Күнүс -33С кыраадыс, киин улуустарга хаардыыр

Саха сиринээҕи гидрометеорология сулууспатын синоптиктарын билгэтинэн, бүгүн, тохсунньу 26 күнүгэр, өрөспүүбүлүкэ илин, соҕуруу уонна киин өттүгэр кыралаан хаар түһүө. Уус-Маайа, Өймөкөөн улуустарыгар хаар түһэрэ күүтүллэр.

Арҕаа улуустарга сөҥүүтэ суох күн-дьыл туруоҕа. Тыала мөлтөх, илинтэн кэмиттэн кэмигэр күүһүрүө. Арктика кытылыгар тыал сорох сиринэн сөкүүндэҕэ 9-14 м. тиийэ күүһүрүө, силлиэ түһэр, арыыларга тыал сөкүүндэҕэ 17-22 м. тиийиэ, тибии түһүө.

Салгын температурата түүнүн -33-38°, халыннаҕына -38-43°, соҕуруу-илин -28-33°, Халымаҕа -17-22°, Аллараа Халыма улууһугар -9-14°, арҕаа -40-45°, хотугулуу-арҕаа намыһах сирдэринэн -46-51° кыраадыс тымныы.

Күнүс -29-34°, соҕуруу-илин -24-29°, Халымаҕа -14-19°, Аллараа Халыма улууһугар -3-8°, арҕаа -32-37°, хотугулуу-арҕаа намыһах сирдэринэн -43-48° кыраадыс буолуо.

Дьокуускайга түүнүн -33-35°, күнүс -31-33° кыраадыс тымныы. Сөҥүүтэ суох. Тыал хотугулуу-арҕааттан сөкүүндэҕэ 2-6 м. түргэннээх.