Күнүүлээтэҕэ аатыран…

Мииринэй оройуонун ИДьМ отделын дьуһуурунай чааһыгар Мииринэй олохтооҕо дьахтар баайын-дуолун алдьаппыттарын туһунан сайабылыанньа суруйан киллэрбит.

Кини бииргэ олорор киһитин кытта иирсибитигэр, ол киһи дьахтар тэлэбиисэрин уонна сиэркилэтин сутуругунан алдьаппытын туһунан үҥсүбүт.

Быһаарыллыбытынан, ити күн уорбаланааччы (38 саастаах киһи) арыгы испит.  Итиэннэ миэхэ буолбакка дьүөгэлэргэр болҕомтоҕун уураҕын диэн бу киһи күнүүлээн турбут. Хоромньу 8 тыһыынча солкуобайга тэҥнэспит.

Силиэстийэ отделениета РФ ХК 167 ыст. 1 ч. «Умышленное уничтожение или повреждение имущества» холуобунай дьыаланы тэрийбит.

СӨ ИДьМ саайтыттан