Хаартыска: ааптар түһэриитэ.
Цифровой сайдыы ханна-ханна тиийбэтэҕэй диэххэ. Ол көмөтүнэн дьиэҕэ да олорон, балыыһаҕа көрдөрүнэр кыахтаах эбиппит.
Холобур, оҕо кыратык тумуулаатаҕына, сөтөлүннэҕинэ киһи долгуйа түһэр. Биир өттүнэн температурата суох оҕону балыыһаҕа илдьиэххин баҕарбаккын, иккис өттүнэн бэйэҥ тугу эмтиэкэлиэххиний. Онон син биир балыыһаҕа бараргар тиийэҕин.
Ол иһин бэҕэһээ “Цифровой алмаас” пуорумҥа Сбер араас өҥөлөрө туруоруллубут сирдэригэр сылдьан, ордук Сбер-доруобуйаҕа кыра оҕолоох, кырдьаҕастардаах дьоҥҥо олус табыгастаах мэдиссиинискэй тэриллэр, өҥөлөр баалларын көрдүм: поликлиникаҕа суруттарыы, диагностика, онлайн-консультация. Холобур, кыра оҕо муннун, кулгааҕын, күөмэйин иһин, тириитин тас туругун быһаарар аналлаах “Өйдөөх камералаах” жираф баар эбит.
“Өйдөөх камера” хайдах үлэлиирин Сбер хайысхаларын салайааччыта Полина быһааран биэрдэ: “Жирафпыт араастык иэҕиллэр сымнаҕас тумустаах, тумсун төбөтүгэр уоттаах, холобур кулгаах иһэ хабыс хараҥа, ону сырдатан көрөргө аналлаах. Ону хайдах көрөҕүн диэтэххэ, жирафпытыгар холбонор сирдээх, бу манан төлөпүөҥҥэр настройкалар нөҥүө киирэн сиэти булаҕын. Сиэт холбонноҕуна, Сбер-доруобуйа сыһыарыыга киирэн камеранан кулгаах, мурун, күөмэй, тирии хайдах туруктаахтарын көрөҕүн. Камерата чугаһатан көрөргө ананан оҥоһуллубут, хаартыскаҕа да түһэриэххин, видеоҕа да устуоххун сөп. Ол кэннэ бырааска ыытан кэбиһэҕин”.
Сирэбис минимальнай бакыаттаах, ыйга 450 солк. төлөөн баран, икки улахан киһи, үс оҕо көрдөрүнэллэр. Холобур, поликлиника бырааһа туруорбут диагноһын саарбахтыыр буоллахха, УЗИ, МРТ, КТ, анаалыстарын хаартыскаҕа түһэрэн, сканируйдаан баран, Сбер бырааһыгар ыытан кэбиһиэххин эбэтэр чат, видео нөҥүө кэпсэтиэххин сөп. Оччоҕо эрдэтээҥи түмүккэ, анаалыстарга олоҕуран, бэйэлэрэ диагноз туруораллар. Онон сөп дуу, сыыһа дуу диэн саарбахтыы сылдьыбытыҥ ааһар. Бу ордук эмчит тиийбэт сирдэригэр наадалаах эбит. Холобур, оҕо сөтөллөр буоллаҕына, хайдах сөтөллөрүн устан баран бырааска ыытаҕын. Ону кини истэр уонна сөптөөх эми аныыр. Ону таһынан анаалыстары сиһилии кэпсээн, быһааран биэрэллэр уонна хайа бырааска барыаххын наадатын этэн биэрэллэр.
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…
Ил Дархан Айсен Николаев «АЛРОСА» хампаанньа үлэһиттэрин уонна бэтэрээннэрин Саха Өрөспүүбүлүкэтин салалтатын уонна тус бэйэтин…