэртэн күүтүллүбэтэх сүбэни истиэххит.

Балыктар

Күүтүллүбэтэх сиртэн эрийии эбэтэр сонун кэлиэ, ол эһиги былааннаргытын барытын уларытыа. Чугас сиргэ эмискэ айаннаан кэлиэххитин сөп. Бүгүн истибит сонуҥҥут кэлин олус туһалыа.