Күннээҕи гороскоп: ыам ыйын 10 күнэ

ХОЙ

Күн бэркэ саҕаланыа. Тугу санаабыккын барытын олоххо киллэрэн иһэр хорсун санааланыаҥ. Бары дьыалаҕа көхтөөхтүк кыттан ис диэн сулустар сүбэлииллэр.

ОҔУС

Үгүстэр таптал иэйиитигэр куустарыахтара. Ол эрээри оҕус бэлиэлээхтэр маны утары өттүнэн өйдүүллэр. Кыра түбүктэр, ыксаан-ыгылыйан ылар да түгэннэр баар буолуохтара.

ИГИРЭЛЭР

Харчыгын сөпкө суоттана сырыт. Күүппэтэх өттүгүттэн ороскуот тахсыан сөп. Ол эрээри бу ороскуот оҕолоргор, дьиэ кэргэҥҥэр буолан, харчыгын кытта чэпчэкитик арахсарга бэлэмҥин.

АРААК

Үлэнэн үлүһүйэҕин, атыҥҥа аралдьыйа сатаабат буолбуккун. Ол түмүгэр чугас дьонуҥ өйдөөмүөхтэрин сөп. Чугас киһиҥ күнүүлүү саныан, онтон сылтаан иһигэр хом санаа ту­­туон сөп. Майгыгын-сигилигин көрүнэ сырыт.

ХАХАЙ

Дьон болҕомтотун тардаҕын. Дьон эн санааҕын ылынар. Бу талааҥҥын туһанаҥҥын элбэҕи ситиһиэххин сөп. Өр кэм устата кыыһырса сылдьыбыт киһигин кытта сыһыаныҥ тупсууһук, биир уопсай дьыала, үлэ санааҕытын ситимниэҕэ.

КЫЫС

Олоххо көрүүгүн арыый уларытан сэргэх дьону кытта алтыстаххына, сааскы сырдык кэм дууһаҕар уһуктуоҕа. Кыра аайыттан санаарҕыыр, түбүгүрэр сатамматын өйдүөҕүҥ.

ЫЙААҺЫН

Тус олоххунан олорор кэмиҥ кэлбит. Үгүс ыйааһын бэлиэлээхтэри саҥа билсиһиилэр күүтэллэр. Ол эрээри, ыксаллаах кэмҥэ быһаарыныы ылынартан туттун.

СКОРПИОН

Тус олоххор ситиһиилээх кэм үүммүт. Урукку өттүгэр саарбахтыы сылдьыбыт санааларгыттан дьэ, босхолонууһуккун. Олус интэриэһинэй уонна сэргэх кэм үүммүт. Ол эрээри, үлэҕэ, үөрэххэ болҕомтолоох буолуу ирдэнэр.

ОХЧУТ

Ыам ыйыгар санааҥ икки аҥыы арахсар кутталлаах. Ол эрээри, сулус­тар сүбэлииллэринэн, сүрэҕиҥ этэрин истэн, онон сирдэтинииһиккин. Доруобуйаҕар болҕомтолоох буол.

ЧУБУКУ

Тастан эйигин дьон ситиһиилээх, кыһалҕата суох курдук көрөр. Ол эрээри, ис санааҕар элбэхтик са­­наарҕыыгын, муунтуйаҕын. Бүгүн санааларгын сааһыланаргар тоҕоостоох ­буолууһу.

КҮРҮЛГЭН

Өр кэм устата үлэҕинэн аһары үлүһүйэҥҥин, дьиэ кэргэҥҥин, доҕотторгун умна быһыытыйбык­кын. Онон билигин эйиэхэ олоҕунан дуоһуйар кэмиҥ кэлбит.

БАЛЫКТАР

Тус олоххор уустук кэм. Доҕоргунуун өйдөспөккүн, тулалыыр дьону кытта уопсай тылы булбаккын. Арыый искэр бүгэн бэйэҕин иһиллэнэн, өйгүн-санааҕын сааһыланыаххын наада буолбут.