Күннээҕи гороскоп: тохсунньу 17 күнэ

Бүгүн Ый Оҕус бэлиэтигэр сылдьар. Ол аата – биһиги бары бигэ туруктаах, эрэллээх буолууну баҕарабыт. Бүгүн үлэҕэ-хамнаска, үбү-харчыны былаанныырга, дьиэҕэ-уокка бэрээдэги олохтуурга табыгастаах күн. Ыксаабакка, ыгылыйбакка, барытын толкуйдаан оҥорорго кыһаллыҥ.

Хой

Бүгүн аһара ыксаамаҥ, саҥа дьыаланы саҕалыыртан туттунуҥ. Урут саҕалаабыт үлэҕитин ситэрэргитигэр ордук табыллыылаах күн. Харчы боппуруоһун быһаарарга, бүддьүөтү былаанныырга табыгастаах кэм. Киэһэни чуумпутук, дьиэҕитигэр атаарыҥ.

Оҕус

Субуота —  эһиги кэмҥит! Бүгүн эһиэхэ барыта табыллыан сөп. Бэйэҕитин иһиллээҥ, тугу гыныаххытын баҕараргытынан сирдэтиҥ. Сөбүлүүр аскытын астаан аһааҥ, сынньалаҥнык сылдьыҥ. Сэрэйэн көрөр дьоҕургут күүстээх буолуо, албыҥҥа киирбэккит.

Игирэлэр

Бү күн соҕотох сылдьан толкуйдуурга, былаан оҥосторго үчүгэй. Элбэх киһи сылдьар сириттэн тэйиччи буола сатааҥ. Искитигэр мунньуллубут санааларгытын сурукка киллэрдэххитинэ, санааҕыт сырдыа. Доруобуйаҕытыгар болҕомтото ууруҥ.

Араак

Доҕотторгутун кытта билсэргитигэр, кэпсэтэргитигэр табыгастаах күн. Кэскиллээх былааннары бииргэ оҥоруоххутун сөп. Ким эмэ сүбэ-ама биэрдэҕинэ, болҕойон истиҥ – туһалаах буолуо.

Хахай

Бүгүн үлэҕит-хамнаскыт инники күөҥҥэ тахсар. Сыралаах үлэҕит түмүгэ биллиэ.  Дьиэ кэргэҥҥитин кытта бириэмэ атаарары умнумаҥ.

Кыыс

Эһиэхэ бүгүн барыта сатанар. Саҥаны билиэххитин-көрүөххүтүн, кэскилгитин толкуйдуоххутун баҕарыаххыт. Баҕар, ханна эрэ айаҥҥа барар санаа киириэ. Үөрэххэ, саҥа идэни баһылыырга олус табыгастаах. Барыта бэрээдэктээх буоллаҕына, санааҕыт көтөҕүллүө.

Ыйааһын

Бүгүн үп-харчы боппуруоһугар болҕомтолоох буолуҥ. Улаханы атыылаһаары гыммыт буоллаххытына, өссө биирдэ толкуйдаан көрүҥ. Иэс ылартан, биэрэртэн туттунуҥ. Чугас киһигит өйөбүлэ эһиэхэ күүс-көмө буолуо.

Скорпион

Партнергутун, чугас киһигитин эбэтэр бииргэ үлэлиир дьоҥҥутун кытта сыһыаҥҥа болҕомтото ууруҥ. Кэпсэтии, сүбэлэһии нөҥүө эрэ табыллыы кэлиэ. Бэйэҕит эрэ санааҕытынан бара сатаамаҥ. Ким эмэ этиитин ылыннаххытына, сүүйүөххүт.

Охчут

Күннээҕи түбүккэ, доруобуйаҕа болҕомтону уурар күн. Үлэҕитигэр-хамнаскытыгар бэрээдэги олохтооҥ, кыра да үлэни хаалларымаҥ. Доруобуйаҕытын көрүнүҥ, битэмииннээх аһы аһааҥ, хамсаныҥ. Үчүгэйдик сынньаннаххытына, күүскүт эбиллиэ.

Чубуку

Бүгүн айар-тутар куккут уһуктар күнэ. Сөбүлүүр дьарыккытынан дьарыктаныҥ, оҕолоргутун кытта оонньооҥ, тапталлаах киһигитигэр болҕомтото ууруҥ. Үлэни эрэ толкуйдуу сылдьыбакка, дуоһуйа сынньанар кэм. Биир үчүгэй күнү бэйэҕитигэр бэлэхтээҥ.

Күрүлгэн

Дьиэ кэргэҥҥэ, чугас дьоҥҥо болҕомтону уурар күн. Дьиэҕитин-уоккутун хомуйуҥ, минньигэс аһы астааҥ, бары бииргэ мустан кэпсэтиҥ. Чугас дьоҥҥут өйөбүллэрэ эһиэхэ саҥа күүһү биэриэ. Уруккуну ахтар, истиҥник сэһэргэһэр киэһэ буолуо.

Балыктар

Кэпсэтиигэ, билсиигэ-көрсүүгэ табыллыылаах күн. Саҥа сонуну истэн элбэҕи билиэххит. Наадалаах киһигитигэр эрийэн кэпсэтиҥ, санааҕытын үллэстиҥ. Кыра айан, чугас сиргэ күүлэйдии барыы туһалаах буолуо.