Күннэй Кузьмина Москваҕа устудьуоннар сүлүөттэрин бэстибээлигэр бастаата

Сэтинньи 22-24 күннэригэр Москва куоракка Бүтүн Арассыыйатааҕы устудьуоннар этэрээттэрин 65 сыллаах үбүлүөйдээх сүлүөттэрэ буолан ааста. Манна Саха сириттэн Таатта Туора Күөлүттэн төрүттээх ХИФУ педагогическай институтун 2-c кууруһун устудьуона Күннэй Кузьмина   айар бэстибээлгэ  кыттан Гран-при буолла.

Бу туһунан Күннэй Кузьмина санаатын үллэһиннэ:

-Айар бэстибээлгэ  уопсайа 28 киһи кытынна. Мин ыллыы тахсарбар 200-тэн тахса киһи көрөн олороруттан бастаан догуйбутум аҕай. Сахалыы сиэринэн Үрдүк Айыылартан көрдөһөн баран сыанаҕа тахсыбытым. Хайдах эрэ испэр миэстэлэһиэм дии санаабатаҕым. Кыыллар саҥаларын үтүктэрбэр барытыгар бэйэм үөрэммит буолан бэлэмнэнэрбэр уустуктардаах этэ, ол эрээри дьаныардаах дьарык ситиһиигэ тиэртэ диэн наһаа үөрдүм. Түгэнинэн туһанан, биир дойдулаахтарбар, чугас дьоммор-сэргэбэр махталбын тиэрдэбин.