Күнүс -33°С кыраадыска диэри тымныйыа

Синоптиктар сабаҕалааһыннарынан, бүгүн, тохсунньу 22 күнүгэр, Саха сирин хотугулуу-арҕаа, соҕуруу, илин өттүгэр хаардыыр, оттон Халымаҕа кыралаан хаар түһүөҕэ. 

Салгын температурата түүнүн -37-42°, арҕаа, Өлүөнэ алын тардыытыгар, өрүс уҥуоргу улуустарга халлаан халыннаҕына -42-47°, хотугулуу-арҕаа уонна хотугулуу-илин намыһах сирдэргэ -45-50°, соҕуруулуу-илин, соҕуруу -25-30°, Халымаҕа -20-25°, Арктика кытылыгар -15-20° кыраадыс тымныы буолуо.

Күнүһүн -28-33°, арҕаа -33-38°, хотугулуу-илин намыһах сирдэргэ -40-45°, соҕуруу -23-28°, Халымаҕа -17-22°, Арктика кытылыгар -14-19° кыраадыс тымныы буолара күүтүллэр.

Дьокуускайга салгын температурата түүнүн -36-38°, оттон күнүһүн -30-32° кыраадыс тымныы буолуо. Сөҥүүтэ суох. Сорох сиринэн туманнаах. Тыал хотугулуу-арҕааттан сөкүүндэҕэ 2-5 миэтэрэ түргэннээх.