Күн талбыт сибэккитэ! (ХААРТЫСКАЛАР)

Үлэ чааһын бүтүүтэ Билии күнүн иннинэ анаан-минээн «Бааһынай» ырыынагар баран, сибэкки сыанатын көрөн кэллим. Күн талбыт сибэккитэ манна баар эбит!

Сибэкки атыылааччылар Лермонтов-Киров уулуссаларын муннугуттан саҕалаан тураллар. Салгыы “Оскуола атыытын” дьаарбаҥкатын эрээттэригэр үктэнээппин кытта аҕыйах атыыһыт көстөр. Сорох атыыһыттар номнуо аҕыйах устуука розалаах хаалбыттар.

Онтон «Бааһынай» ырыынак таһыгар суолу тэлэ икки өттүнэн атыыһыттар хото кэчигирэспиттэр. Хризантема 300 солк., роза 500 солк. саҕаланар. Бэлэм сибэкки дьөрбөтө 3000 солк. тиийэ баар. Атыылаһааччы баҕатынан хайдах баҕарар симээн, хомуйан биэрэллэр.

“Сарсын, балаҕан ыйын 1 күнүгэр эмиэ баар буолабыт”, — дэһэллэр. Сибэкки ыла илик, толкуйдуур дьон кытаатыҥ.