Күнүс -30…-35°С кыраадыс, тибии, буурҕа түһэр

Саха сирин синоптиктарын сабаҕалааһыннарынан, бүгүн, тохсунньу 18 күнүгэр, өрөспүүбүлүкэ соҕуруу, арҕаа, хотугулуу-арҕаа өттүгэр уонна Арктика кытылыгар кыралаан хаар түһэрэ күүтүллэр. Бу туһунан УГМС саайта иһитиннэрэр.

Кыра тыаллаах, Арктика арҕаа кытылыгар соҕуруулуу-арҕааттан тыал күүһэ сөкүүндэҕэ 17-22 миэтэрэҕэ тиийиэ, тибии, буурҕа түһэр.

Салгын температурата түүнүн -33…-38°, халлаан ырааһырдаҕына -38…-43°, хотугулуу-арҕаа, хотугулуу-илин намтал сирдэргэ -45…-50°, соҕуруулуу-илин -29…-34°, Арктика кытылыгар -15…-20° кыраадыс тымныы.

Күнүһүн -30…-35°, хотугулуу-илин намтал сирдэргэ -41…-46°, соҕуруу -25…-30°, Арктика кытылыгар -12…-17° кыраадыс тымныы.

Дьокуускайга түүнүн -34…-36°, күнүһүн -31…-33° кыраадыс тымныы,  сөҥүүтэ суох. Тыал арҕааттан, сөкүүндэҕэ 1-4 миэтэрэ.