Күннээҕи гороскоп: ыам ыйын 25 күнэ

Сулустар тугу кэпсииллэрий? Бүгүн туох күүтэрий?

Хой
Соһуччу сүбэ-ама ылаҥҥын муунтуйа сылдьыбыт ыйытыккар сөптөөх хоруйу ылыаҥ. Күн бастакы аҥаара айан-сырыынан ааһыаҕа, иккис аҥаарыгар холкутук сылдьыаххыт, сынньанар кэм кэлбит.

Оҕус
Бүгүн оҕустар инники күөҥҥэ тахсаллар. Күн улахан аҥаара олох-дьаһах боппуруостарын быһаарыыга, оҕолору көрүүгэ-истиигэ ааһыаҕа. Күн иккис аҥаарыгар доҕотторгутун кыттар көрсүөххүт. Дьиэ кыылын ииттэ ыларга эбэтэр атыылаһарга санааҕа кэлиэххит.

Игирэлэр
Бүгүн игирэлэр бэйэҕит эрэ күүскүтүгэр эрэниэххитин наада, оччотугар санаабыккыт барыта табыллыа. Атын дьон сүбэлэрин болҕомтоҕо ылынымаҥ, кинилэр көмөлөһөр кыахтара суох, хата эбиитин булкуйан биэриэхтэрин сөп. Үтүө дьыаланан дьарыктанарга, көмө оҥорорго табыгастаах күн.

Араак
Саҥа күн туох эмэ күүтүллүбэтэх өттүттэн уларыйыылар, олоххун уларытар быһаарыылар күөрэйиэхтэрэ. Тула өттүгүтүн барытын хонтуруоллуур кыаххыт суох.

Хахай
Хахайдар элбэхтик хамсаныахтара, кэлиэхтэрэ-барыахтара. Ол эрээри көрсүһүүлэр, кэпсэтиилэр туох да туһаны аҕалыахтара суоҕа. Кыратык тохтуу түһэр. уоскуйар, толкуйдуур наада буолбут.

Кыыс
Билигин бытархай дьыалаларга хасыһан, алҕастары ырытан, көннөрүүлэри киллэриэххитин наада. Барытын сыныйан үөрэтэн көрөр дьоҕургут сыалгытын ситиһэргэ көмөлүө. Саҥа саҕалааһыннар үчүгэй түмүктэри аҕалыахтара.

Ыйааһын
Хайҕалга, бириэмийэ ыларга, болҕомтоҕо сылдьарга наадыйар буолбуккут. Ардыгар атаҕастаммыт курдук сананыаххыт, үлэҕитигэр этиһии төрдө буолуоххутун сөп. Бары дьарыктан дуоһуйууну ыларга үөрэниҥ. Бүгүн эһиги иннигитигэр интэриэһинэй этиилэр иһиллиэхтэрин сөп.

Скорпион
Бүгүн сулустар барытыгар көмөлөһүөхтэрэ. Санаабыккыт барыта табыллыа, туппуккут барыта инникитин наадалаах буолуо. Бу күнтэн сөптөөх түмүктэри оҥорорго кыһаллыҥ.

Охчут
Сулустар эһиэхэ саҥаны саҕалыыртан аккаастанаргытыгар сүбэлииллэр. Урукку кэмтэн хаалбыт кыһалҕалары быһаара охсун, дьыаланы тиһэҕэр тиэрдиҥ. Үлэ бүтүннүүтэ биир кыһалҕаттан хаайтаран хаалар кыахтаах. Сөптөөх суолу талыҥ уонна атыттарга мэһэйдээмэҥ.

Чубуку
Чубукуларга табыгастаах күн үүммүт — туох барыта быһаарыллар, олус үчүгэй күн. Хара сарсыардаттан саҕалаабыккыт барыта табыллан иһиэ, онон бу күнү мүлчу тутумаҥ. Ол эрээри, түргэнник барыс ылары эккирэтимэҥ, улахан ночоокко киириэххитин сөп.

Күрүлгэн
Куһаҕан сонуннары бэрт сэргэх настарыанньалаах дьүөрэлээн көрсүөххүт, онон бары дьыаланы быһаарар күүскүт-уоххут эбиллибит курдук, ардыгар атыттарга көмө оҥорор дьоҕургут күүһүрүө. Бүгүн имигэс, сатабыллаах буоларгыт ирдэнэр.

Балыктар
Бу күн аймалҕана, кэлиитэ-барыыта суох, чуумпутук ааһыа. Арай эһиги бэйэҕит бу күнү уустугурдан биэриэххитин сөп. Кыһалҕаны быһаарыы уустуга суох, барыта иннигитигэр көстөн сытар. Дьону кытта ханнык баҕарар түгэҥҥэ аҕаһас буолуҥ, албыны-көлдьүнү батыһымаҥ.