Хаартыска: ru.freepik.com
Бүгүн бэйэҕитин истэргэ, күүскүтүн түмэргэ уонна чугас дьоҥҥутугар болҕомтону уурарга табыгастаах кэм үүммүт. Күҥҥүт ситиһиилээхтик аастын!
Хой (21.03 – 20.04)
Бүгүн ханна да ыксаама, айманыма, тиэтэйимэ. Биир сүрүн дьыалаҕа болҕомтото уур, оччоҕо инникитин ситиһии хайаатар да тосхойуо. Киэһэтин чугас дьонуҥ сүбэтин иһит, санааҕын кытта атастас.
Оҕус (21.04 – 21.05)
Дьиэҕэр-уоккар сынньалаҥы, дуоһуйууну тэрий. Минньигэс аһы астаан, чугас дьоҥҥун үөрдэ сырыт. Бу үүммүт күҥҥэ дууһаҥ сынньанар, санааҥ сааһыланар.
Игирэлэр (22.05 – 21.06)
Доҕотторгун кытта алтыһарга табыгастаах кэм кэлбит — туох да мэһэйдээбэт. Саҥа сонуннары эрэ буолбакка, дириҥ ис хоһоонноох кэпсэтиилэри, санаа атастаһыыларын тэрий. Ким эрэ эйиэхэ ис сүрэҕиттэн наадыйар буолбут.
Араак (22.06 – 22.07)
Ааспыты санаан аһара хомойума, бүгүҥҥү күҥҥэ дьиэҕэр олорон эрэ сынньанар ордук. Дьиэ кэргэниҥ сылаас тыла, өйөбүлэ эйиэхэ күүс-уох буолуохтара. Кинилэргэ махтанаргын умнума, мэлдьи үөрэ-көтө сырыт.
Хахай (23.07 – 23.08)
Айар куккун уһугуннар, тугу эмит саҥаны оҥорор, киллэрэр кэм кэлбит. Урут саҕалаабыт, ол эрээри бырахпыт дьарыккар төнүн. Бэйэҕин сайыннарарга, саҥа сатабылы сайыннарарга үчүгэй күн.
Кыыс (24.08 – 23.09)
Кэлэр нэдиэлэҕэ былааннаргын оҥоһун. Дьиэҕин-уоккун хомуйан, санааҕын сааһылаа. Барыта оннугар сааһыланан, миэстэтигэр турдаҕына, дууһаҕар чэпчиэҕиҥ.
Ыйааһын (24.09 – 23.10)
Мөккүөртэн, айдаантан тэйиччи сырыт. Чуумпуну, сынньалаҥы тал. Кэрэҕэ чугаһаа – сөбүлүүр киинэҕин көр, муусуката иһит, эбэтэр айылҕаҕа тахсан ыраас салгыҥҥа сырыт.
Скорпион (24.10 – 22.11)
Бүгүн ханнык эрэ кистэлэҥ талааныҥ арыллыан, эбэтэр эргэ ыйытыкка кэтэһиилээх хоруй көстүөн сөп. Бэйэҥ ис туруккун иһиллээ. Соҕотох хаалан толкуйдуургуттан куттаныма.
Охчут (23.11 – 21.12)
Саҥаны билэргэ-көрөргө тардыһыыҥ күүһүрүө. Кинигэтэ аах, интэриэһинэй биэриини көр. Аны сайын ханна бараргын былаанныырга табыгастаах кэм.
Чубуку (22.12 – 20.01)
Үлэҥ түмүгэ көстөн, санааҥ көтөҕүллүө. Уруккуттан оҥоро сатаабыт дьыалаҥ бүгүн ситэн-хотон тахсыан сөп. Ол эрээри, киэһэ сынньанары эмиэ умнума.
Күрүлгэн (21.01 – 18.02)
Ис туруккун ураты санаалар толоруохтара. Олору сурунан кэбис, кэлин хайаан да туһалыахтара. Технология көмөтүнэн ыраах доҕотторгун кытта сибээстэс.
Балыктар (19.02 – 20.03)
Ис туруккун иһиллээ, бүгүн кини албыннаабат. Түүлгэр киирбит бэлиэлэргэ болҕомтоҕун уур, онно туох эрэ суолталаах быһаарыы баар. Күүскүн-уоххун кэлэр нэдиэлэҕэ харыстаа, элбэҕи эрэннэримэ.
Былырыын атырдьах ыйыгар сэттэ эдэр киһи наркотигы тарҕатыынан дьарыктанан тутуллубуттар, олортон түөрдэ сокуоннай саастарын туола…
Бүгүн, тохсунньу 24 күнүгэр, Саха сирин сорох улуустарыгар -17 кыраадыс буолар диэн УГМС иһитиннэрэр. Хотугулуу-илин,…
Урут оҕо сылдьан аҕабынаан убайбытыгар окко көмөлөhөрбүт. Киэhэ алааспытыгар, үүтээн таhыгар утуйаары сылдьан бары остуолга…
Хаҥалас улууһун 58 саастаах олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. …
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…