Күннэй Романова: «Патриотическай иитии улахан дьоҥҥо эмиэ наада»

Бүгүн Хабаровскайга «Разговоры о важном для взрослых» диэн патриотическай иитиини тэрийэр үлэҕэ сэминээр иккис күнэ буола турар.

Сэминээр үлэтин туһунан «Почта России» Саха сиринээҕи салаатын дириэктэрин каадырга уонна социальнай боппуруостарга солбуйааччы Күннэй Романова кэпсээтэ.

— Патриотическай иитии оҕолорго, ыччакка эрэ наадалаах буолбатах, салайааччыларга эмиэ наада. Отучча сылы быһа атын идеологияны үтүктэн, атын сыаннастарга улааппыт көлүөнэ баар.

Сэминээр хас биирдии күнэ Арассыыйа гимниттэн саҕаламмыта үөртэ. Амурскай уобалас уопутун интэриэһиргээтим — үлэһиттэр настарыанньаларын билэр сыалтан анкета толортороллор, быыбар күнүгэр үөрүүлээх быһыыга-майгыга  наҕараадалыыллар эбит. Бу маннык ньыманы ханнык баҕарар тэрилтэҕэ туһаныахпытын сөп.

Биир дойдулаахтарбытын — федеральнай уорганнар тэрилтэлэрин салайааччыларын сыанаҕа көрөр астык этэ. Интэриэһинэй бырайыактары билиһиннэрбиттэрэ. «Росимущество» үлэһиттэригэр патриотизм тыынын иҥэрэр тэрээһиннэри ыыталларын сэргээтим, — диэн Күннэй Романова санаатын үллэһиннэ.

Ил Дархан, бырабыыталыстыба дьаһалтатын пресс-сулууспата.